“Ntshungu lowukulu” lowu nga hlayekiki lowu humaka eka matiko hinkwawo wu ta pona eka nyimpi ya Armagedoni
I Yini Leswi Bibele Yi Swi Vulaka?
I Yini Armagedoni?
Vanhu van’wana va tshemba . . .
leswaku i ku herisiwa ka misava hinkwayo hi matlhari ya nyutliya kumbe hi timhangu ta ntumbuluko. Wena u ri yini?
Leswi Bibele yi swi vulaka
Armagedoni i ndhawu yo fanekisela ya “nyimpi ya siku lerikulu ra Xikwembu xa Matimba Hinkwawo” yo lovisa vanhu vo homboloka.—Nhlavutelo 16:14, 16.
I yini swin’wana leswi hi nga swi dyondzaka eBibeleni?
Xikwembu xi ta tirhisa nyimpi ya Armagedoni leswaku xi ponisa misava eka vanhu lava yi onhaka.—Nhlavutelo 11:18.
Nyimpi ya Armagedoni yi ta herisa tinyimpi hinkwato.—Pisalema 46:8, 9.
Xana hi nga swi kota ku pona eka nyimpi ya Armagedoni?
A wu ta hlamula njhani?
Ina
E-e
Kumbexana
Leswi Bibele yi swi vulaka
“Ntshungu lowukulu” lowu humaka eka matiko hinkwawo wu ta pona Armagedoni.—Nhlavutelo 7:9, 14.
I yini swin’wana leswi hi nga swi dyondzaka eBibeleni?
Xikwembu xi lava leswaku vanhu vo tala va pona nyimpi ya Armagedoni. Xi ta herisa vanhu vo homboloka hi leswi va alaka ku hundzuka.—Ezekiyele 18:32.
Bibele yi hlamusela leswi hi nga swi endlaka leswaku hi ta pona nyimpi ya Armagedoni.—Sofaniya 2:3.