Minhlangano Ya Ntirho Ya December

XIYA: Vutirheli Bya Hina Bya Mfumo byi ta kombisa xiyimiso xa Nhlangano wa Ntirho wa vhiki rin’wana ni rin’wana hi December na January. Mavandlha ma nga ha cinca hi laha swi fanelekaka ha kona leswaku ma kota ku ya eNtsombanweni wa Muganga wa “Dyondzo Ya Xikwembu” ivi ku va ni mpfuxeto wa 30 wa timinete wa tinhla-nkulu ta nongonoko eka Nhlangano wa Ntirho vhiki leri landzelaka. Mpfuxeto wa siku rin’wana ni rin’wana ra nongonoko wa ntsombano wa muganga wu fanele ku averiwa vamakwerhu vambirhi kumbe vanharhu lava fanelekaka ka ha ri ni nkarhi lava nga ta kota ku hlawula tinhla-nkulu. Mpfuxeto lowu wu lunghiseleriweke kahle wu ta pfuna vandlha leswaku ri tsundzuka tinhla-nkulu, ri ti tirhisa hi munhu hi xiyexe ni ku ti tirhisa ensin’wini. Tinhlamuselo ta vayingiseri ni mintokoto leyi runguriwaka swi fanele swi koma, swi ba nhloko ya mhaka.

Vhiki Leri Sungulaka Hi December 6

Risimu 205

10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo.

20 min: “Ku Kombisa Rirhandzu eNtsombanweni Wa ‘Dyondzo Ya Xikwembu.’” Bulo ra swivutiso ni tihlamulo ni ku endla mhaka yi tirha evandlheni. Tsundzuxa hinkwavo leswaku va kuma beji naswona va tshama va yi veherile nkarhi hinkwawo, hambi loko va ya entsombanweni ni loko va vuya kona.

15 min: “Switsundzuxo Leswi Fikeke Hi Nkarhi.” Bulo leri ri fanele ku tameriwa hi matsalana. Tirhisa ni rungula leri nga eka papila ra hina leri rhumeriweke eka mavandlha hinkwawo ra October 18, 1993. Kombela hinkwavo leswaku va landzelerisisa swiletelo leswi leswaku hi va ni xiviko lexinene hi December.

Risimu 169 ni xikhongelo xo pfala.

Vhiki Leri Sungulaka Hi December 13

Risimu 146

10 min: Switiviso swa vandlha, xiviko xa timali ni ku nkhensa minyikelo. Bumabumela vandlha hi ku va ri seketela swilaveko swa vandlha hi rirhandzu, Nkwama wa Sosayiti wa Tiholo ta Mfumo, ni ntirho wa Sosayiti wa misava hinkwayo. Ringanyeta yinhla yin’we kumbe timbirhi to vulavurisana leti ti nga tirhisiwaka eka marito yo sungula entirhweni wa nsimu mahelo-vhiki lawa.

20 min: “Pfuna Van’wana Va Dyondza Hi N’wana Wa Xikwembu, Yesu Kreste.” Ku hlanganisa hi swivutiso ni tinhlamulo. Kombisa ku nyikeriwa ka rungula eka ndzimana 2 (hi muhuweleri la nga ni ntokoto) ni ndzimana 4 (hi muhuweleri lontshwa). Khutaza hinkwavo leswaku va fambisa buku leyi nge Nghwazi eka yindlu na yindlu ni loko va nyikela vumbhoni hi xitshuketa.

15 min: “Ku Sungula Tidyondzo Ta Bibele Hi December.” Bulo ni vayingiseri. Loko mi bula hi ndzimana 4, kombisa ndlela ya ku sungula dyondzo ya Bibele eka riendzo ro vuyela. Khutaza un’wana ni un’wana leswaku a fambisa dyondzo ya le kaya ya Bibele n’hweti na n’hweti, loko swi koteka.

Risimu 165 ni xikhongelo xo pfala.

Vhiki Leri Sungulaka Hi December 20

Risimu 189

 5 min: Switiviso swa vandlha. Boxa malunghiselelo ya vandlha ya ku nyikela vumbhoni hi ndlela yo hlawuleka hi December 25.

15 min: “Fikelela Mbilu Ya Xichudeni Xa Wena Xa Bibele.” Swivutiso ni tinhlamulo ni nkombiso. Kandziyisa yinhla ya leswaku hinkwavo evandlheni va fanele va tirhela ku antswisa vuswikoti bya ku dyondzisa. Endzhaku ko bula hi ndzimana 3, muhuweleri u kombisa ndlela ya ku kombisana ni xichudeni xa Bibele hi ku tirhisa swivutiso ni matsalwa ku sukela eka ndzimana 13 na 14 eka ndzima 1 ya buku leyi nge Hanya Hi Masiku.

15 min: “Tivekele Nkarhi Wa Ntirho Wa Timagazini.” Nkulumo, ni ku burisana ni vayingiseri. Loko mi bula hi ndzimana 3, kombisa ndlela leyi swihloko swo hambana-hambana eka timagazini ta sweswinyana swi nga ha fambisiwaka ha yona eka vanhu vo hambana-hambana lava va nga kumiwaka ensin’wini ya n’wina.

10 min: “Byala Swo Tala Leswaku U Tshovela Swo Tala.” Bulo ra swivutiso ni tinhlamulo. Endla mhaka yi tirha evandlheni. Tivisa vandlha hi malunghiselelo ya ku hlanganyela entirhweni wa timagazini vhiki na vhiki. Boxa nhlayo ya tidyondzo ta Bibele leti fambisiwaka hi vandlha ni nhlayo ya vadyondzisiwa lavantshwa lava endliweke eka lembe leri nga hundza. Khutaza hinkwavo leswaku va endla matshalatshala lamakulu ya ku hlanganyela hi xitalo eku hangalaseni ka timagazini ni le ntirhweni wa dyondzo ya Bibele.

Risimu 61 ni xikhongelo xo pfala.

Vhiki Leri Sungulaka Hi December 27

Risimu 37

15 min: Switiviso swa vandlha. Marungula Ya Swa Mfumo. Tivisa malunghiselelo lama hlawulekeke yo nyikela vumbhoni hi January 1. Kombisa ndlela yo tirhisa tibuku leti nga ta fambisiwa hi January.

15 min: “Tirha Ntirho Wa Wena Hi Matimba Hinkwawo.” Nkulumo leyi vekiwaka hi nkulu. Loko mi bula hi ndzimana 2, endla tinhlamuselo leti faneleke eka nhlamuselo ya Xihondzo xo Rindza. Hlaya u tlhela u tirhisa Malakiya 3:​10 eku heteleleni.

15 min: “Yearbook I Xihlovo Xa Xikhutazo.” Nkulumo leyi hisaka leyi kombisaka matirhiselo ya matsalwa lama kombisiweke. Hlela ku va na vahuweleri lava lunghiseleleke kahle leswaku va rungula hi ku hiseka ntokoto lowu nga exihlokweni ni mintokoto leyi kumekaka eka minkandziyiso ya Xihondzo xo Rindza, tluka 32 ra January 1, 1990, January 1, 1987 na January 1, 1986.

Risimu 120 ni xikhongelo xo pfala.