Lunghiselela Ntirho Wa Timagazini Hi April

Hilaha swi kombisiweke hakona eka 1996 Calendar, Xilalelo xa Hosi xi ta tlangeriwa hi April 2 lembe leri. Hi ku khutaziwa hi xiendlakalo lexi lexikulu, hinkwerhu a hi hlanganyeleni eku hangalaseni ka timagazini hi April. Emalembeni ma nga ri mangani lama hundzeke hi tiphine hi Siku ro hlawuleka ra Timagazini hi April. Nan’waka ku hlawuriwe siku ra ti 20 ta April. Vona timagazini leti nga enkarhini leti hi nga ta ti tirhisa! Xihondzo xo Rindza xa April 1 xi ta va na rungula ra nkulumo ya le rivaleni ya ntsombano wa n’wexemu leyi nga ni xihloko lexi nge, “Dzunisa Hosi Ya Minkarhi Ni Minkarhi!” Xihondzo xo Rindza xa April 15 xi ta va na xihloko xa nkulumo ya le rivaleni yo hlawuleka ya April n’wexemu, leyi nga ni xihloko lexi nge “Makumu Ya Vukhongeri Bya Mavunwa Ma Tshinele.” Nkulumo yo hlawuleka ya nan’waka hi April 21 yi ta va na xihloko lexi nge, “Ku Tshama Hi Ri Hava Xisandzu Exikarhi Ka Xitukulwana Lexi Xo Homboloka,” yi fanele yi hi nyika tinghitsi leti engetelekeke. Hi ta va hi fambisa Xalamuka! ya May 8 leyi nga ni nhloko-mhaka leyi nge “Loko Tinyimpi Ti Nga Ha Ri Kona.”

Ku landzela tsima ra xiphephana xa Kingdom News hi April ya n’wexemu, April ya nan’waka yi fanele yi va n’hweti yo hlawuleka ya ku hangalasiwa ka timagazini. Sweswi i nkarhi wa ku kunguhata. Vo tala va ta lava ku tsarisa tanihi maphayona ya nkarhinyana. Hi ku ya hi xilaveko, ku fanele ku odiwa tikopi leti engetelekeke ta timagazini ta April. Ku nga kunguhateriwa Siku ra Timagazini, ni un’wana ni un’wana la nga ta kota ku hlanganyela—nimixo, nindzhenga kumbe nimadyambu. Hinkwerhu ka hina ‘a hi veni vaendli va rito.’ Hilaha ku vhumbiweke hakona mayelana na Mesiya eka Pisalema 69:9, onge hi nga swi kota ku vula hi ku: “Ku hiseka ka yindlu ya wena ku nḍi dyile.”—Yak. 1:22; Yoh. 2:17.