Ndlela LeyiXikombo Yi Nga Pfunaka Ndyangu Ha Yona
1 Loko yi vulavula hi swirho swa ndyangu, 1 Timotiya 5:4 ya hlamusela: ‘A va sungule va dyondza ku tirhisa ku tinyiketela eka Xikwembu endyangwini wa vona.’ Hakunene, ku tirhisa ku tinyikela eka Xikwembu eku tirhisaneni ka hina ni swirho swa ndyangu i nchumu lowu faneleke ku dyondziwa. Eka leswi hi lava nkongomiso wa Xikwembu, tanihi leswi ku khathalela swirho swa ndyangu ku nga xiphemu xa ndzhwalo wa hina wa Vukriste. Watch Tower Publications Index yi nga hi pfuna ku kuma nkongomiso wa swiyimo swo tala leswi humelelaka evuton’wini bya ndyangu. Loko u swi kuma swi nonon’hwa ku tirhisa Watch Tower Publications Index ya Xinghezi, u ta kuma tinhlamuselo leti fanaka leti pfunaka eka Xikombo xa Tinhloko-mhaka endzhaku ka Xihondzo xo Rindza xa December 15 na Awake! ya December 22.
2 Ndyangu wu va kona loko wanuna ni wansati va tekana. (Gen. 2:24) Xana u anakanyisisa ngopfu hi vukati? Ehansi ka nhloko-mhaka leyi nge “Marriage,” u ta kuma xihloko lexi nge “selecting a mate.” Tinhlamuselo ti ta ku kongomisa eka xitsundzuxo lexi pfunaka ehenhleni ka ntirho lowu nkarhi wun’wana wu nonon’hwaka. Index nakambe yi na swihloko swa “husband’s role” na “wife’s role,” xin’wana ni xin’wana xi nyikela tinhlamuselo ta rungula leri nga ta pfuna lava tsakelaka ku teka ni lava se va tekaneke. Ku engetela kwalaho, swihloko swo tanihi leswi nge “communication,” “closeness in,” na “peace” swi kombetela eka mhaka leyi nga fuwisaka vukati. Loko ku va ni ku nonon’hwa, xihloko lexi nge “problems in” xi nga ku yisa eka ndzayo leyi humelelaka hi ndlela leyi u nga swi tlhantlhaka ha yona leswi.
3 Vana i ndzhaka leyi humaka eka Yehova. (Ps. 127:3) Vatswari va nga kurisa vana va vona “hi ku va laya ni ku va dyondzisa ta [Yehova]” hi ndlela yihi? (Vaef. 6:4) Xa nkoka ngopfu i nkongomiso lowu Yehova a wu nyikelaka hi ku tirhisa Rito ra yena na hi ntlawa wa nandza lowo tshembeka. Vatswari va lava vutlhari eka mintlhaveko ni swilaveko swa vana va vona. Ndzayo ni swiringanyeto leswi pfunaka swi nga kumiwa hi ku tirhisa swihloko leswi nga eka Index leswi nge “Children” na “Youths.” Naswona ku vuriwa yini hi ku nghenisa nawu wa Yehova etimbilwini ta vona letintshwa? Nhloko-mhaka leyi nge “Child Training” yi yisa eka mabulo lama tsakisaka ya xivumbeko xin’wana ni xin’wana xa ku kurisa vana, ku katsa ni ndlela yo va pfuna leswaku va aka vuxaka bya munhu hi xiyexe na Yehova naswona va navela ntiyiso.—1 Pet. 2:2.
4 Mabulo ya ndyangu ya Bibele lama lunghiseleriweke ka ha ri emahlweni i ya nkoka eku humeleleni ka ndyangu. (Deut. 6:6-9; Esa. 54:13; Vaef. 5:25, 26) Tinhlamuselo ehenhleni ka mianakanyo yo khoma mabulo yo tsakisa ya ndyangu ti nga kumeka ehansi ka nhloko-mhaka leyi nge “Families.” Eka Index ya sweswinyana, xihloko lexi nge “Bible study” xi na swihloko-ntsongo swo tanihi leswi nge “making it effective,” “making it enjoyable” na “making it interesting.” Nakambe, ha yini u nga xiyi timhaka ta vutomi bya Timbhoni ta Yehova nkarhi na nkarhi? Ehansi ka nhloko-mhaka leyi nge “Full-Time Ministry,” u ta kombeteriwa eka timhaka ta vutomi leti nga ni tinhloko-mhaka to tanihi leti nge “A Choice I’ve Never Regretted” na “Receiving the Requests of My Heart.” Nakambe timhaka tin’wana to tano ti xaxametiwile ehansi ka “Missionaries.” Nxaxamelo lowu heleleke wu kumeka ehansi ka “Life Stories of Jehovah’s Witnesses.”
5 Watch Tower Publications Index i xitirho lexi hlamarisaka xo hlanganisa ndzayo ni tinhla ta vutomi bya ndyangu. Onge yi nga ku pfuna leswaku u kuma ntsako lowukulu eku hetisiseni ka vutihlamuleri bya wena exikarhi ka ndyangu.