Askim

Sapos man na meri i no marit i slip long seim haus long nait, dispela i makim olsem ol i mekim rong na komiti bilong harim kot i mas skelim dispela samting?

Sapos i no gat gutpela risen long tupela yet i stap wantaim, orait komiti bilong harim kot bai skelim dispela samting bikos pasin pamuk inap kamap.—1 Kor. 6:18.

Lain elda bai skelim ol samting i kamap na ol bai save sapos i stret long komiti bilong harim kot i ken sindaun wantaim tupela. Olsem: Man na meri i gat laik long narapela narapela? Tupela i kisim tok kaunsel long pastaim long pasin tupela i save mekim long narapela narapela? Wanem samting i kamap na long nait tupela yet i stap? Tupela i bin pasim tok long mekim olsem? Hevi em tupela i no tingting long en i kamap na ol i mas stretim dispela hevi kwiktaim, olsem na nau tupela i mas stap long wanpela haus long nait? (Sav. 9:11) Tupela i slip long wanpela rum o long narapela narapela rum? Ol elda i mas skelim olgeta dispela samting.

Bihain long lain elda i mekim pinis wok painimaut, ol bai skelim sapos tupela i mekim bikpela rong.