Minhlangano Ya Ntirho Ya March

Vhiki Leri Sungulaka Hi March 3

Risimu 53

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va sungula ku rhambela vanhu lava tsakelaka eXitsundzuxweni hi March 23. Kombisa xiphephana xo rhambela vanhu eXitsundzuxweni, kutani u khutaza hinkwavo leswaku va tikumela swona ni ku sungula ku swi hangalasa vhiki leri.

15 min: “Aka Yindlu Ya Wena.” Swivutiso ni tinhlamulo. Katsa ni mintokoto leyi humaka eka 1995 Yearbook, tluka 228.

20 min: “Ku Pfuna Mindyangu Leswaku Yi Va Ni Vumundzuku Lebyi Nga Heriki.” (Tindzimana 1-5) Hlamusela ndzimana 1 hi ku komisa, ivi u hlamusela ndlela leyi ku tsakela ku nga hlakuleriwaka ha yona ebukwini leyi nge Ntsako eNdyangwini hi ku tirhisa tindzima, swifaniso swa mivala ni mabokisi ya mpfuxeto. Vana ni vahuweleri lava nga ni vuswikoti va endla nkombiso hi swingheniso leswi nga eka tindzimana 2-5. Khutaza hinkwavo leswaku va endla matshalatshala lamakulu yo fambisa buku emindyangwini leyi eku sunguleni yi kombiseke ku tsakela.

Risimu 71 ni xikhongelo xo pfala.

Vhiki Leri Sungulaka Hi March 10

Risimu 56

10 min: Switiviso swa vandlha. Xiviko xa timali. Tsundzuxa hinkwavo leswaku va tiyiseka leswaku va landzela ku hlaya ka Bibele ka Xitsundzuxo loku averiweke March 18-23, hilaha swi andlariweke hakona eka Ku Kambisisa Matsalwa Siku Na Siku.

20 min: “Dyondzani Ku Nkhensa.” Swivutiso ni tinhlamulo. Hinkwerhu hi fanele hi tikarhatela ku rhamba swichudeni swa Bibele, vanhu lava tsakelaka, swirho leswi rhandzekaka swa mindyangu ni vamakwerhu va xinuna ni va xisati vahi na vahi lava nga ha hlanganyeliki ni vandlha hi ku hiseka leswaku va va kona eXitsundzuxweni. A ku endliwe nkombiso, muhuweleri a rhambela munhu la tsakelaka eXitsundzuxweni, a tirhisa xirhambo xa Xitsundzuxo. Nyikela tinhlamuselo leti engetelekeke eka Xihondzo xo Rindza xa July 1, 1988, tluka 11, tindzimana 16-17. Khutaza hinkwavo lava nga swi kotaka leswaku va phayona nkarhinyana hi April na May.

15 min: “Ku Pfuna Mindyangu Leswaku Yi Va Ni Vumundzuku Lebyi Nga Heriki.” (Tindzimana 6-8) Nyikela swiringanyeto leswi kombisaka ndlela yo fambisa buku leyi nge Ntsako eNdyangwini loko u ri karhi u nyikela vumbhoni bya xitshuketa entirhweni, exikolweni, endhawini ya vuwiselo kumbe eka swo famba swa mani na mani kun’we ni loko u endzela maxaka. Vana ni muhuweleri la nga ni vuswikoti a endla nkombiso hi swingheniso leswi nga eka tindzimana 6 na 7. Bulo eka riendzo ro vuyela ri fanele ri pfuna munhu leswaku a twisisa ndlela leyi ku dyondza Bibele swi nga tiyisaka vun’we bya ndyangu ha yona. Tidyondzo ti fanele ti fambisiwa hi broxara leyi nge I Yini Leswi Xikwembu Xi Swi Languteleke Eka Hina?, hi xikongomelo xo yi hundzisela ebukwini leyi nge Vutivi, kumbe dyondzo yi nga ha sunguriwa hi ku tirhisa buku leyi nge Vutivi hi yoxe.

Risimu 72 ni xikhongelo xo pfala.

Vhiki Leri Sungulaka Hi March 17

Risimu 63

15 min: Switiviso swa vandlha. Hlamusela “Switsundzuxo Swa Xilalelo,” ivi u andlala malunghiselelo ya kwala vandlheni ya Xitsundzuxo. Hinkwerhu hi fanele hi endla makungu yo hetelela yo pfuna swichudeni swa Bibele ni vanhu lava tsakelaka leswaku va va kona. Tivisa vandlha hi malunghiselelo ya ntirho wa nsimu hi siku ra holideyi ya March 21.

15 min: Nkulumo hi nkulu leyi sekeriweke eka xihloko lexi nge “Xana Swa Fanela Leswaku U Kombela Ku Rivaleriwa Ke?” lexi humaka eka Xihondzo xo Rindza xa September 15, 1996, matluka 22-4.

