No Ken Bihainim Pasin Bilong Ol Man i No Stap Gut Long God

Kora, Datan, na Abiram i no stap gut long Jehova taim ol i bikhet long rot Jehova i makim bilong mekim ol samting. Jehova i bagarapim ol dispela man wantaim lain i sapotim ol. (Nam 16:26, 27, 31-33) Wanem ol samting inap traim pasin bilong yumi long i stap gut long Jehova? Wanem ol stori i stap long Baibel inap helpim yumi na yumi no bihainim pasin bilong ol man i no stap gut long God?

LUKIM VIDIO NO KEN BIHAINIM PASIN BILONG OL MAN I NO STAP GUT LONG GOD, NA BIHAIN BEKIM OL DISPELA ASKIM:

• 

  Wanem samting i kamap na i traim Nadia? Wanem stori bilong Baibel i stap olsem tok lukaut na i helpim em long i stap gut long God?

• 

  Wanem samting i traim wanpela brata husat i bel hevi? Wanem stori bilong Baibel i stap olsem tok lukaut i helpim em long i stap gut long God?

• 

  Wanem samting i traim Terrance? Wanem stori bilong Baibel i stap olsem tok lukaut na i helpim em long i stap gut long God?

• 

  Wanem samting i traim wanpela brata long skul? Wanem stori bilong Baibel i stap olsem tok lukaut i helpim em long i stap gut long God?