Xana Nkarhi Wa Minhlangano Ya N’wina Wu Ta Cinca?

 Loko mavandlha yo hlaya lama tirhisaka Holo yin’we ya Mfumo ma twanane ku cinca kumbe ku lulamisa minkarhi ya minhlangano, leswi swi fanele ku endliwa eku sunguleni ka January. Ku tiyimisela ku fambisana ni lunghiselelo leri leri simekiweke swi kombisa rirhandzu ni ku anakanyelana. Hakanyingi ku cinciwa ka minkarhi ya minhlangano ku pfuna wena, ku endla leswaku swi olova ku va kona eminhlanganweni.

Hi tlhelo lerin’wana, ku cinca loku vaka kona nan’waka ku nga ha va ku nga fambisani kahle ni xiyimiso xa wena xa ntirho. Swi nga ha lava ku lulamisa xiyimiso xa wena xa siku na siku, leswi nga ha karhatakanyana. Un’wana ni un’wana loyi a tiyimiseleke ku fambisana ni lunghiselelo leri u kombisa ku tlangela lunghiselelo hinkwaro, leri endleriweke ku pfuna hinkwavo lava khumbekaka.

Kavula, loko minkarhi ya minhlangano yi tlhela yi cinciwa yi nga ha fambisana ni xiyimiso xa wena. Hi nkarhi lowu, u khutaziwa ku endla mindzulamiso leyi faneleke ya munhu hi xiyexe leswaku u ta va kona eminhlanganweni hinkwayo ya vhiki leyi xiyimiso xa yona xi lunghiseleriweke hi vandlha. Lwela ku hlayisa langutelo ra mupisalema Davhida, loyi a nga te: “Nḍi ṭakile loko v̌a te ka mina: A hi yeni ndlwini ya Yehova!”​—⁠Ps. 122:⁠1.