Marungula Ya Swa Mfumo

Afrika Dzonga: Hi March 28, 1992, Bandlha ra le Seshego Zone 1 en’walungwini wa Transvaal a a ri tsake ngopfu hi ku nyiketela Holo ya rona leyintshwa ya Mfumo. Eka mahelo-vhiki lama fanaka Bandlha ra Kimberley Central na rona ri nyiketele Holo ya rona ya Mfumo leyi pfuxetiweke yi tlhela yi kurisiwa.

Congo: Ha tsaka ku vika leswaku ntirho wa Timbhoni ta Yehova wu amukeriwe ximfumo ePeople’s Republic ra Congo hi November 1991.

Ethiopia: Ku ve ni nhlohlorhi leyintshwa ya vahuweleri va 3 185 hi December. Ntsombano wa vona wo sungula wa muganga le Addis Ababa wu ve ni vanhu vo tlula 7 000 naswona 328 va khuvuriwile.

Haiti: Nhlohlorhi leyintshwa ya vahuweleri va 7 248 yi vikiwile hi December. Vahuweleri va bandlha va endle avhareji ya tiawara ta 15,2, naswona ku ve ni tinhlohlorhi letintshwa eka maendzo yo vuyela ni tidyondzo.

Peru: Ntsengo wa vahuweleri va 39 104 hi December wu yimela ku engeteleka ka 12 wa tiphesente ku tlula n’hweti leyi fanaka ya n’wexemu. Lexi xiyekaka i mhaka ya leswaku maphayona ya 8 842 ma endla 23 wa tiphesente ta ntsengo wa vahuweleri.