Minhlangano Ya Ntirho Ya March

Vhiki Leri Sungulaka Hi March 4

Risimu 1

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Dzunisani Yehovha ‘Masiku Hinkwawo.’” Swivutiso ni tinhlamulo. Hlaya tindzimana 2-5 loko nkarhi wu pfumela. Khutaza hi ndlela leyi akaka malunghana ni ntirho wa vuphayona bya nkarhinyana ni bya nkarhi hinkwawo.

20 min: “Vutivi Bya Xikwembu Xa Ntiyiso Byi Yisa eVuton’wini.” Hlamusela swingheniso leswi ringanyetiweke. Vana na nkombiso wun’we kumbe mimbirhi.

Risimu 78 ni xikhongelo xo pfala.

Vhiki Leri Sungulaka Hi March 11

Risimu 164

10 min: Switiviso swa vandlha. Xiviko xa timali.

20 min: “Vuyeriwa eXikolweni Xa Vutirheli Bya Le Tilweni Xa 1996—Xiyenge 3.” Nkulumo hi mulanguteri wa xikolo. Khutaza hinkwavo lava nga swi kotaka leswaku va tsarisa naswona va endla swiavelo swa vona hi ku tshembeka. Yi hlamusele kahle milawu yo vitana mavito ya le Bibeleni, hilaha yi kumekaka ha kona ebukwini leyi nge “Matsalwa,” eka matluka 325-6, tindzimana 27-8.

15 min: Endlani Swilo Kun’we Tanihi Ndyangu. Tatana u bula ni ndyangu wa yena a ntshunxekile mayelana na xilaveko xa vun’we, lexi sekeriweke eka Xihondzo xo Rindza xa September 1, 1993, matluka 16-19. Nyikela nyingiso eka dyondzo ya ndyangu ni ntirho wa evhangheli. Hlamusela ndlela leyi ha yona mindyangu ya manguva lawa yi avanaka ha yona, hikwalaho ka ku va yi heta nkarhi wuntsongo yi ri swin’we naswona yi nga tsakeli swilo leswi fanaka. Ku dyondza Rito ra Xikwembu ni ku hlanganyela evutirhelini swin’we i nkateko endyangwini wa Vakreste. Kandziyisa xilaveko xa tatana xo hlela swilo leswi kahle ni xa ku va manana a va na ntirhisano. Vana va fanele va tsakela mintirho ya swa moya, va tirha swin’we ni vatswari. Ndyangu wu ta va ni vun’we naswona wu ta tiya leswaku wu langutana ni mintshikilelo leyi andzaka ya misava.

Risimu 211 ni xikhongelo xo pfala.

Vhiki Leri Sungulaka Hi March 18

Risimu 6

10 min: Switiviso swa vandlha. Lava fambisaka tidyondzo va fanele va khutaza lavantshwa lava endlaka nhluvuko edyondzweni ya vona ya Bibele leswaku va fikelela pakani yo va vahuweleri lava nga khuvuriwangiki. Nakambe vatswari va nga pfuna vana va vona leswaku va va vahuweleri. Hlamusela endlelo leri bumabumeriwaka leri kumekaka eka Ku Hleleriwa Ku Hetisisa Vutirheli Bya Hina, matluka 97-100.

15 min: Bokisi Ra Swivutiso. Nkulumo hi nkulu. Bula hi swivangelo leswi hi susumetelaka ku hanana, hi laha swi kandziyisiweke ha kona eka Xihondzo xo Rindza xa January 15, 1992, matluka 16-17.

20 min: “Pfuna Van’wana Leswaku Va Kuma Vutivi Lebyi Yisaka eVuton’wini.” Hlamusela swingheniso leswi ringanyetiweke leswi nga tirhisiwaka eka maendzo yo vuyela. Katsa nkombiso wun’we kumbe mimbirhi. Kandziyisa pakani ya ku sungula tidyondzo.

Risimu 130 ni xikhongelo xo pfala.

Vhiki Leri Sungulaka Hi March 25

Risimu 5

15 min: Switiviso swa vandlha. Hlamusela “Switsundzuxo Swa Xilalelo.” Hlamusela mhaka leyi swi nga swa nkoka ha yona ku va kona. (Vona Xihondzo xo Rindza xa February 1, 1985, matluka 27-9.) Hlamusela malunghiselelo yo pfuna lava dyuhaleke, ni lava vabyaka ni lavantshwa leswaku va va kona. Hlamusela malunghiselelo ya ntirho lowu engetelekeke vhiki leri taka. Nakambe, hlamusela xihloko lexi nge, “Laha Malwandla Ma Kombisiwaka Eka Vanhu Vambe,” eka tluka 32 ra nkandziyiso wa Awake! ya September 22, 1995.

15 min: Hlamusela Tinhla-nkulu Ta 1996 Yearbook of Jehovah’s Witnesses. Ndyangu wu bula hi swiendlakalo leswi tsakisaka swa mayelana ni ntirho wa hina wa misava hinkwayo leswi hlanganisiweke eka matluka 3-5 na 33. Va pfumela leswaku siku na siku va ta ringeta ku hlaya swin’we matluka ma nga ri mangani ya Yearbook endzhaku ka sweswo va hlaya ndzimana leyi hlawuriweke ya Bibele eka Ku Kambisisa Matsalwa Siku Na Siku.

15 min: “Ku Lunghiselela—I Xilotlelo Xa Ku Humelela.” Swivutiso na tinhlamulo. Hlamusela leswaku hi ta va hi fambisa xikhokhelo xa Xihondzo xo Rindza hi April na May. Endla malunghiselelo sweswi, hi ku oda tikopi leti engetelekeke, kuma tifomo ta swikhokhelo, naswona u kunguhata ku seketela malunghiselelo ya vandlha ya ntirho wa Siku ra Timagazini.

Risimu 7 ni xikhongelo xo pfala.