15 min: Yi Tirhise Kahle 1997 Yearbook of Jehovah’s Witnesses. Tatana u pfuxeta tinhla-nkulu leti nga eka matluka 3-9 ni ndyangu wakwe. U kombisa mhaka leyi ha yona hi tsakaka loko hi vona nhluvuko wa le tilweni emisaveni hinkwayo. Tatana u hlamusela ndlela leyi ha yona, elembeni leri, va nga hetaka timinete ti nga ri tingani siku na siku hi nkarhi wa swakudya leswaku va hlaya Yearbook kun’we ni ku kambisisa ndzimana ya siku. Loko 1997 Yearbook mi nga si yi kuma, bulani hi swilaveko swa vandlha.

Risimu 75 ni xikhongelo xo pfala.

Vhiki Leri Sungulaka Hi March 24

Risimu 67

9 min: Switiviso swa vandlha. Hlamusela leswaku nkarhi wa ku endla xikombelo xa vuphayona bya nkarhinyana hi April wa ha ri kona. Andlala malunghiselelo lama engetelekeke lama nga eku endliweni evandlheni ya minhlangano ya ntirho wa nsimu en’hwetini yoleyo.

24 min: “Vana Ni Xivindzi Xo Endla Maendzo Yo Vuyela.” (Tindzimana 1-20) Swivutiso ni tinhlamulo. Endla nkombiso wa ndzimana 16 hi ku komisa.

12 min: Ku Pfuna Muhuweleri Lontshwa Leswaku A Sungula Vutirheli. Hlamusela ndzimana 19 eka xiengetelo xa Vutirheli Bya Hina Bya Mfumo bya June 1996. Endla nkombiso wa ndlela leyi muhuweleri la nga ni vuswikoti a lunghiselelaka xichudeni xa Bibele lexa ha ku pfumeleriwaka hi vakulu leswaku xi va muhuweleri la nga khuvuriwangiki. Va pfuxeta swin’we buku leyi nge Vutirheli Bya Hina, tluka 111, ndzimana 2. Muhuweleri la nga ni ntokoto u kombisa leswi hi ntolovelo ku hlanganiwaka na swona eku nyikeleni ka vumbhoni hi yindlu na yindlu ni leswaku ku hava xivangelo xo hela matimba loko vanhu vo tala va nga anguli hi ndlela leyinene. Muhuweleri u hlamusela ntokoto lowu khutazaka lowu kombisaka ntsako lowu vaka kona loko hi kuma munhu la tiyimiseleke ku yingisela. Va ri vambirhi va lunghiselela xingheniso xo koma, xo olova xo fambisa timagazini ivi va titoloveta xona. Ku nyikeriwa xibumabumelo lexi khutazaka naswona ku endliwa malunghiselelo lama tiyeke yo hlanganyela swin’we entirhweni wa nsimu vhiki leri.

Risimu 89 ni xikhongelo xo pfala.

Vhiki Leri Sungulaka Hi March 31

Risimu 70

15 min: Switiviso swa vandlha. Rhamba vanhu hinkwavo lava tsakelaka leswaku va va kona eka nkulumo yo hlawuleka ya le rivaleni hi April 6. Tsundzuxa hinkwavo leswaku va yisa swiviko swa vona swa ntirho wa nsimu swa March. Tivisa mavito ya hinkwavo lava phayonaka nkarhinyana hi April. Hlamusela Bokisi Ra Swivutiso.

20 min: “Vana Ni Xivindzi Xo Endla Maendzo Yo Vuyela.” (Tindzimana 21-35) Swivutiso ni tinhlamulo. Hlamusela bokisi leri nga eka tluka 3. Khutaza hinkwavo leswaku va vika maendzo yo vuyela hinkwawo lama va ma endleke n’hweti yoleyo loko va vika ntirho wa nsimu wa n’hweti.

10 min: Hlamusela Tibuku Leti Nga Ta Fambisiwa Hi April. Fambisani xikhokhelo xa Xihondzo xo Rindza kumbe mi fambisa broxara leyi nge I Yini Leswi Xikwembu Xi Swi Languteleke Eka Hina? Hlamusela swiringanyeto hi ku komisa malunghana ni ndlela yo lunghiselela swingheniso leswi kumekaka eka tindzimana 3, 4 na 8 eka tluka 12 ra Vutirheli Bya Hina Bya Mfumo bya October 1996. Vana ni vahuweleri vambirhi va endla nkombiso wun’we kumbe mimbirhi ya swingheniso swo koma u tlhela u va ni nkombiso wun’we wa ku fambisiwa ka timagazini endzhaku ka loko xikhokhelo xi ariwile. Vahuweleri va fanele va hlayisa mavito ya lava tekeke timagazini ivi va ma nghenisa eka ntila wa vona wa timagazini.

Risimu 92 ni xikhongelo xo pfala.