Mpfuxeto Wa Xikolo Xa Vutirheli Bya Le Tilweni
PHEPHA RA TINHLAMULO RA MPFUXETO WO TSALA WA XIKOLO XA VUTIRHELI BYA LE TILWENI WA MHAKA LEYI NGA EBIBELENI; UNITED IN WORSHIP OF THE ONLY TRUE GOD [uw]; NGHWAZI LEYI TSHAMEKE YI HANYA [gt-TS]; NI KU HLAYA KA BIBELE KA VHIKI NA VHIKI, LOKU HLANGANISAKA SWIAVELO SWA MAVHIKI YA SEPTEMBER 5 KU YA KA DECEMBER 19, 1994.
SWILETELO: Un’wana ni un’wana u fanele ku va na swivutiso swa mpfuxeto hi laha swi andlariweke ha kona eka Vutirheli Bya Hina Bya Mfumo. Tiyiseka leswaku hinkwavo lava navelaka ku hlanganyela va ni phepha ro tsalela eka rona. Kutani mulanguteri wa xikolo a nga ha kombisa nkarhi wo sungula. Mpfuxeto wu pimeriwe timinete ta 25, leti endzhaku ka tona mulanguteri wa xikolo a hlayaka swivutiso ni tinhlamulo hi rito lerikulu (kumbe a rhamba vayingiseri ku hlanganyela eka swivutiso swin’wana). U fanele ku talela eka swivutiso leswo tika ngopfu, a pfuna hinkwavo ku twisisa tinhlamulo kahle. Xichudeni xin’wana ni xin’wana xi nga ha kambela phepha ra xona n’wini, xi maraka ntsena nhlamulo yin’wana ni yin’wana leyi nga yona hi mfungho. Maphepha a ma nge hlengeletiwi. Minkarhi yin’wana a swi olovi ku nyika tinhlamulo hinkwato leti fanelekaka eka phepha ra tinhlamulo; hikwalaho nhlamulo yin’wana ni yin’wana leyi nga yinene ni leyi pfumelelanaka ni ku twisisa ka hina ka sweswi ya amukeleka, hambi loko yinhla ya kona yi nga kumeki eka phepha ra tinhlamulo. Loko vandlha ri nga si endla mpfuxeto, phepha ra tinhlamulo a ri fanelanga ku nyikiwa vandlha leswaku ri hlaya, kambe ri nga tirhisiwa hi mulanguteri wa xikolo tanihi xikongomiso xa tinhla leti a lavaka ku ti kandziyisela vandlha. I Bibele ntsena leyi nga tirhisiwaka enkarhini wa mpfuxeto.
XITSUNDZUXO EKA VALANGUTERI VA XIKOLO: Nhlayo leyi tsariweke hi xiitaliki leyi rhangelaka xihlovo xa marungula yi yimela vhiki ra le ndzhaku ka mpfuxeto lowu hundzeke leri ha rona a ku hlanganisiwa mhaka leyi xivutiso lexi xi humaka eka yona.
Hlamula yin’wana ni yin’wana ya tinhlamuselo leti landzelaka, u ku I Ntiyiso kumbe I Mavunwa:
1. Sathana u xisa vanhu hi mano leswaku va enerisa ku navela ka ntumbuluko hi tindlela to biha. [3, uw tl. 65 ndz. 9] I Ntiyiso.
2. Sheol, Haydesi na Gehena hinkwaswo swi fanekisela sirha leri tolovelekeke ra vanhu. [5, uw tl. 72 ndz. 6] I Mavunwa. Sheol na Haydesi swi fanekisela sirha leri tolovelekeke ra vanhu, laha ku nga ta va ni ku pfuxiwa. Hambi swi ri tano, ku hava ku pfuxiwa eGehena.
3. Tanihi leswi ku hetiseka ka Pisalema 110:1, 2 ku fikaka ni le masikwini ya makumu ya misava leyi, tindzimana leti ti hi pfuna ku twisisa leswaku vuprofeta bya Yesu mayelana ni ku hela ka mafambiselo ya swilo a byi helelanga eku lovisiweni ka Yerusalema hi 70 C.E. [14, Ku hlaya ka Bibele ka vhiki na vhiki; vona w94-TS 2/15 tl. 12 ndz. 17.] I Ntiyiso. Mesiya a a fanele ku fa a tlhela a pfuxiwa, laha a nga ta tshama evokweni ra xinene ra Xikwembu ku kondza Tatana a n’wi rhuma tanihi Muavanyisi wakwe lonkulu.
