Switiviso
◼ Nyiko ya buku ya September: U Nga Hanya Hi Masiku aParadeyisini eMisaveni hi munyikelo wa R8,00. Tibuku ta mpimo lowutsongo i R4,00. October: Xikhokhelo xa Awake! kumbe Xihondzo xo Rindza kumbe ha swimbirhi hi munyikelo wa R17,00 xin’we eka minkandziyiso leyi humaka kambirhi hi n’hweti. Xikhokhelo xa lembe rin’we eka minkandziyiso leyi humaka kan’we hi n’hweti ni xikhokhelo xa tin’hweti ta tsevu eka minkandziyiso leyi humaka kambirhi hi n’hweti i R8,50. November: Bibele—I Rito Ra Xikwembu Kumbe I Ra Munhu? hi munyikelo wa R2,60. December: Nghwazi Leyi Tshameke Yi Hanya hi munyikelo wa R8,00. XIYA: Mavandlha lama nga siki kombelaka tibuku leti nga laha henhla ta tsima ma fanele ma endla sweswo n’hweti leyi taka eka fomo ya Literature Order (S-AB-14).
◼ Enkandziyisweni wa August wa Vutirheli Bya Hina Bya Mfumo hi tsundzuxe maphayona leswaku ma nga kuma tibuku, timagazini ni swikhokhelo hi nxavo wa maphayona ntsena loko swi ri swa wona, ku nga ri swa mindyangu ya vona kumbe vanghana va vona. Hi kombela mi xiya leswaku maphayona ya nkarhinyana ma nga kuma timagazini ni swikhokhelo ntsena hi nxavo wa maphayona naswona ntsena eka n’hweti leyi va hlanganyelaka ha yona entirhweni wa vuphayona bya nkarhinyana. Maphayona ya nkarhinyana a ma tikumi tibuku tin’wana hi nxavo wa maphayona.
◼ Mavandlha lama tirhaka nsimu leyi nga aviwangiki ma amukele nxaxamelo xa tibuku ta khale leti ti faneleke ku tirhisiwa eka tsima leri. Mavandlha lawa, hi kombela ma xiya leswi landzelaka: Nxavo wa tibuku leti wu ta va 60 wa tisente eka maphayona ya nkarhi hinkwawo ni yo hlawuleka, hi nkarhi wa tsima ntsena. Eka maphayona ya nkarhinyana ni vahuweleri ti ta va R1,00 yin’we. Xibukwana lexi nge Mimoya Leyi Nga Vonakiki a xi nge kumeki hi nxavo lowu hungutiweke. Mavandlha ma nga kombela ku hunguteriwa nxavo wa tibuku leti hi ku tirhisa fomo ya Remittance and Credit Request (S-AB-20).
◼ Mulanguteri la ungamelaka kumbe un’wana la averiweke hi yena u fanele a hlayela tiakhawunti ta vandlha hi September 1 kumbe hi ku hatlisa hi laha swi kotekaka ha kona endzhakunyana. Endla xitiviso evandlheni loko leswi se swi endliwile.
◼ Hi Mugqivela, October 10, 1992, kaya ra Bethele ni fektri swi ta va swi pfariwile leswaku ku basisiwa, kutani a ku nge vi na malunghiselelo ya vapfhumba.
◼ I swa nkoka leswaku mintlawa ya vanhu va 15 kumbe ku tlula lava kunguhataka ku endzela miako ya Sosayiti eRoodekrans va rhanga hi ku vulavula ni Hofisi ya Bethele leswaku yi endla malunghiselelo ya pfhumba. Mhaka ya kona hi leswaku SOSAYITI A YI SWI KOTI KU ENDLA MALUNGHISELELO YA BYETLELO. HI KOMBELA MI TIENDLELA MALUNGHISELELO YA N’WINA.
◼ Vahuweleri lava kunguhataka ku phayona nkarhinyana hi October va fanele va yisa xikombelo xa vona ka ha ri ni nkarhi. Leswi swi ta pfuna vakulu ku endla malunghiselelo lama faneleke ya tibuku ni nsimu. Vahuweleri hinkwavo lava nghenaka xikolo va khutaziwa ku hlanganyela eka vuphayona bya nkarhinyana hi October tanihi leswi va nga ta va va ha ri eku wiseni loko n’hweti yi sungula.
◼ Vakulu va khutaziwa leswaku va landzelela xitsundzuxo lexi nyikeriweke eka Xihondzo xo Rindza xa April 15, 1991, matluka 21-3, malunghana ni vanhu vahi ni vahi lava susiweke ni lava tihambaniseke lava va nga ha lavaka ku tlheriseriwa.
◼ Eka matluka 103-4 ya Ku Hleleriwa Ku Hetisisa Vutirheli Bya Hina, ku nyikiwa nkongomiso mayelana ni leswi swi faneleke ku katsiwa eku vikeni ka tiawara ta ntirho wa nsimu. Van’wana va vutisile leswaku, xana muhuweleri la tolokaka nkulumo ya xivulavuri lexi nyikelaka nkulumo ya le rivaleni u fanele ku vika nkarhi wolowo. Ina, xivulavuri ni la tolokaka nkulumo va nga ha katsa nkarhi lowu va wu hetaka, eka swiviko swa vona swa ntirho wa nsimu.
◼ MINTSOMBANO YA MUGANGA: Hi kombela mi xiya ku cinca loku landzelaka eka masiku ya ntsombano wa le Durban:
December 25-27, 1992:
Durban (Xinghezi, Xizulu).
◼ Tibuku Letintshwa Leti Kumekaka:
Xikalanga: Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?
◼ Tidiskete Letintshwa Leti Kumekaka:
Xinghezi: New World Translation of the Holy Scriptures—With References (Sete ya tidiskete ta mune 5 1/4” 1,2-megabyte. Vandlha ni vanhu: R40,00; maphayona: R33,00. Sete ya nkombo wa tidiskete 3 1/2” 720-kilobyte a ti si kumeka.)
◼ Leti Kumekaka Nakambe eAfrika Dzonga:
Bokisi ro fayila timagazini.