Minhlangano Ya Ntirho Ya June
Vhiki Leri Sungulaka Hi June 1
Risimu 80
10 min: Switiviso swa bandlha ni Switiviso leswi faneleke leswi humaka eka Vutirheli Bya Hina Bya Mfumo. Leswi ku nga sala tin’hweti tinharhu ntsena ta lembe leri ra ntirho, muhuweleri un’wana ni un’wana u khutaziwa ku hlanganyela nkarhi hinkwawo evutirhelini vhiki na vhiki ni ku yisa xiviko eku heleni ka n’hweti hi ku hatlisa.
15 min: “Xilaveko Xa Vanhu Xo Lavisisa Xikwembu.” Swivutiso ni tinhlamulo. Aka ku hisekela ntirho wa hina ensin’wini n’hweti leyi. Kombisa ndlela leyi ha yona buku leyi yi nga pfunaka vanhu va vukhongeri byo hambana-hambana ensin’wini ya ka n’wina.
20 min: “Ku Fambisa Buku Leyi Nge Ku Lavisisa Ka Vanhu Xikwembu.” Bula ni ku kombisa swiringanyeto swin’wana leswi nga eka xihloko lexi. Eka nkombiso wun’wana komba ndlela yo tirhisa ku tshinelela loku kongomeke leswaku u sungula tidyondzo. Nakambe, kombisa ndlela leyi tindlela ta khume to vona vukhongeri bya ntiyiso ti nga tirhisiwaka ha yona hi laha ku humelelaka, eka tluka 377.
Risimu 225 ni xikhongelo xo pfala.
Vhiki Leri Sungulaka Hi June 8
Risimu 145
10 min: Switiviso. Lunghiselela ka ha ri ni nkarhi leswaku u va ni maphayona mambirhi ya nkarhi hinkwawo kumbe ya nkarhinyana, ma hlamusela swingheniso leswi ma swi kumeke swi humelela loko ma tirha nsimu ya kwalaho.
15 min: “Vana Ni Moya Wo Tinyiketela!” Nkulumo ya xihloko lexi nga eka Xihondzo xo Rindza xa February 1, 1992, matluka 25-8. Kandziyisa leswaku ku va ni moya wo tinyiketela a hi nchumu wo tihlawulela kambe i xilaveko xa Vukriste. A hi lahlekeriwi loko hi titsona swilo swa nyama ni ku tihungasa leswaku hi rhanga hi landzela swilaveko swa Mfumo.
20 min: “Ku Phayona—I Xikombiso Xa Rirhandzu.” Swivutiso ni tinhlamulo. Endzhaku ko bula hi ndzimana 3 na 4, vulavurisana ni maphayona manharhu ya nkarhi hinkwawo (kumbe vahuweleri lava phayonaka nkarhinyana nkarhi na nkarhi kumbe hi nkarhi wo karhi), u katsa ni muntshwa la nga phayona ra nkarhi hinkwawo loko a ri kona, loyi a phayoneke ku sukela loko a huma exikolweni. Vutisa leswaku va ti hlele njhani timhaka ta vona leswaku va phayona, i yini lexi va susumeteleke ku endla tano, i swilo swihi swa nyama leswi va bohekeke ku titsona swona, naswona i mikateko yihi leyi va yi kumeke loko va tirha tanihi maphayona ya nkarhi hinkwawo.
Risimu 61 ni xikhongelo xo pfala.
Vhiki Leri Sungulaka Hi June 15
Risimu 34
10 min: Switiviso. Boxa tinhla-nkulu ta xiviko xa ntirho wa nsimu wa March. Kombisa xiphemu lexi bandlha ra ka n’wina ri veke na xona eka xiviko xa ntirho wa nsimu wa March. Hi ku komisa bula hi makungu ya bandlha malunghana ni tsima ra nsimu leyi nga aviwangiki. Nyika xiviko xa timali. Bumabumela bandlha hi ntirho lowu endliweke entirhweni wa nsimu ni ku hanana hi nseketelo wa timali wa bandlha.
