Minhlangano Ya Ntirho Ya January

Vhiki Leri Sungulaka Hi January 6

Risimu 6

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu wa October wa kwala vandlheni.

20 min: Ku Nyikela Vumbhoni Hi Mahanyelo Lamanene. Nkulu u bula ni vantshwa vambirhi kumbe vanharhu. Bulo leri ri sekeriwe eka Xihondzo xo Rindza xa August 15, 1987, matluka 10-20. Katsa ni mintokoto leyi kandziyisiweke kun’we ni mintokoto yihi na yihi ya kwalaho leyi kombisaka ndlela leyi vahlaleri va tsakisiweke ha yona hi mahanyelo lamanene ya vantshwa va Vakreste.

15 min: “Ku Faneleka Ni Ku Hlomela Ku Dyondzisa Van’wana.” (Tindzimana 1-6) Endla nhlamuselo yo koma eka tindzimana 1-2, u kandziyisa mhaka ya leswaku hi ku tshembela eka mpfuno wa Yehovha hi nga dyondzisa van’wana hilaha ku humelelaka. Vana ni vahuweleri va mune laha vambirhi va nga ta va vini va miti vambirhi va va vahuweleri, va endla minkombiso ya tindzimana 3-6, havambirhi-mbirhi va kombisa ndlela yo endla riendzo ro sungula ni riendzo ro vuyela.

Risimu 14 ni xikhongelo xo pfala.

Vhiki Leri Sungulaka Hi January 13

Risimu 16

10 min: Switiviso swa vandlha. Xiviko xa timali. Vulavula hi tinhla tin’wana to vulavulela timagazini ta sweswinyana. Nyikela swiringanyeto swa ndlela yo titivisa loko hi tshinelela vanhu leswaku hi ta va nyikela vumbhoni hi xitshuketa. Rhamba vayingiseri va hlamusela leswaku i xingheniso xihi lexi va xi tirhiseke loko va vulavula ni van’wana eswitolo, exitarateni, emintangeni, eka swo famba swa mani na mani ni kun’wana.

20 min: Nkarhi Wa Ku Pfuxeta Khadi Ra Advance Medical Directive/Release. Nkulu u bula hi nkoka wa ku tata khadi hinkwaro ni ku va munhu a tshama a ri na rona minkarhi hinkwayo. Khadi leri ra ku vulavulela loko u nga swi koti ku vulavula hi nkarhi wa khombo. (Ringanisa Swivuriso 22:3.) Khadi lerintshwa ri fanele ri tatiwa lembe rin’wana ni rin’wana leswaku ku nyikeriwa xihlambanyo lexi nga enkarhini xa ku ala ngati, tanihi leswi madokodela ni vanhu van’wana va vuleke leswaku makhadi lama nga ya khale ma nga ha va ma nga kombisi vonelo ra sweswinyana ra munhu wa kona. Endzhaku ka nhlangano, vahuweleri hinkwavo lava khuvuriweke va ta nyikiwa khadi ra Advance Medical Directive/Release, naswona lava nga ni vana lavantsongo lava nga khuvuriwangiki va ta kuma Identity Card ra n’wana un’wana ni un’wana. Va byele leswaku makhadi lawa a ma fanelanga ma tatiwa namuntlha. Ma fanele ma tatiwa hi vukheta ekaya kambe MA NGA sayiniwi. Ku sayiniwa ni ku tsariwa ka timbhoni hambi ku ri ku tsala masiku eka makhadi hinkwawo ku ta endliwa eDyondzweni ya Buku ya Vandlha leyi landzelaka, ehansi ka vulanguteri bya mufambisi wa dyondzo ya buku. U ta tiyiseka leswaku hinkwavo lava nga entlaweni wakwe va ma kumile makhadi ni mpfuno lowu lavekaka. Lava sayinaka tanihi timbhoni va fanele va vona n’wini wa khadi loko a ri sayina. Mani na mani la nga riki kona enkarhini wolowo u ta pfuniwa hi vafambisi/vakulu eNhlanganweni wa Ntirho lowu landzelaka kukondza vahuweleri hinkwavo lava khuvuriweke va kuma makhadi ya vona lama tatiweke ni ku sayiniwa kahle. (Pfuxeta papila ra October 15, 1992.) Hi ku languta leswi nga ekhadini leri hi ku ya hi swiyimo swa vona ni ripfumelo ra vona, vahuweleri lava nga khuvuriwangiki va nga ha lava ku tata ya vona ni ya vana va vona. Ku tirhisa vutlhari eku tsaleni ka vuxokoxoko lebyi bya nkoka swi ta endla leswaku hi katekisiwa hi Yehovha.—Swiv. 16:20.

