Olsem Wanem Ol Witnes Bilong Jehova i Kisim Nem Bilong Ol?

Jehova em nem tru bilong God olsem Baibel i kamapim. (Kisim Bek 6:3; Buk Song 83:18) Witnes em man husat i tokaut long ol tingting o ol tok tru we em i bilip tru long en.

Olsem na nem Witnes Bilong Jehova i makim olsem mipela i wanpela lain Kristen husat i save autim ol tok i tru bilong Jehova, em Krieta bilong olgeta samting. (Revelesen 4:11) Mipela i autim tok long ol narapela long rot bilong ol pasin mipela i bihainim, na tu, mipela i autim tok taim mipela i tokim ol long ol samting mipela i lainim long Baibel.—Aisaia 43:10-12; 1 Pita 2:12.