Minhlangano ya Ntirho ya January
Vhiki Leri Sungulaka Hi January 2
Risimu 83
5 min: Switiviso swa vandlha ni Switiviso leswi hlawuriweke leswi humaka eka Vutirheli Bya Hina Bya Mfumo. Matsalana ni vafambisi va dyondzo ya buku va fanele va kambela leswaku swiviko hinkwaswo swa ntirho wa nsimu leswi hlawulekeke swa tin’hweti leti nga hundza swa nghenisiwa. Tsundzuxa vahuweleri leswaku va vika ntirho wa vona wa nsimu wa December hi ku hatlisa.
10 min: “Ndlela Yo Hlela Layiburari Ya Swa Le Tilweni.” Nkulumo leyi sekeriweke eka Xihondzo xo Rindza xa November 1, 1994, matluka 28-31.
15 min: “Dyondzo Ya Munhu Hi Xiyexe—I Mhaka Leyi Faneleke Ku Xiyisisiwa.” Swivutiso ni tinhlamulo. Katsa ni tinhlamuselo leti hlawuriweke leti sekeriweke eka Xihondzo xo Rindza xa June 1, 1985, matluka 20-5.
15 min: “Ku Tirhisa Tibuku Ta Hina Hi Ndlela Leyinene.” Bula ni vayingiseri. Khutaza vandlha leswaku ri tikumela mphakelo wa buku leyi fambisiwaka ekhawuntarini ya tibuku leswaku ri ta ti tirhisa ensin’wini. Hlela nkombiso wun’we kumbe mimbirhi yo koma ya marungula lama ringanyetiweke.
Risimu 188 ni xikhongelo xo pfala.
Vhiki Leri Sungulaka Hi January 9
Risimu 183
12 min: Switiviso swa vandlha. Xiviko xa timali.
18 min: “Vurisi Lebyi Akaka.” Nkulumo hi nkulu leyi sekeriweke eka rungula leri nga ehansi ka xihlokwana lexi nga ka matluka 21-3 eka nkandziyiso wa Xihondzo xo Rindza xa September 15, 1993. Kandziyisa xitsundzuxo xa Matsalwa xo pfuna ku langutana ni swiphiqo.
15 min: Xana U Lunghekele Ku Langutana Ni Xiyimo Xa Vutshunguri Lexi Tlhontlhaka Ripfumelo? Nkulumo leyi hisaka kambe leyi khutazaka, hi nkulu la fanelekaka a pfuna vamakwerhu leswaku va vona nkoka wa khadi ra Advance Medical Directive/Release na Identity Card leri sirhelelaka. Phindha nongonoko wa January leyi hundzeke ku tiyiseka leswaku hinkwavo lava fanelekaka ni lava lavaka xisirhelelo lexi va nga xi kuma hi ku tata makhadi. Leswaku u kuma vuxokoxoko vona Vutirheli Bya Hina Bya Mfumo bya January 1994, tluka 2, ehansi ka “Vhiki Leri Sungulaka Hi January 17.”
Risimu 198 ni xikhongelo xo pfala.
Vhiki Leri Sungulaka Hi January 16
Risimu 182
10 min: Switiviso swa vandlha. Hlamusela tinhla to vulavula ha tona leti humaka eka timagazini ta sweswinyana. Khutaza hinkwavo leswaku va hlanganyela entirhweni wa nsimu mahelo-vhiki lawa.
15 min: Hi Nga Karhali Ku Endla Leswinene. Nkulumo hi nkulu. Nkarhalo wa moya wu nga hunguta ntsako wa hina ni ku hiseka entirhweni wa Yehovha. Hlamusela tindlela tin’wana to pfuxeta matimba ya hina ya moya hi ku tirhisa swiringanyeto leswi nyikeriweke eka Xihondzo xo Rindza xa January 15, 1986, tluka 19 (bokisi). Kandziyisa ku seketela mintirho ya vandlha hi mbilu hinkwayo.