15 min: “Ku Faneleka Ni Ku Hlomela Ku Dyondzisa Van’wana.” (Tindzimana 7-9) Hlamusela ntokoto wa malunghana ni ku endla maendzo yo vuyela lowu kumekaka eka 1995 Yearbook, tluka 45, u kandziyisa nkoka wa ku landzelela ku tsakela kwihi na kwihi loku kumiweke. Vana ni muhuweleri la nga ni ntokoto a endla nkombiso wa swingheniso leswi nga eka tindzimana 7-8. Hambiloko hi fambise tibuku tin’wana eku sunguleni, eku heteleleni hi fanele hi tikarhatela ku fambisa tidyondzo hi buku leyi nge Vutivi. Khutaza hinkwavo leswaku va endla xiyimiso xo endla maendzo yo vuyela vhiki leri taka.

Risimu 15 ni xikhongelo xo pfala.

Vhiki Leri Sungulaka Hi January 20

Risimu 21

10 min: Switiviso swa vandlha. Marungula Ya Swa Mfumo.

20 min: Lunghiselela Vana Va Wena Lembe Lerintshwa Ra Xikolo. Nkulumo hi nkulu leyi sekeriweke eka broxara leyi nge Dyondzo, matluka 27-30. Pfuna vatswari leswaku va vona nkoka wa ku hlomisela vana va vona leswaku va langutana ni mintlhontlho leyi va nga ta hlangavetana na yona exikolweni. Timhaka leti nga hlamuseriwiki eka broxara leyi nge Dyondzo, to tanihi mintirho ya le ndzhaku ka xikolo, tiholideyi ni minkhuvo kun’we ni tidyondzo ta vukhongeri, ti nga ha lavisisiwa eka broxara leyi nge School ni le tibukwini tin’wana ta Sosayiti. Vatswari ni vana va fanele va fambisana ni misinya ya milawu leyi hlamuseriweke etibukwini leti. Kombisa ndlela leyi swi nga swa nkoka ha yona leswaku vatswari va tolovelana ni vadyondzisi va vana va vona ku nga ri ku vulavula na vona ntsena loko ku ri ni swiphiqo. Va fanele va tlhela va tiyiseka leswaku vadyondzisi va na yona broxara leyi nge Dyondzo. Hi ku ya hi xiviko, vatswari van’wana a va xi voni xilaveko xo kombela leswaku vana va vona va nga katseki eka tidyondzo ta vukhongeri, hambileswi ku nga lunghiselelo leri laviwaka hi nawu. Emhakeni leyi, i swa nkoka leswaku u endzela nhloko ya xikolo hi wexe u n’wi yisela xikombelo lexi tsariweke xa leswaku vana va nga katseki etidyondzweni leti. Vana ni nkombiso wo koma lowu lunghiseleriweke kahle wa mutswari la hlamuselaka timhaka leti khumbaka n’wana wakwe ni mudyondzisi ivi a hetelela hi ku fambisa broxara leyi nge Dyondzo.

15 min: “Vanhu Va Mixaka Hinkwayo Va Ta Ponisiwa.” Swivutiso ni tinhlamulo. Rhamba vayingiseri va hlamusela mintokoto yin’wana hi ku komisa leyi kombisaka ndlela leyi va kumeke n’wangulo lowunene lowu humaka eka vanhu va swiyimo swo hambana-hambana ha yona.

Risimu 23 ni xikhongelo xo pfala.

Vhiki Leri Sungulaka Hi January 27

Risimu 20

5 min: Switiviso swa vandlha. Khutaza hinkwavo leswaku va yisa swiviko swa vona swa ntirho wa nsimu hi ku hatlisa eku heleni ka n’hweti.

10 min: Mulanguteri la ungamelaka kumbe mulanguteri wa ntirho u hlamusela Bokisi Ra Swivutiso. Kandziyisa yinhla ya leswaku muhuweleri un’wana ni un’wana u ni vutihlamuleri bya ku yisa xiviko xakwe hi ku hatlisa eku heleni ka n’hweti yin’wana ni yin’wana.

15 min: “Hi ‘Twarisa Rito.’” Swivutiso ni tinhlamulo. Katsa ni tinhlamuselo tin’wana leti kombisaka mhaka leyi hi tlangelaka ntikelo wa Rito ra Xikwembu ha yona.—Vona Awake! ya March 22, 1984, matluka 9-11.

15 min: Hlamusela Tibuku Leti Nga Ta Fambisiwa Hi February. Kombisa swiyenge leswi tsakisaka swa buku ya kona, swo tanihi: (1) Tinhloko-mhaka leti tsakisaka, (2) swifaniso swa mivala, (3) mabokisi lama dyondzisaka ni tichati, ni (4) swivutiso leswi tlhontlhaka miehleketo leswi gandlisiweke. Ku pfumelelana ni nkulumo leyi hundzeke ya nhlangano lowu, khutaza ku tirhisiwa ka tsalwa leri hlawuriweke kahle loko ku endliwa xingheniso. Endla nkombiso wo koma wa xingheniso xin’we kumbe swimbirhi. Tsundzuxa hinkwavo leswaku va tikumela tibuku leti va nga ta ti fambisa vhiki leri.

Risimu 26 ni xikhongelo xo pfala.