Ndlela Yo Tirhisa Xibukwana Lexi

Eka matluka lama landzelaka, u ta kuma Tsalwa ra siku rin’wana ni rin’wana ni nhlamuselo ya kona. Hambileswi ndzimana ya siku yi nga ha hlayiwaka nkarhi wihi ni wihi, vo tala va vona swi va pfuna swinene ku yi hlaya nimixo. Sweswo swi va pfuna ku anakanyisisa hi yona siku hinkwaro. Ku kambisisa ndzimana tanihi ndyangu swa pfuna swinene. EBethele ku hlayiwa ndzimana ya siku hi nkarhi wo fihlula.

Tinhlamuselo ta ndzimana leyi ti tekiwe eka Xihondzo xo Rindza (w) xa April 2016 ku ya eka March 2017. Endzhaku ka loko ku boxiwe Xihondzo xo Rindza, tinomboro leti landzelaka (1, 2, 3, 4, kumbe 5) ti kombisa leswaku i xihloko xa vungani laha ndzimana ya siku yi tshahiweke kona. Endzhaku ka tona, ku landzela tinomboro ta tindzimana leti nhlamuselo yi tshahiweke eka tona. (Vona xikombiso laha hansi.) U nga kuma rungula leri engetelekeke hi ndzimana ya siku rero eka xihloko lexi rungula ri tekiweke kona. Leswaku u kuma laha xihloko ha xin’we xi sungulaka kona, vona tluka ro sungula kumbe ra vumbirhi ra Xihondzo xo Rindza lexi kombisiweke.