Bokisi Ra Swivutiso

◼ Loko n’wini wa muti a nyikela munyikelo wo tala ku tlula lowu ringanyetiweke, xana hi fanele ku susumeteleka ku n’wi nyika tibuku tin’wana?

A swi bohi. U nga tirhisa vutlhari bya wena lebyinene emhakeni leyi, u xiya ku tsakela loku kombisiweke eku hlayeni ka buku. U nga ha ringanyeta leswaku u tisela n’wini wa muti minkandziyiso leyi landzelaka ya timagazini ta hina ta munyikelo lowu engetelekeke ivi xisweswo u vumba riendzo ra ntila wa timagazini. Eka maendzo lama landzelaka, buku leyi fanelaka xilaveko xo karhi xa n’wini wa muti yi nga ha siyiwa. Loko n’wini wa muti a sungula ku nyikela munyikelo wun’wana, wu nga ha amukeriwa hi tintswalo. Tsundzuka leswaku minyikelo yi seketela swilo swo hambana-hambana swa ntirho wa hina wa misava hinkwayo, leswi katsaka minongonoko ya hina yo aka, varhumiwa ni ntirho wa maphayona yo hlawuleka, ku engetela eku hangalaseni ka tibuku ta hina. Hikwalaho, u nga ha amukela munyikelo, naswona handle ko nyikela tibuku kumbe timagazini tin’wana, u wu nghenisa eka bokisi ra minyikelo ya Sosayiti eHolweni ya n’wina ya Mfumo kumbe u wu rhumela hi ku kongoma eka Sosayiti.