Ndlela Yo Tirhisa Xibukwana Lexi

Eka matluka lama landzelaka, u ta kuma tsalwa ra siku rin’wana ni rin’wana ni nhlamuselo ya kona. Hambileswi ndzimana ya siku yi nga hlayiwaka nkarhi wihi ni wihi kambe vo tala va vona swi va pfuna swinene ku yi hlaya nimpundzu. Sweswo swi endla va anakanyisisa hi yona siku hinkwaro. Ku kambisisa ndzimana tanihi ndyangu swa pfuna swinene. EBethele yi hlayiwa hi nkarhi wo fihlula.

Tinhlamuselo ta ndzimana leyi ti tekiwe eka Xihondzo xo Rindza (w) xa April 2018 ku ya eka March 2019. Endzhaku ka loko ku boxiwe Xihondzo xo Rindza, tinomboro leti landzelaka ti kombetela eka tluka ni tindzimana leti ndzimana ya siku yi tshahiweke eka tona. (Vona xikombiso laha hansi.) U nga kuma rungula leri engetelekeke eka nhlokomhaka leyi ndzimana ya siku yi tekiweke eka yona.