Switiviso
◼ Tibuku leti nga ta fambisiwa hi November: Vutivi Lebyi Yisaka eVuton’wini Lebyi Nga Heriki hi munyikelo wa R4,00. Tikarhateleni ku tlhelela eka lava mi va fambiseleke buku leyi, hi xikongomelo xo sungula tidyondzo ta le kaya ta Bibele. December: Bibele—I Rito Ra Xikwembu Kumbe I Ra Munhu? hi munyikelo wa R4,00. January: Ku Rhula Ka Ntiyiso Ni Nsirhelelo—U Nga Swi Kuma Njhani? hi munyikelo wa R4,00. February: Nhlavutelo—Ku Chaputa Ka Yona Loku Hlamarisaka Ku Tshinele! hi munyikelo wa R12,00.
◼ Mavandlha lama ha riki na mphakelo wa xiphephana xa Kingdom News No. 34 ma nga ha khutaza vahuweleri leswaku va xi fambisa ku fana ni loko va fambisa swiphephana leswin’wana, ku nga ha va hi yindlu na yindlu kumbe kun’wana. Loko swi pfumeleriwa, vahuweleri va nga ha siya xin’we emutini lowu va nga kumangiki munhu eka wona, va tiyiseka leswaku va xi veka laha xi nga ta ka xi nga voniwi hi vahundzi va ndlela. Tikarhateleni ku hangalasa tikopi hinkwato leti saleke ta rungula leri ra nkoka.
◼ XITSUNDZUXO: Hinkwerhu hi wu langutele hi mahlo-ngati Ntsombano wa Muganga wa “Varhumiwa Va Ku Rhula Ka Xikwembu” lowu nga ta va kona hi December. Xana u ta va kona? Xana u ma endlile malunghiselelo ya ku va kona masiku manharhu hinkwawo? Nan’waka hi ta va ni mintsombano leyitsongo lomu swi faneleke naswona etindhawini tin’wana hi ta va hi tirhisa tindhawu letintshwa. (Vona Xihondzo xo Rindza xa June 1, 1996, malunghana ni tinhla-nkulu ta ntsombano.) Nongonoko lowu, lowu wu nga enkarhini wu ta hi tiyisa eripfumelweni. Hi kombela u tiyiseka leswaku u kuma beji ya wena ya ntsombano ka ha ri ni nkarhi. Muhuweleri un’wana ni un’wana u fanele a yi ambala hi nkarhi wa ntsombano, leswi swi nga ta n’wi kombisa tanihi un’wana wa Timbhoni ta Yehovha. Tibeji a ti nge kumeki emintsombanweni.
◼ Loko mi tsalela Sosayiti malunghana ni xikhokhelo lexi nga fikangiki, hi kombela mi rhumela ni kopi leyi faneleke ya fomo ya Weekly Subscriptions (M-203) ni xiphephana xa xikhokhelo. Leswi swi ta endla leswaku hi nga hlweli ku lulamisa xiphiqo xa kona.