4. Sanedri a ku ri Huvo leyi Tlakukeke ya Varhoma ya swirho swa 71 leyi a yi hlangana eYerusalema. [13, gt-TS ndzima 119] I Mavunwa. Sanedri a ku ri Huvo leyi Tlakukeke ya Vayuda ya swirho swa 71.
5. ‘Vafumi va misava’ lava hlamuseriweke eka Vaefesa 6:12 i varhangeri va tipolitiki lava hambanisiweke ni Xikwembu. [2, uw tl. 63 ndz. 4] I Mavunwa. ‘Vafumi va misava’ a hi vanhu ntsena. I “mimoya leyo biha leyi nge henhla emimpfhukeni.”
6. Timiliyoni leti nga ta pfuxiwa eku feni ti ta avanyisiwa hi ku ya hi mintirho leyi ti yi endleke ti nga si fa. [6, uw tl. 75 ndz. 12] I Mavunwa. Ti ta avanyisiwa hi ku ya hi mintirho leyi ti yi endlaka endzhaku ka ku pfuxiwa ka tona.
7. Ku engetela eku tirheni ka yena tanihi Muhlanganisi wa ntwanano lowuntshwa, Yesu hi byakwe u endle ntwanano wa Mfumo ni vaapostola vakwe lavo tshembeka. [6, gt-TS ndzima 115] I Ntiyiso.
8. Nkhuvulo hi woxe i xitiyisekiso xa ku ponisiwa. [16, uw tl. 100 ndz. 12] I Mavunwa. I wa nkoka ntsena loko munhu a tinyiketele hi ntiyiso eka Yehovha ha Yesu Kreste naswona endzhaku ka sweswo a endla ku rhandza ka Xikwembu, a tshembeka ku ya fika eku feni.
9. Loko Yesu a khongele a ku: “Tatana, loko u swi rhandza, xinwelo lexi xi tshinete kule na mina,” a a kombela ku ponisiwa eku feni. (Lk. 22:42) [11, gt-TS ndzima 117] I Mavunwa. A a swi tiva leswaku u fanele ku fa. Hambi swi ri tano, a chava leswaku ndlela leyi a ta fa ha yona—tanihi xigevenga lexi sandziwaka—a yi ta tisa ndzhukano evitweni ra Tata wakwe.
10. Hi ku ya hi Pisalema 58:4, mamba a yi yingisi. [1, Ku hlaya ka Bibele ka vhiki na vhiki; vona it-1 tl. 485.] I Mavunwa. Mamba yi “tisiv̌a tindlev̌e” hi ku ala ku yingisa. Hambi leswi tinyoka ti nga riki na timbhovo to twa ha tona, “The New Encyclopædia Britannica” yi ri: “Tinyoka ta swi kota ku twa magandlati man’wana ya mpfumawulo lama taka na moya.”
Hlamula swivutiso leswi landzelaka:
11. Ku tiva leswaku Yehovha u phamela tinyanyana ni ku ambexa swiluva hi ndlela yo xonga swi fanele swi susa mivilelo yihi eka malandza ya xona lama nga vanhu ke? [10, uw tl. 87 ndz. 3] Mivilelo ya swakudya, swiambalo ni tindlu.—Matewu 6:31, 32. (Mongo lowu fanaka)
12. Hi laha swi hlamuseriweke ha kona eka Pisalema 58:3-5, xana lavo homboloka va fana ni nyoka hi ndlela yihi? [1, Ku hlaya ka Bibele ka vhiki na vhiki; vona w86-TS 10/15 tl. 30.] Marito yo xisa, yo lumbeta ya lavo homboloka ma nga onha vito ra loyi ku vulavuriwaka ha yena, tanihi leswi vuxungu bya nyoka byi nga ni khombo. (Mongo lowu fanaka)
13. Hi ku pfumelelana na Vaefesa 5:3-5, hi le ka swisekelo swihi laha Mukreste la nga ni vutlharhi a nga alaka vuyimbeleri byo karhi lebyi nga ha vaka ni miloti leyi tsakisaka, lebyi nga ni mpfumawulo lowu kokaka nyingiso, kumbe machayelo lama nyanyulaka? [3, uw tl. 67 ndz. 12] U ta xalamukela ku ala vuyimbeleri lebyi nga ni marito lama khutazaka rimbewu ehandle ka vukati, ku titsakisa hi ku tirhisa swidzidzirisi, ni mianakanyo yin’wana ya misava ni mahanyelo lama hambanaka ni swiletelo swa Bibele. (Mongo lowu fanaka)
14. Xana Bibele yi hlamusela yini eka Nhlavutelo 20:14, laha yi vulaka leswaku Haydesi yi “hoxiwa etiveni ra ndzilo”? [6, uw tl. 75 ndz. 12] Haydesi ya lovisiwa; yi nga ha vi kona hi laha ku heleleke. (Mongo lowu fanaka)
15. Xana tinyimpfu ni timbuti swi avanyisiwa hi ku ya ha yini exifanisweni xa Yesu lexi nga eka Matewu 25:31-46? [2, gt-TS ndzima 111 ndz. 43] Hi ku ya hi ndlela leyi ti khomaka vamakwavo va Kreste ha yona, masalela lama nga emisaveni ya lava 144 000 lava nga ta fuma na Yesu ematilweni. (Mongo lowu fanaka)
16. Loko Nisan 11, ya 33 C.E., yi hele endzhaku ka ku pela ka dyambu hi Ravumbirhi, xana Nisan 14 yi sungule ni ku hela rini? [3, gt-TS ndzima 112] Nisan 14 yi sungule loko dyambu ri pela hi Ravumune naswona yi hele loko dyambu ri pela hi Ravuntlhanu.
