Mintirho Yo Hlawuleka Ya March Na April
1 Emisaveni hinkwayo Timbhoni ta Yehovha hinkwato ti endla matshalatshala yo hlawuleka hi March na April lembe na lembe leswaku ti hlanganyela entirhweni wo chumayela. Wena ke? Xana u ma endlile malunghiselelo lama tiyeke leswaku u hlanganyela evutirhelini?
2 Vahuweleri lava navelaka ku tirha tanihi maphayona ya nkarhinyana hi March na April va fanele va endla makungu ya vona sweswi kutani va yisa xikombelo xa vona ka ha ri ni nkarhi. Leswi swi ta pfuna vakulu ku endla malunghiselelo lama lavekaka ya ntirho wa nsimu ni ku oda tibuku leti eneleke. Tsundzuka leswaku hi ta va ni siku ro hlawuleka ra timagazini hi April 3. Mavandlha ma fanele ma tisa swiviko swo hlawuleka swa timagazini hi ku hatlisa, ma swi endla eka tifomo ta Distributors’ Order (M-AB-202).
3 Xana hi nga va ni nhlohlorhi leyintshwa eka maphayona ya nkarhinyana ni ku fambisiwa ka timagazini en’hwetini ya April? N’wexemu hi ve ni maphayona ya nkarhinyana ya 6 559 eAfrika Dzonga. Ntsengo wa timagazini leti fambisiweke wu ve 599 394. Xana hi nga antswisa tinhlayo leti hi April 1993? Bulani hi mhaka leyi tanihi ndyangu. Vulavulani na Yehovha hi xikhongelo. Vakulu, ngopfu-ngopfu mulanguteri wa ntirho, u fanele a kunguhatela mintirho leyi yo hlawuleka ka ha ri ni nkarhi, a tivisa vandlha. Mavandlha lama lavaka nsimu leyi engetelekeke hikwalaho ka ntirho lowu wu engeteriweke ma nga tirha eka nsimu ya wona leyi nga aviwangiki. Onge hinkwerhu ka hina hi nga va ni swo tala swo swi endla entirhweni wa Yehovha hi March na April.—1 Kor. 15:58.