Yu Inap Autim Tok na Skulim Ol Man!

Taim Jehova i givim wok long Moses, em i ting em i no inap long mekim gut dispela wok. (Ki 4:10, 13) Olsem wanem? Yu bin pilim olsem tu? Yu stadi long Baibel wantaim ol Witnes Bilong Jehova? Yu save tingting planti olsem yu inap autim tok long ol man bilong haus o nogat? O ating yu wanpela yangpela na yu pret long autim tok long skul. O ating yu pret long autim tok long pablik ples o autim tok long rot bilong telefon. Yu mas beten askim Jehova long givim yu holi spirit. (1Pi 4:11) Yu mas bilip tru olsem em bai helpim yu long mekim gut ol wok em i givim yu.—Ki 4:11, 12.

LUKIM VIDIO MAS STRONG BEL . . . YUPELA OL PABLISA, NA BIHAIN GIVIM OL DISPELA ASKIM:

• Sista Aoyama i bungim wanem hevi?

• Wanem samting i helpim em long strongim bel na i no pret?—Jer 20:7-9

• Taim em i mekim bikpela wok moa bilong Jehova, olsem wanem dispela i helpim em?

• Jehova inap helpim yu long winim wanem ol hatwok long wok autim tok?