17. Xana ku khuvuriwa hi vito ra Tatana ni ra N’wana ni ra moya lowo kwetsima swi vula yini? [15, uw tl. 98 ndz. 9] Swi vula leswaku hi xiya Yehovha tanihi Xikwembu xa ntiyiso, Muvumbi ni Mufumi wa vuako hinkwabyo; leswaku Yesu i N’wana wa Xikwembu, Xikombiso xa hina, Mukutsuri ni Muponisi; leswaku moya lowo kwetsima i matimba ya Xikwembu lama tirhaka, lowu hi faneleke hi wu khongelela ni ku tala hi wona. (Mongo lowu fanaka)
18. Hi tihi tindlela leti vadyondzisiwa va Yesu a va ta endla ntirho wo tlula lowu yena a wu endleke, hi laha swi hlamuseriweke ha kona eka Yohane 14:12? [7, gt-TS ndzima 116 ndz. 6] Vadyondzisiwa va Yesu a va ta endla vutirheli nkarhi wo leha ku tlula lowu yena a wu heteke, endhawini leyikulu, ni le ka vanhu vo tala swinene. (Mongo lowu fanaka)
19. I yini “šihundl[a] ša Loyi a nga henhla-henhla” lexi kombisiwaka eka Pisalema 91:1, naswona hi fanele ku endla yini loko hi lava ku tshama kona? [9, Ku hlaya ka Bibele ka vhiki na vhiki; vona w93-TS 12/15 tl. 12; w86-TS 12/15 tl. 29.] I ndhawu ya nsirhelelo wa moya, ya ku sirheleleka ekhombyeni ra moya. Leswaku hi ta tshama kona hi fanele ku tshemba Yehovha hi laha ku heleleke. (Mongo lowu fanaka)
20. Ha yini Yesu eka Yohane 16:33 a vule leswaku u hlule misava? [9, gt-TS ndzima 116 ndz. 37] Yesu u hlule misava hi ku hetisisa ku rhandza ka Xikwembu ku nga khathariseki swilo hinkwaswo leswi Sathana ni vanhu vakwe va ringeteke ku swi endla ku onha vutshembeki bya Yesu. (Mongo lowu fanaka)
Tsala rito kumbe xiga lexi lavekaka ku hetisisa tinhlamuselo leti landzelaka:
21. Hi laha swi kombisiweke ha kona emhakeni ya Yobo, Sathana u vule leswaku hi tsakela swilo leswi vonakaka, ku sirheleleka ka hina vini ni ku yima kahle, ni leswaku xikongomelo xa hina xo tirhela Xikwembu i xa vutianakanyi. [12, uw tl. 93 ndz. 13]
22. Loko Yesu a ringiwa hi tihanyi, Pilato a a ri mufumi wa le Yudiya, naswona Heroda Antipasi a a ri mufumi wa le Galeliya. [15, 16, gt-TS tindzima 121, 122]
23. Hi ku pfumelelana ni leswi Yohane Mukhuvuri a swi hlamuseleke eka Luka 3:16, hi Pentekosta ya 33 C.E., vadyondzisiwa va Yesu va khuvuriwe ro sungula hi moya lowo kwetsima; hi 70 C.E. Vayuda lava nga hundzukangiki va khuvuriwe hi ndzilo. [13, uw tl. 96 ndz. 4]
24. Ku khuvuriwa ka Yesu ku ya eku feni ku sungule hi 29 C.E. kambe a ku hetisekanga ku kondza a fa a tlhela a pfuxiwa. [14, uw tl. 97 ndz. 6]
25. Mintlawa ya ntwanano lowuntshwa i Yehovha ni Vakreste lava totiweke hi moya va 144 000. [5, gt-TS ndzima 114]
Hlawula nhlamulo leyinene eka yin’wana ni yin’wana ya tinhlamuselo leti landzelaka:
26. Entiyisweni, “swikwembu” leswi a ku vulavuriwa ha swona eka Pisalema 82 i (Sathana ni mademona; swikwembu swa vahedeni swa vamatiko; vavanuna lava a va ri vaavanyisi va le Israyele). [7, Ku hlaya ka Bibele ka vhiki na vhiki; vona w86-TS 12/15 tl. 28.]
