Minhlangano Ya Ntirho Ya November

Vhiki Leri Sungulaka Hi November 4

Risimu 29

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu wa August wa vandlha ra ka n’wina. Khutaza hinkwavo lava nga si tisaka swiviko swa ntirho wa vona wa nsimu leswaku va endla tano handle ko hlwela.

15 min: “Xana U Dyondzisa Rito Ra Xikwembu Hi Ndlela Leyinene?” Swivutiso ni tinhlamulo. Katsa ni tinhlamuselo leti humaka eka “Swivangelo swo kambisisa Bibele,” ebukwini leyi nge Ku Hlamulana, matluka 39-40.

20 min: “Leswi Swi Vula Vutomi Lebyi Nga Heriki.” (Tindzimana 1-5) Endzhaku ka nhlamuselo yo koma yo pfula eka ndzimana 1, vana ni vahuweleri vambirhi lava nga ni vuswikoti va endla nkombiso wa swingheniso leswi nga eka tindzimana 2-5. Kandziyisa pakani yo sungula dyondzo ya Bibele.

Risimu 128 ni xikhongelo xo pfala.

Vhiki Leri Sungulaka Hi November 11

Risimu 40

10 min: Switiviso swa vandlha. Xiviko xa timali.

20 min: Ha Yini U Nyika Yehovha? Bulo exikarhi ka vakulu vambirhi, va kandziyisa tinhla-nkulu ta xihloko lexi nga eka matluka 28-31 ya Xihondzo xo Rindza xa November 1, 1996. Kumbe rungula leri ri nga nyikeriwa hi nkulu tanihi nkulumo.

15 min: “Leswi Swi Vula Vutomi Lebyi Nga Heriki.” (Tindzimana 6-8) Bula hi vuyelo bya ku tirhisa xingheniso lexi kongomeke leswaku ku sunguriwa tidyondzo. Vana ni vahuweleri lava nga ni ntokoto va endla nkombiso wa swingheniso leswi nga eka tindzimana 6-7. Kombela vayingiseri leswaku va hlamusela swikombiso swa lomu dyondzo yi sunguriweke kona eka riendzo ro sungula. Loko wanuna un’wana a byeriwe hi ta dyondzo hi ku kongoma, u te: “Ina. Nghena. Ndza swi rhandza ku va ni dyondzo.” Ku sunguriwe dyondzo na yena, ndyangu wakwe hinkwawo wu ve kona evhikini leri landzeleke, naswona hi ku hatlisa hinkwavo va ve kona eminhlanganweni ni ku hlanganyela entirhweni wo nyikela vumbhoni. Khutaza hinkwavo leswaku va ta ni xiengetelo xa vona xa Vutirheli Bya Hina Bya Mfumo bya June 1996 eNhlanganweni wa Ntirho wa vhiki leri taka.

Risimu 129 ni xikhongelo xo pfala.

Vhiki Leri Sungulaka Hi November 18

Risimu 140

10 min: Switiviso swa vandlha.

15 min: “Hi Nyikiwe Ntirho.” Swivutiso ni tinhlamulo. Hlamusela tindzimana 13-16 hi ku komisa eka Xihondzo xo Rindza xa January 1, 1988, matluka 28-9.

20 min: Ku Fambisa Tidyondzo Ta Bibele Leti Humelelaka. Nkulumo hi mulanguteri wa ntirho. Swi endla kwalomu ka lembe hi ri karhi hi tirhisa buku leyi nge Vutivi entirhweni wa dyondzo ya Bibele. Kumbexana swichudeni swin’wana ana se swi yi hetile, loko swin’wana swi ri exikarhi ka yona. Hi khutaziwa ku nyikela nyingiso eku fambiseni ka tidyondzo leti endleriwaka ku pfuna vanhu lavantshwa leswaku va dyondza ntiyiso hi ku hatlisa, va wu tirhisa evuton’wini bya vona, ni ku va xiphemu xa vandlha. Xiengetelo xa Vutirheli Bya Hina Bya Mfumo bya June 1996 xi nyikele swiringanyeto leswinene swo hi pfuna ku va vadyondzisi lava humelelaka. Hi ku komisa hlamusela swin’wana swa swilo leswi hi nga swi endlaka leswaku hi dyondzisa swichudeni hi ndlela ya vutshila swinene, hilaha swi hlamuseriweke hakona eka tindzimana 3-13 ta xiengetelo xolexo. Endzhaku ka sweswo, yisa nyingiso eka leswi faneleke swi endliwa leswaku swichudeni swi pfuniwa leswaku swi teka goza lerinene, hilaha swi hlamuseriweke hakona eka tindzimana 14-22. Hlaya tindzimana 15, 17, 20-1. Hlamusela swiviko swin’wana leswinene leswi kombisaka ndlela leyi vuyelo lebyinene byi fikeleriweke ha yona hi vahuweleri va kwala vandlheni. Khutaza van’wana leswaku va hlanganyela entirhweni wa dyondzo ya Bibele.

Risimu 85 ni xikhongelo xo pfala.

Vhiki Leri Sungulaka Hi November 25

Risimu 46

5 min: Switiviso swa vandlha.

15 min: “Xana Wa Yi Tlangela New World Translation?” Nkulumo hi nkulu. Khutaza vandlha leswaku ri tirhisa New World Translation of the Christian Greek Scriptures leyi kumekaka hi tindzimi ta laha tikweni. Sosayiti yi tsakela leswaku tikopi hinkwato ta vuhundzuluxeri lebyi ti ya emavokweni ya vanhu ku nga si humesiwa New World Translation leyi nga helela.

10 min: Bokisi Ra Swivutiso. Bula ni vayingiseri.

15 min: Hlamusela Tibuku Leti Nga Ta Fambisiwa Hi December. Fambisani New World Translation ni buku leyi nge Bibele—I Rito Ra Xikwembu Kumbe I Ra Munhu? Loko mi tirhisa matluka 327-31 ya buku leyi nge “Matsalwa Hinkwawo,” kombisani nkoka wa New World Translation. Yi seketela ni ku tlakusa vito ra Xikwembu ra nkoka (tindzimana 1-2), vuhundzuluxeri bya yona lebyi antswisiweke byi endla leswaku matsalwa ma twisiseka swinene (ndzimana 6), i xitirho xa matimba swinene xo xi tirhisa evutirhelini (tindzimana 22-3). Hlamusela u tlhela u endla nkombiso hi xingheniso xo koma, u tirhisa tinhla leti nga eka tluka 189 ra buku leyi nge Bibele—I Rito Ra Xikwembu Kumbe I Ra Munhu? Loko New World Translation yi nga ri kona hi tindzimi tin’wana ta kwala tikweni, vahuweleri va nga fambisa buku leyi nge Bibele—I Rito Ra Xikwembu Kumbe I Ra Munhu? Kwihi na kwihi laha ku kombisiwaka ku tsakela, ku fanele ku endliwa malunghiselelo lama tiyeke ya riendzo ro vuyela.

Risimu 180 ni xikhongelo xo pfala.