Marungula Ya Swa Mfumo

Afrika Dzonga: Mavandlha man’wana manharhu a ma tsakile loko Tiholo ta wona ta Mfumo letintshwa ti nyiketeriwa. Hi lama, Emolweni (en’walungwini wa Pinetown), Sweetwaters (ekusuhi na Pietermaritzburg) na Lydenburg.

 Ku ta fikela sweswi se ku nyiketeriwe Tiholo ta Mfumo ta khume-mbirhi nan’waka. Mavandlha ya makume-mbirhi-nkombo sweswi ma karhi ma aka Tiholo ta wona ta Mfumo. Hi lava ku khutaza hinkwavo lava endlaka mintirho leyi leswaku va ya emahlweni. Hi nkhensa vamakwerhu hinkwavo va xinuna ni va xisati lava tirhaka hi matimba eka ntirho lowu.

Albania: Ku sukela hi December 1991 ku ya ka December 1992, nhlayo ya vahuweleri yi engetelekile yi suka eka 24 yi ya eka 107. Nhlayo ya tidyondzo ta Bibele yi tlakukile yi suka eka 4 yi ya eka 221 enkarhini lowu fanaka.

Central African Republic: Hi January 20, 1993, hulumendhe yi humese xileriso lexi pfumelelaka Timbhoni ta Yehovha ku tlhela ti endla ntirho wa tona. Vamakwerhu va kwale va tsaka sweswi hi ku kota ku tirhisa Tiholo ta vona ta Mfumo ni leswi va koteke ku khoma Ntsombano wa Muganga wa “Vabyarhi Va Ku Vonakala” erivaleni. Ntsengo wa lava a va ri kona a ku ri 4 739 eka mintsombano ya tsevu leyi khomiweke naswona ku khuvuriwe 121.