Switiviso

◼ Tibuku leti nga ta fambisiwa hi January: Ku Rhula Ka Ntiyiso Ni Nsirhelelo—U Nga Swi Kuma Njhani? hi munyikelo wa R4,00. February: Nhlavutelo—Ku Chaputa Ka Yona Loku Hlamarisaka Ku Tshinele! hi munyikelo wa R12,00. March: Xihundla Xa Ntsako eNdyangwini hi munyikelo wa R4,00. April na May: Xikhokhelo xa lembe rin’we xa poso xa Xihondzo xo Rindza hi munyikelo wa R41,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R20,50. Swikhokhelo swa ntlawa i R24,00 na R12,00 hi ku hambana ka swona. Tikarhatele ku fambisa timagazini loko xikhokhelo xi ariwa.

◼ Vahuweleri hinkwavo lava khuvuriweke lava nga kona eka Nhlangano wa Ntirho wa vhiki ra January 13 va ta nyikiwa makhadi ya Advance Medical Directive/Release ni Identity Card ya vana va vona.

◼ Ku sukela hi March 2, nkulumo leyintshwa ya le rivaleni ya valanguteri va xifundzha yi ta ku “Dyondzo Yi Tirhisele Ku Dzunisa Yehovha.”

◼ Mavandlha ma fanele ma endla malunghiselelo lama faneleke leswaku ma tlangela Xitsundzuxo xa nan’waka hi Sonto, March 23, endzhaku ka ku pela ka dyambu. Hambiloko nkulumo yo sungula ra ha vona, ku fambisiwa ka swifanekiselo swa Xitsundzuxo ku fanele ku sungula endzhaku ka ku pela ka dyambu ntsena. Langutisisani nkarhi lowu dyambu ri pelaka ha wona endhawini ya ka n’wina. Tanihi leswi ku nga riki na minhlangano yin’wana leyi faneleke yi khomiwa esikwini rolero handle ka wa ntirho wa nsimu, ku fanele ku endliwa mindzulamiso leyi faneleke ya leswaku Dyondzo ya Xihondzo xo Rindza yi khomiwa siku rin’wana. Valanguteri va xifundzha va fanele va lulamisa xiyimiso xa minhlangano ya vona ya vhiki rolero hi ku ya hi swiyimo swa vandlha. Hambileswi ku tsakeriwaka leswaku vandlha rin’wana ni rin’wana ri va ni nkhuvo wa rona roxe wa Xitsundzuxo, leswi a hi minkarhi hinkwayo swi nga ha kotekaka. Laha mavandlha yo tala ma tirhisaka Holo yin’we ya Mfumo, kumbexana vandlha rin’we kumbe yo hlaya ma nga tirhisa tindhawu tin’wana madyambu wolawo. Xitsundzuxo a xi fanelanga xi hlwela ku sungula lerova vanhu lavantshwa lava ha ku tsakelaka va kuma swi va nonon’hwela ku va kona. Naswona nkarhi lowu vekiweke a wu fanelanga wu tshinelelana ngopfu lerova ku pfumaleka ni nkarhi wo xeweta vaendzi emahlweni ni le ndzhaku ka nkhuvo, ni wo endla malunghiselelo yo pfuna lava tsakelaka hilaha ku engetelekeke hi tlhelo ra moya kumbe ku bula hi timhaka leti khutazaka. Endzhaku ka ku xiyisisa timhaka hinkwato hi vukheta, vakulu va fanele ku endla xiboho xa leswaku i malunghiselelo wahi lama nga ta pfuna lava nga ta va kona eXitsundzuxweni leswaku va vuyeriwa hi xitalo eka xiendlakalo lexi.

◼ Nkulumo yo hlawuleka ya le rivaleni ya nguva ya Xitsundzuxo xa 1997 yi ta nyikeriwa hi Sonto, April 6. Phepha ra nkulumo ri ta rhumeriwa. Mavandlha lama nga ta va ma endzeriwe hi mulanguteri wa xifundzha, lama nga ta va ni nhlengeletano ya xifundzha kumbe nhlengeletano yo hlawuleka ya siku rin’we hi mahelo-vhiki wolawo ma ta va ni nkulumo yo hlawuleka evhikini leri tlhandlamaka. A ku na vandlha leri nga ta va ni nkulumo yo hlawuleka emahlweni ka April 6.

◼ Hikwalaho ka nkoka wa xiendlakalo lexi, loko huvo ya vakulu yi nyika xivulavuri nkulumo ya Xitsundzuxo, yi fanele yi hlawula un’wana wa vakulu lava fanelekaka swinene ematshan’wini yo cincana ntsena kumbe ku tirhisa makwerhu un’we ntsena lembe na lembe.

◼ April 5, 1997, ri ta va Siku ra hina ro hlawuleka swinene ra Timagazini. Enkarhini lowu hundzeke vo tala va tiphinile hi ku hlanganyela entirhweni wa Siku ro hlawuleka ra Timagazini. Swi nga va njhani loko wo sungula ku kunguhata sweswi leswaku u ta hlanganyela hi xitalo lembe leri? Mavandlha ma fanele ma endla tiodara to hlawuleka ta timagazini hi ku hatlisa hilaha swi nga kotekaka ha kona.

◼ Xitsundzuxo xa 1998 xi ta va hi Mugqivela, April 11, endzhaku ka ku pela ka dyambu. Xitiviso lexi xa siku ra Xitsundzuxo xa 1998 xi nyikeriwa ka ha ri ni nkarhi leswaku vamakwerhu va ta endla malunghiselelo kumbe swiboho wa ha ri nkarhi leswaku va lomba tiholo leti nga kumekaka laha ku nga ni mavandlha yo hlaya lama tirhisaka Holo yin’we ya Mfumo naswona swi boha leswaku ma kuma yin’wana.

◼ Sosayiti yi humese Bokisi ro Fayila Timagazini leri xavekaka, ra pulasitiki leri sivaka lero sungula. Nxavo wa vandlha, vanhu ni maphayona i R7,50.