Minhlangano Ya Ntirho Ya February

Vhiki Leri Sungulaka Hi February 3

Risimu 63

10 min: Switiviso swa bandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Kombisa ku nyikeriwa ka timagazini loku sekeriweke eka timagazini ta sweswi. Khutaza ku nyikela vumbhoni hi mintlawa hi mahelo-vhiki.

20 min: “Lunghiselela Rungula Ra Wena Ra February.” (10 min.) Swivutiso ni tinhlamulo. (8 min.) Minkombiso mimbirhi leyi lunghiseleriweke kahle leyi faneleke swinene ensin’wini ya ka n’wina. (2 min.) Khutaza hinkwavo ku dyondza ni ku tirhisa rungula rin’we kumbe ku tlula eka lama ringanyetiweke.

15 min: “Adam and Eve,” buku leyi nge Reasoning, matluka 27-9. (5 min.) Nkulumo yo sungula leyi sekeriweke emhakeni leyi nga ehansi ka xihlokwana lexi nge “Were Adam and Eve merely allegorical (fictional) persons?” (6 min.) Nkombiso wa riendzo ro vuyela leri endliwaka eka munhu loyi muhuweleri a n’wi siyeke ni xivutiso lexi nge “Xana xidyoho xa Adamu a ku ri ku rhandza ka Xikwembu ni makungu ya Xikwembu?” (4 min.) Khutaza ku tirhisa xiyenge lexi nge “If Someone Says—” xa swihloko swa buku leyi nge Reasoning swa tinhloko-mhaka ta mbulavurisano eka maendzo yo vuyela. Nyikela swikombiso swin’wana.

Risimu 30 ni xikhongelo xo pfala.

Vhiki Leri Sungulaka Hi February 10

Risimu 215

10 min: Switiviso swa bandlha, ku katsa ni malunghiselelo ya ntirho ya vhiki. Khutaza matshalatshala lama engetelekeke yo endla maendzo yo vuyela vhiki leri ni n’hweti leyi. Nhlangano lowu wa Ntirho wu ta hlamusela ni ku kombisa marungula ya mune lama tirhaka lama nga ta tirhisiwa loko ku vuyeriwa eka vanhu lava tsakelaka. Hlawula rin’we kumbe ku tlula lama nga ta tirhisiwa vhiki leri.

20 min: “Ku Sungula Bulo Loko U Tlhelela.” (3 min.) Nkulumo yo sungula leyi hlanganisaka tinhla leti nga eka tindzimana 1 na 2. (15 min.) Minkombiso leyi lunghiseleriweke kahle ya rin’wana ni rin’wana ra marungula manharhu leri nga eka tindzimana 3-5. Loko nkarhi wu pfumela, endzhaku ka nkombiso wun’wana ni wun’wana, ku nga hlamuseriwa ku tirha ka marungula lawa. (2 min.) Loko u tshaha mianakanyo leyi nga eka ndzimana 6, nyikela xikhutazo xa leswaku hinkwavo va lunghiselela ni ku tirhisa hambi ko va rin’we ra marungula lawa ma ringanyetiweke leswaku va sungula mabulo ni lava va kombiseke ku tsakela.

15 min: “Xana U Nga Swi Kota Ku Phayona Nkarhinyana?” Bulo hi nkulu ni vahuweleri va nga ri vangani lava phayoneke nkarhinyana enkarhini lowu hundzeke ni lava va kunguhataka ku tsarisa nakambe hi March na April. Loko va hlanganisa tinhla leti nga exihlokweni, vahuweleri va hlamusela leswaku ha yini va lava ku phayona nkarhinyana. Va hlamusela mikateko leyi va yi kumeke ni ku hlamusela mindzulamiso leyi va yi endlaka leswaku va fikelela xilaveko xa tiawara. Nakambe khutaza bandlha ku sungula ku kunguhata sweswi leswaku ri hlanganyela hi xitalo eka siku ro hlawuleka ra timagazini hi April 11.

Risimu 114 ni xikhongelo xo pfala.

Vhiki Leri Sungulaka Hi February 17

Risimu 211

10 min: Switiviso swa bandlha, xiviko xa timali ni ku tlangela ka Sosayiti ka minyikelo. Bumabumela vamakwerhu hikwalaho ka nseketelo wa vona wa swa timali wa swilaveko swa Mfumo. Khutaza vahuweleri ku hlanganyela entirhweni wa nsimu eka mahelo-vhiki lawa.

20 min: “Tiyiseka Leswaku Wa Vuyela” Swivutiso ni tinhlamulo ni minkombiso. Endzhaku ko kambisisa ndzimana 5, kombisa riendzo ro vuyela eka munhu loyi a siyiweke ni xiphephana. Bulo ri yisa eka dyondzo ya Bibele ya buku leyi nge Hanya Hi Masiku. Endzhaku ko kambisisa ndzimana 6, kombisa riendzo ro vuyela eka munhu loyi a aleke buku enkarhini lowu hundzeke. Endzhaku ka nkombiso, vutisa muhuweleri leswaku ha yini a ehlekete ku vuyela eka munhu loyi a aleke buku eka riendzo ro sungula.

15 min: “Ku Hlangavetana Ni Swilaveko Swa Ntshovelo Hi Ntsako.” Ku hlanganisiwa ka tindzimana 1-16 hi swivutiso ni tinhlamulo. Kandziyisa mimpfuno yo tihlanganisa ni Komiti yo Aka ya Xifundza mi nga si sungula ntirho wo aka Tiholo ta Mfumo. Pfuna hinkwavo ku vona xilaveko xo tirhisa mali leyi nyikeriweke hi vutlhari hi ku xava hi vuxiyaxiya, ku sasekisa loku nga hundzeletiwangiki ni tindlela ta tiakhawunti leti hlelekeke.

Risimu 133 ni xikhongelo xo pfala.

Vhiki Leri Sungulaka Hi February 24

Risimu 115

10 min: Switiviso swa bandlha, ku katsa ni malunghiselelo ya ntirho wa nsimu wa vhiki ni Marungula Ya Swa Mfumo.

15 min: “Ku Kombisa Nseketelo Eka Maphayona.” Swivutiso ni tinhlamulo ni mimbulavurisano. Kandziyisa mikateko leyi xiyiweke hi bandlha loko maphayona ma nyikiwa nseketelo lowu lavekaka. Vulavurisana ni maphayona, ma kombisa ndlela leyi ma pfuniweke ha yona hi vakulu ni van’wana ebandlheni evutirhelini bya wona bya vuphayona.

20 min: “Ku Hlangavetana Ni Swilaveko Swa Ntshovelo Hi Ntsako.” Ku bula hi tindzimana 17-37 ta xiengetelo ka vamakwerhu vambirhi lava hlanganyeleke entirhweni wo aka Tiholo ta Mfumo emugangeni wa kwalaho loko va ri kona. Xilaveko xa vatirhi va ku tirhandzela lava engetelekeke xi fanele ku kandziyisiwa kun’we ni nhlamuselo ya endlelo leri faneleke ku landzeriwa loko u tata fomo ya Phepha Ra Swivutiso Ra Vaaki Va Tiholo Ta Mfumo. Hlamusela leswaku i vamani lava fanelekaka ku rhumela tifomo leti. Katsa ni mintokoto leyinene leyi nga vaka yi tsakeriwile eka mintirho ya kwalaho yo aka.

Risimu 43 ni xikhongelo xo pfala.