Switiviso

◼ Tibuku leti nga ta tirhisiwa hi December: Nghwazi Leyi Tshameke Yi Hanya hi munyikelo wa R10,50. January: Buku yihi na yihi ya matluka ya 192 leyi humesiweke emahlweni ka 1980 leyi vandlha ri nga na yona exitokweni hi munyikelo wa R1,00. Mavandlha ma nga ha kombela ku hunguteriwa nxavo eka Sosayiti. Nxavo wa vahuweleri i R1,00 kasi wa maphayona i 60 wa tisente. Mavandlha ma nga ha oda tibuku leti landzelaka ta nyiko yo hlawuleka eka Sosayiti: Ntiyiso Lowu Yisaka eVuton’wini Lebyi Nga Heriki na Xana Vutomi Lebyi Byo Va Na Sweswi Ntsena? February: U Nga Hanya Hi Masiku aParadeyisini eMisaveni hi munyikelo wa R10,50. Tibuku ta mpimo lowutsongo i R5,30. March: Nhlavutelo​—⁠Ku Chaputa Ka Yona Loku Hlamarisaka Ku Tshinele! hi munyikelo wa R10,50.

◼ Mulanguteri la ungamelaka kumbe un’wana la hlawuriweke hi yena u fanele ku hlaya timali ta vandlha hi December 1 kumbe hi ku hatlisa hi laha swi nga kotekaka ha kona endzhaku ka kwalaho. Endla xitiviso evandlheni loko leswi swi endliwile.

◼ Xitsundzuxo xa 1996 xi ta va hi Ravumbirhi, April 2, endzhaku ka ku pela ka dyambu. Xitiviso lexi xa siku ra nkhuvo wa Xitsundzuxo xa 1996 lexi nyikeriwaka ka ha ri ni nkarhi xi endleriwa leswaku vamakwerhu va ta endla malunghiselelo kumbe mintwanano leyi faneleke yo lomba tiholo leti nga kumekaka laha ku nga ni mavandlha yo tala ngopfu lama tirhisaka Holo yin’we ya Mfumo kutani swi boha leswaku ma kuma miako yin’wana.

◼ Papila ra Sosayiti ra August 1, 1994, leri kongomisiweke eka mavandlha hinkwawo, ri kombise leswaku minkandziyiso leyi pfuxetiweke ya swiengetelo swimbirhi swa minkandziyiso ya Vutirheli Bya Hina Bya Mfumo bya June 1992 na March 1993 swi ta rhumeriwa emavandlheni hinkwawo. Mi fanele mi swi kumile swiengetelo leswi hi nkarhi lowu. HI KOMBELA MI XIYA: Tanihi leswi swiengetelo leswi swi pfuxetiweke, hi kombela mi cukumeta tikopi leto sungula leti mi nga na tona. Eka xiengetelo xa June 1992, ku nyikeriwe nkongomiso lowu heleleke malunghana ni ku tirha ni Tikomiti to Vulavurisana ni Swibedlhele. Hi kombela u hlayisa kopi ya wena laha yi nga kumekaka kona hi xihatla loko yi laveka. Enkarhini lowu taka vakulu va fanele ku vona leswaku swiengetelo leswi swi nyikiwa munhu un’wana ni un’wana la ha ku khuvuriwaka.

◼ Tibuku Letintshwa Leti Kumekaka:

Xipedi: Buku Yo Letela Ya Xikolo Xa Vutirheli Bya Le Tilweni (vandlha, vanhu na maphayona: R3,50). Xipolish: New World Translation of the Christian Greek Scriptures (vandlha ni vanhu: R5,60; maphayona: R3,70).