Switsundzuxo Swa Ntsombano Wa Muganga

Malunghana ni mintsombano leyi nga ta va kona hi December, hi kombela leswaku mi tsundzuka leswi landzelaka:

Hambi leswi xiyimo xi antswisiweke emalembeni lama nga hundza, ha ha kuma leswaku nhlayo leyikulu ya vamakwerhu lava nga riki na swiavelo swa ntsombano, va famba-famba hi nkarhi wa nongonoko. Xisweswo, hi rhandza ku khutaza hinkwavo leswaku va tshamiseka hi nkarhi wa nongonoko ni ku rhiya ndleve eka rungula leri nyikeriwaka.

Leswaku hi vuyeriwa swinene enongonokweni i swa nkoka leswaku hi va kona loko ku pfuriwa hi risimu ni xikhongelo ni ku rindza ku kondza ku fika risimu ni xikhongelo xo hetelela siku rin’wana ni rin’wana. Van’wana, hi ku lava ku papalata ntlimbano wa swo famba, va ni mukhuva wo biha wo suka ku nga si pfariwa hi risimu ni xikhongelo.

Ha tshemba leswaku hinkwavo lava nga ta va kona va ta landzelela switsundzuxo leswi swo hlawuleka.