20 min: Pfuna Vana Va Wena Malunghana Ni Timhaka Ta Xikolo. Nkulumo leyi nga ni mimbulavurisano ni minkombiso. Namuntlha vantshwa va Vakreste va langutana ni miringo leyi vo tala evandlheni va nga yi tiviki. Ngopfu-ngopfu vatswari va fanele va tiva mintlhontlho leyi leswaku va ta pfuna vana va vona ku langutana ni miringo ya vutshembeki. Vulavurisana ni vantshwa vanharhu va malembe yo hambana-hambana. I mintshikilelo yihi leyikulu leyi va faneleke ku langutana na yona siku na siku exikolweni? I yini lexi va pfunaka ku hlayisa vuxaka bya vona lebyinene na Yehovha? Hlela nkombiso wa ndyangu wu kambisisa swin’we tindzimana 2 na 3 eka tluka 11 ra broxara leyi nge School. Vana va paluxa leswaku va hlekuriwa ni ku khomisiwa tingana hikwalaho ko tirhisa mimpimanyeto leyi tlakukeke ya Bibele ya mahanyelo. Nhloko ya ndyangu yi khutaza vana hi ku kombisa ntsako wa yona hikwalaho ka xikombiso xa vona ni ku va tsundzuxa leswaku Yehovha u tsakisiwa swinene hi mahanyelo ya vona. (Swiv. 27:11) Makwerhu loyi a tamelaka xiphemu lexi u gimeta hi ku bumabumela vana evandlheni hikwalaho ka mintirho ya vona leyinene ni ku va khutaza ku vulavurisana ni vatswari va vona leswaku va ta tiyisiwa emoyeni elembeni leri hinkwaro ra xikolo. Tsundzuxa vatswari leswaku va kombela leswaku vana va vona va nga katseki etitlilasini ta dyondzo ya vukhongeri.
Risimu 196 ni xikhongelo xo pfala.
Vhiki Leri Sungulaka Hi January 23
Risimu 161
5 min: Switiviso swa vandlha.
15 min: “Kombisa Leswaku Wa Khathalela Hi Ku Endla Maendzo Yo Vuyela.” Vahuweleri vanharhu kumbe mune va bula hi xikongomelo ni nkoka wo endla maendzo yo vuyela. Kandziyisa nkoka wo sungula tidyondzo. Hlamusela marungula lama ringanyetiwaka. Vana ni nkombiso wun’we kumbe mimbirhi, kutani ntlawa lowu wu nyika xibumabumelo ni swiringanyeto swo antswisa.
10 min: Swilaveko swa vandlha. Kumbe ku nyikeriwa nkulumo hi xihloko lexi nge “Xana Swipimelo Swi Ku Heta Matimba?” leyi humaka eka Xihondzo xo Rindza xa September 1, 1994, matluka 27-8.
15 min: “Anakanyela Van’wana—Xiyenge 1.” Swivutiso ni tinhlamulo. Katsa ni switsundzuxo swa malunghana ni xilaveko xa ku va vakulu va tirhisana eku kambeleni leswaku lwangu, tiphayiphi ta mati, swiberisa-moya, swo kufumeta, fambiselo ra gezi ni malunghiselelo ya nsirhelelo wa Holo ya Mfumo swi tshama swi ri exiyin’weni lexinene.—Vona Vutirheli Bya Hina Bya Mfumo (bya Xinghezi) bya February 1985, tluka 3, ni Vutirheli Bya Hina Bya Mfumo bya March 1987, tluka 5.
Risimu 116 ni xikhongelo xo pfala.
Vhiki Leri Sungulaka Hi January 30
Risimu 141
10 min: Switiviso swa vandlha. Tsundzuxa vahuweleri leswaku va vika ntirho wa nsimu wa January hi xihatla.
17 min: “Ntirho Wu Tshama Wu Tele.” Swivutiso ni tinhlamulo. Hlela mimbulavurisano mimbirhi kumbe yinharhu yo koma ya vanhu lava tshamaka va khomekile, vo tanihi nkulu, manana wa ndyangu kumbe phayona; va kombele va hlamusela leswaku va swi kotisa ku yini ku hlayisa xiyimiso xo tshama va khomekile kambe va tshama va tsakile.
18 min: Fambisa Buku Leyi Nge Hanya Hi Masiku Hi February. Hlamusela xivangelo xa ku va ku ri ni xilaveko xa leswaku vanhu va kuma rungula leri buku leyi yi nga na rona. (Vona Xihondzo xo Rindza xa April 1, 1988, matluka 25-6, tindzimana 17, 18.) Nyikela swiringanyeto leswi kombisaka ndlela leyi hi nga sungulaka tidyondzo ta Bibele ha yona ni vanhu lava tsakelaka lava hi va fambiseleke buku leyi nge Hanya Hi Masiku. Vana ni muhuweleri la nga ni vuswikoti a kombisa xingheniso xa vumbirhi hi ku komisa ehansi ka xihloko lexi nge “Life/Happiness” ebukwini leyi nge Reasoning, tluka 13.
Risimu 199 ni xikhongelo xo pfala.