“Langutelo Ra Mina Hi Ntirho Wa Dokodela Se Ri Cincile”

AKANE, nhwanyana wa malembe ya mune hi vukhale eOsaka, Japani, a ri ni vuvabyi lebyi rharhanganeke bya mbilu—ku hela matimba ka misiha yo fambisa ngati ni ku hela matimba ka misiha yo amukela ngati—leswi endleke leswaku a fanela ku endliwa vuhandzuri lebyikulu bya mbilu. Vatswari va yena, va kombele leswaku madokodela ma endla vuhandzuri handle ko tirhisa ngati.a

Vuhandzuri bya mbilu lebyi ku nga tirhisiwiki ngati swa nonon’hwa ku byi endla eka vana hikwalaho ka mpimo wa vona wa le hansi wa ngati. Malunghana na Akane, madokodela ma pfumerile ku endla vuhandzuri handle ko tirhisa ngati. Ku kombisa vutshila bya vona lebyikulu bya vutshunguri, vuhandzuri bya Akane byi humelerile. U hlakarhele hi ku hatlisa naswona sweswi u tiphina hi rihanyo leri tsakisaka.

Mana wa Akane u tsalele madokodela lama katsekeke eka vuhandzuri, a hoxa xifaniso xa Akane lexi a xa ha ku tekiwa. Mutivi wa ku titivata u hlamule papila ra mana wa Akane. Xiyenge xin’wana xa papila xi hlayeka hi ndlela leyi:

“Ku hlakarhela ka Akane loku hlamarisaka ka hi tsakisa. Ndzi humese ni mihloti loko ndzi vona xifaniso lexi tsakisaka lexi u xi hoxeke epapileni ra wena. Lexi ndzi karhateke ngopfu a ku nga ri ku nonon’hwa ka vuhandzuri kambe a ku ri ku hambana ka ripfumelo ra wena ni ra mina. Sweswi, hikwalaho ka ntokoto lowu, langutelo ra mina hi ntirho wa dokodela se ri cincile. Madokodela ma fanele ku tirhisa ku twisisa ka wona lokukulu ka vutshunguri leswaku ma ponisa vutomi, kambe ma fanele ku xixima xiyimo ni ku navela ka muvabyi.”

[Nhlamuselo ya le hansi]