Minhlangano Ya Ntirho Ya November
Vhiki Leri Sungulaka Hi November 7
Risimu 4
10 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Boxa yinhla yin’we kumbe timbirhi to vulavurisana eka magazini wun’wana ni wun’wana wa sweswinyana, leti nga tirhisiwaka eku ti fambiseni.
18 min: “Rito Ra Xikwembu Ri Ni Matimba.” Swivutiso ni tinhlamulo. Katsa ni tinhlamuselo ta nkoka wa ku hlaya Bibele nkarhi na nkarhi leti sekeriweke eka rito ro rhanga ra Ku Kambisisa Matsalwa Siku Na Siku—1994.
17 min: “Bibele—Xihlovo Xa Nchavelelo Ni Ntshembo eMisaveni Leyi Karhatekeke.” Bula ni vayingiseri. Vana ni minkombiso mimbirhi leyi kombisaka ndlela yo tirhisa swingheniso leswi ringanyetiweke.
Risimu 24 ni xikhongelo xo pfala.
Vhiki Leri Sungulaka Hi November 14
Risimu 25
10 min: Switiviso swa vandlha. Marungula Ya Swa Mfumo. Hlaya xiviko xa timali ni marito yo tlangela minyikelo.
17 min: “Xana U Kombisa Moya Wa Njhani?” Nkulumo. Katsa ni tinhlamuselo leti nga enkandziyisweni wa Xihondzo xo Rindza (xa Xinghezi) xa June 15, 1977, tluka 369, tindzimana 4 na 5.
18 min: “Tindlela To Antswisa Ku Chumayela Ka Hina Hi Mfumo.” Swivutiso ni tinhlamulo. Rhamba vayingiseri leswaku va rungula mintokoto leyi kombisaka ndlela leyi swiringanyeto leswi nyikeriweke eka Vutirheli Bya Hina Bya Mfumo swi tirhisiweke ha yona hi laha ku humelelaka.
Risimu 37 ni xikhongelo xo pfala.
Vhiki Leri Sungulaka Hi November 21
Risimu 40
12 min: Switiviso swa vandlha. “Switsundzuxo Swa Ntsombano Wa Muganga.” Bula ni vayingiseri. Endla leswaku mhaka yi fambelana ni swiyimo swa ndhawu ya ka n’wina.
15 min: Swilaveko swa vandlha. Kumbe nkulumo hi nkulu leyi sekeriweke eka xihloko lexi nge “Tlangela Ntirho Wa Wena Wo Kwetsima” eka nkandziyiso wa Xihondzo xo Rindza xa September 1, 1994, tluka 29.
18 min: “Va Pfune Leswaku Va Yingisa Ni Le ‘Nkarhini Wun’wana.’” Bula ni vayingiseri. Vana ni minkombiso mimbirhi leyi lunghiseleriweke kahle leyi kombisaka ndlela leyi Bibele yi nga ha tirhisiwaka ha yona eku sunguleni ka dyondzo.
Risimu 52 ni xikhongelo xo pfala.
Vhiki Leri Sungulaka Hi November 28
Risimu 58
12 min: Switiviso swa vandlha. Kombisa tindlela ta ku fambisa timagazini ta sweswinyana. Pfuxeta xihloko lexi nge “Switsundzuxo Leswi Fikeke Hi Nkarhi” eka Vutirheli Bya Hina Bya Mfumo bya December 1993. Hinkwavo evandlheni va fanele ku xiya xilaveko xo hlanganyela evutirhelini eku sunguleni ka December naswona va tiyiseka leswaku va yisa swiviko swa vona va nga si ya eku wiseni kumbe entsombanweni. Vafambisi va dyondzo ya buku va fanele ku tsundzuxa hinkwavo lava nga emintlaweni ya vona hi mhaka leyi.
15 min: “Mikateko Leyi Tisiwaka Hi Ku Tirha Ni Van’wana.” Swivutiso ni tinhlamulo. Khutaza hinkwavo leswaku va seketela minhlangano ya ntirho wa nsimu leyi lunghiseleriweke hi vandlha ematshan’wini ya ku va nkarhi na nkarhi va tiendlela malunghiselelo ya le tlhelweni ya ku huma va ri voxe. Ku tirha hi ntlawa swi tisa mikateko yo tala, swi endla ntirho lowu humelelaka swinene ni xikhutazo xa vunghana.
18 min: Ku Fambisa Buku Leyi Nge Nghwazi Hi December. Ku ni xilaveko lexikulu xa buku leyi. Madzana ya timiliyoni ta vanhu ma tivula valandzeri va Yesu naswona ma vula leswaku ma pfumela leswi a swi dyondziseke. Vanhu va fanele ku tiva lexi n’wi hambaniseke ni vanhu—ku ponisiwa ka vona ku titshege hi xona. Buku leyi nge Nghwazi, eka ndzima 133, yi ri: “Timbilu ta hina ta tsaka loko hi xiya xivindzi xa yena lexikulu, ni matimba, vutlharhi bya yena lebyi nga pimanisekiki, vuswikoti bya yena lebyikulu tanihi mudyondzisi, vurhangeri bya yena byo pfumala ku chava ni tintswalo ni ntwela-vusiwana wa yena.” Bibele yi n’wi hlamusela kahle tanihi (1) Mbhoni (Yoh. 18:37), (2) Muponisi (Mint. 4:12) ni (3) Hosi (Nhlav. 11:15). Vana ni muhuweleri la nga ni vuswikoti a endla nkombiso hi ku tirhisa tin’wana ta tinhla leti. Khutaza hinkwavo leswaku va hlanganyela eku hangalaseni ka buku leyi, va nga si ya eku wiseni kumbe entsombanweni.
Risimu 61 ni xikhongelo xo pfala.