27. Xikongomelo-nkulu xa ku ta ka Yesu emisaveni a ku ri ku (ponisa vanhu; endla vadyondzisiwa; nyikela vumbhoni ehenhla ka ntiyiso). [16, gt-TS ndzima 122]
28. Loko hi langutane ni nhlomulo enyameni kumbe hi lahlekeriwa hi swilo leswi vonakaka, Diyavulosi u lava ku hi vona hi (xixima Yehovha ni ku kombisa Diyavulosi a ri muhembi; sola Xikwembu ni ku onha vutshembeki; tiyisela hi laha Yobo a endleke ha kona). [1, uw tl. 60 ndz. 13]
29. Eka swihehlo swinharhu leswi endliweke hi varhangeri va vukhongeri va Vayuda ehenhla ka Yesu, hi laha swi rhekhodiweke ha kona eka Luka 23:2, xihehlo lexi Pilato a karhateka ha xona a xi ri xa ku va Yesu a (hambukisa rixaka ra Vayuda; sivela ku hakeriwa ka mindzuvo ya Khezari; vula leswaku yena hi byakwe i Kreste hosi). [15, gt-TS ndzima 121]
30. Eka Pisalema 63:3, entiyisweni Davhida a vula leswaku ku va ni vuxaka lebyinene na Yehovha a swi (ri nchumu lowunene evuton’wini; ri swinene tanihi vutomi; ri swa risima swinene ku tlula vutomi hi byoxe). [2, Ku hlaya ka Bibele ka vhiki na vhiki; vona w85-TS 4/1 tl. 4.]
Twananisa matsalwa lama landzelaka ni tinhlamuselo leti xaxametiweke laha hansi:
Ps. 86:1, 2; Mt. 26:52; Yoh. 13:1-17; Yoh. 15:8; Hev. 13:5, 6
31. Ku nga khathariseki minxavo ya le henhla ni ku pfumaleka ka mintirho, ntsena loko hi tirha hi ku pfumelelana ni ripfumelo ra hina, Yehovha u ta vona leswaku hi kuma leswi hi swi pfumalaka hakunene. [Hev. 13:5, 6] [10, uw tl. 89 ndz. 6]
32. Vakreste va ntiyiso a hi xiphemu xa misava; hikwalaho, a va ma tirhisi matlhari ya nyama. [Mt. 26:52] [12, gt-TS ndzima 118; vona w94-TS 6/1 tl. 12.]
33. Hambi hi ri ni mivilelo ni gome hikwalaho ka swiphiqo leswi hi nga na swona, hi nga tiyiseka leswaku Yehovha u ta rhiya ndleve emisaveni a yingisela swikhongelo swa hina swa ku titsongahata. [Ps. 86:1, 2] [8, Ku hlaya ka Bibele ka vhiki na vhiki; vona w92-TS 12/15 tl. 9 tindz. 3, 4.]
34. Hi nga dzunisa Xikwembu hi xiviri hi ku kombisa timfanelo to fana ni ta Kreste, ngopfu-ngopfu rirhandzu, ni ku hlanganyela hi xitalo hi laha swi kotekaka ha kona entirhweni wo endla vadyondzisiwa. [Yoh. 15:8] [8, gt-TS ndzima 116 ndz. 19]
35. Tanihi Vakreste hi fanele ku tikarhatela ku tirhela van’wana handle ka xihlawuhlawu, hambi loko ntirho wa kona wu nga nyawuli kumbe wu nga tsakisi. [Yoh. 13:1-17] [4, gt-TS ndzima 113]