Marungula Ya Swa Mfumo

Afrika Dzonga: Nhlayo ya Tiholo ta Mfumo leti nyiketeriweke lembe leri ra ntirho, yi engeteleke ku fika eka 11, endzhaku ka loko ku nyiketeriwe tiholo tinharhu leti landzelaka: Eersterivier (Kapa Vupela-dyambu), Rookdale (Bergville) na Bloemfontein North. Holo ya le Eersterivier yi akiwe hi xihatla, naswona i holo ya vumbirhi endhawini leyi. ERookdale ko va ni vahuweleri va 12 ntsena, kambe va ake holo yo saseka leyi nga rhurhelaka vanhu va 80. Hi ku pfuniwa hi vamakwerhu lava humaka eGauteng, ku akiwe holo ya vumbirhi hi xihatla eBloemfontein.

Marshall Islands: Hi February ku fikeleriwe ntsengo wa vahuweleri va 203—ku nga ku andza ka 4 wa tiphesente ku tlula ntsengo wa n’hweti yoleyo ya n’wexemu!

Norway: Hi February 1999, maphayona ya nkarhinyana a ma endla 72 wa tiphesente ku tlula ya February 1998; maphayona ya nkarhi hinkwawo, 9 wa tiphesente; maendzo yo vuyela, 4 wa tiphesente; kasi tidyondzo ta Bibele, 6 wa tiphesente. Nakambe ku fambisiwe tibuku ni tibroxara to tala.

Romania: Ku ve ni ku engeteleka ka ntirho wa maphayona kun’we ni nhlayo ya tidyondzo ta Bibele leti fambisiwaka, naswona nhlohlorhi leyintshwa ya vahuweleri va 37 502, va hlanganyerile entirhweni wa nsimu hi February.