20 min: “Xana U Nga Hlanganyela Eku Nyikeleni Ka Vumbhoni Hi Xitshuketa?” Bula ni ku kombisa tinhla leti nga eka xihloko lexi. Kandziyisa mhaka ya leswaku nkarhi hinkwawo hina hi Timbhoni ta Yehova, kutani hi fanele ku lava nkarhi wo nyikela vumbhoni. Lunghiselela ka ha ri ni nkarhi ku va ni mintokoto yimbirhi yo koma laha vanhu va humeleleke kahle hi ku nyikela vumbhoni hi xitshuketa kumbe laha un’wana ebandlheni a tsakeleke ntiyiso, hikwalaho ka ku nyikela vumbhoni hi xitshuketa.
15 min: Bulo ni minkombiso ya bulo ra Bibele ni ku fambisa buku leyi nge Ku Lavisisa Ka Vanhu Xikwembu, hi ku tirhisa Esaya 55:6, 7 na Mintirho 17:26, 27. Kombisa ndlela leyi lavantshwa ni lavatsongo va nga ma tirhisaka ha yona marungula lama olovisiweke, hi ku tirhisa Esaya 55:6, 7.
Risimu 154 ni xikhongelo xo pfala.
Vhiki Leri Sungulaka Hi June 22
Risimu 173
5 min: Switiviso. Marungula Ya Swa Mfumo. Loko mi hlanganisa tinhlayo, ringanisa xiviko xa sweswinyana ni rungula ra rhavi rero eka lembe ra ntirho ra 1986, hi laha xi kumekaka ha kona eka xiviko xa lembe ra ntirho eka 1987 Yearbook.
20 min: “Xana U Lunghekele Ku Langutana Ni Xiyimo Xa Vutshunguri Lexi Tlhontlhaka Ripfumelo?” Ku kambisisa hi swivutiso ni tinhlamulo hi nkulu la fanelekaka, a hlanganisa tindzimana ku sukela eku sunguleni ka xiengetelo ku ya fika eka xihlokwana lexi nge “Mpfuno Wa Nkoka eNkarhini Wa Xilaveko.” Kandziyisa leswaku ku nga rindziwi ku kondza ku endleka xo karhi kutani hi sungula ku ehleketa hi leswi hi nga ha swi endlaka. Kunguhatani sweswi ka ha ri ni nkarhi tanihi ndyangu—lunghekani!
20 min: “Ku Vuyela Hi Xikongomelo Xo Sungula Dyondzo Ya Bibele.” Bulo ni minkombiso. Kombisa bulo ra Bibele leri ringanyetiweke eka ndzimana 3. Tirhisa tindzimana 17-20 eka matluka 372-5 ya buku leyi nge Ku Lavisisa Ka Vanhu Xikwembu tanihi xisekelo xa ku sungula dyondzo ya Bibele.
Risimu 135 ni xikhongelo xo pfala.
Vhiki Leri Sungulaka Hi June 29
Risimu 90
10 min: Switiviso. Vana ni minkombiso mimbirhi yo koma u kombisa ndlela yo va ni bulo ra Matsalwa loko u fambisa timagazini entirhweni wa nsimu eka mahelo-vhiki lawa.
20 min: “Xana U Lunghekele Ku Langutana Ni Xiyimo Xa Vutshunguri Lexi Tlhontlhaka Ripfumelo?” Xivulavuri lexi nga ni ntokoto xi nyikela nkulumo leyi twalaka emhakeni leyi humaka eka xihlokwana lexi nge “Mpfuno Wa Nkoka eNkarhini Wa Xilaveko” ku ya fika emakumu ya xihloko xa xiengetelo, a kandziyisa mpfuno wa ku tirhisana ni vakulu va bandlha loko hi langutana ni xiyimo xa xihatla xa vutshunguri.
15 min: Swilaveko swa bandlha. Mi nga ha pfuxeta tinhla leti nyikeriweke eka nhlengeletano ya xifundza leyi hundzeke kumbe eka nongonoko wa siku ra nhlengeletano yo hlawuleka leti nga ha tirhisiwaka kwalaho.
Risimu 167 ni xikhongelo xo pfala.