Ol Witnes Bilong Jehova i Ting Olsem God Bai Kisim Bek Ol Tasol?

Nogat. God bai kisim bek tu planti milion manmeri husat i bin stap bipo na ol i no Witnes Bilong Jehova. Baibel i stori olsem taim God i kamapim nupela taim, “bai i gat kirap bek bilong ol man i dai pinis, em ol stretpela man na ol man nogut wantaim.” (Aposel 24:15) Na tu, planti man husat i stap laip long nau, ol tu inap kirap lotuim God, na ol tu inap kisim laip. Em i no wok bilong mipela long skelim husat lain God bai kisim bek na husat lain God i no inap kisim bek. Dispela wok i stap long han bilong Jisas.—Jon 5:22, 27.