Switiviso

◼ Tibuku leti fambisiwaka hi February: U Nga Hanya Hi Masiku aParadeyisini eMisaveni hi munyikelo wa R9,00. Tibuku ta mpimo lowutsongo i R4,50. Marçh: Swivutiso Leswi Vantshwa Va Swi Vutisaka​—⁠Tinhlamulo Leti Tirhaka hi munyikelo wa R4,50. April na May: Xikhokhelo xa Xihondzo xo Rindza hi munyikelo wa R19,00 eka minkandziyiso leyi humaka kambirhi hi n’hweti. Swikhokhelo swa lembe eka minkandziyiso leyi humaka kan’we hi n’hweti ni swikhokhelo swa tin’hweti ta tsevu eka minkandziyiso leyi humaka kambirhi hi n’hweti i R9,50.

◼ Matsalana ni mulanguteri wa ntirho va fanele va pfuxeta ntirho wa maphayona ya nkarhi hinkwawo. Loko ku ri ni lava va nga ni xiphiqo xo fikelela tiawara leti lavekaka, vakulu va fanele va hlela leswaku va pfuniwa. Leswaku mi kuma swiringanyeto, pfuxetani papila ra Sosayiti (S-201) ra October 1, 1993 na October 1, 1992. Nakambe, vona tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Nkhuvo wa Xitsundzuxo wu ta khomiwa hi Mugqivela, March 26, 1994. Hambi loko nkulumo yo hatla yi sungula, hi kombela mi tsundzuka leswaku ku fambisiwa ka xinkwa ni vhinyo ya Xitsundzuxo swi fanele swi sungula loko dyambu ri perile. Langutisisani nkarhi lowu dyambu ri pelaka ha wona endhawini ya ka n’wina. Ku hava minhlangano yin’wana leyi nga ta khomiwa siku rero handle ka ya ntirho wa nsimu. Loko vandlha ra ka n’wina hi ntolovelo ri khoma minhlangano hi Mugqivela, mi nga ha yi khoma siku rin’wana evhikini rero, loko Holo ya Mfumo yi kumeka.

◼ March na April ti ta va tin’hweti timbirhi to hlawuleka ta ntirho wa nsimu. Tanihi leswi ku nga ni tiholideyi to hlaya hi April, ku ta va n’hweti leyinene yo hlanganyela entirhweni wa vuphayona lebyi pfunaka. Hi ta lava ku va ni nhlohlorhi leyintshwa ya maphayona lama pfunaka hi April. Vahuweleri lava rhandzaka ku tirha tanihi maphayona lama pfunaka hi March kumbe April va fanele va hlela sweswi naswona va tisa swikombelo swa vona ka ha ri ni nkarhi. Leswi swi ta pfuna vakulu leswaku va endla malunghiselelo lamanene ya ntirho wa nsimu naswona va va ni tibuku leti ringaneke exitokweni.