Marungula Ya Swa Mfumo

Etiyopiya: Hulumendhe ya le Etiyopiya yi amukele Timbhoni ta Yehova ximfumo tanihi nhlengeletano leyi tsarisiweke enawini. Vamakwerhu va tsakile ku amukela mpfumelelo lowu wa le nawini naswona va ya emahlweni ni ntirho wa Mfumo. Tibuku ta karhi ta amukeriwa, naswona tinhlengeletano ta khomiwa.

Ghana: Ku yirisiwa ka ntirho wa hina etikweni leri sweswi ku herisiwile. Leswi swi tise ntsako lowukulu eka vamakwerhu, tanihi leswi Tiholo ta vona ta Mfumo ti pfuriweke nakambe ni leswi va nyikiweke mpfumelelo wo endla xikombelo xa ku tsarisiwa ehansi ka nawu lowu nga kona.

Liberia: Endzhaku ko pfariwa tin’hweti to tala hikwalaho ka nyimpi ya xin’wana-manana, rhavi ra le Liberia ri tlhele ri pfuriwa. Varhumiwa va mune sweswi va tlhelerile ku ya tirha erhavini leri, naswona vamakwerhu va tsakela ku hlangana swin’we hi ku ntshunxeka.