Switiviso
◼ Tibuku leti nga ta fambisiwa hi March: Xihundla Xa Ntsako eNdyangwini hi munyikelo wa R4,00. April na May: Xikhokhelo xa lembe rin’we xa poso xa Xihondzo xo Rindza hi munyikelo wa R41,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R20,50. Swikhokhelo swa ntlawa i R24,00 na R12,00 hi ku hambana ka swona. Tikarhatele ku fambisa timagazini loko xikhokhelo xi ariwa. Entirhweni wa nsimu wa le xikarhi ka vhiki ni le nsin’wini leyi tirhiwaka nkarhi na nkarhi, ku nga ha tirhisiwa ni broxara leyintshwa leyi nge, I Yini Leswi Xikwembu Xi Swi Languteleke Eka Hina? June: Vutivi Lebyi Yisaka eVuton’wini Lebyi Nga Heriki hi munyikelo wa R4,00. Vana ni xikongomelo xo sungula tidyondzo ta le kaya ta Bibele.
◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi March 1 kumbe hi ku hatlisa endzhaku ka kwalaho. Tivisa vandlha loko leswi se swi endliwile.
◼ Matsalana ni mulanguteri wa ntirho va fanele va pfuxeta ntirho wa maphayona hinkwawo ya nkarhi hinkwawo. Loko ku ri ni lava nonon’hweriwaka eku fikeleleni ka xilaveko xa tiawara, vakulu va fanele va endla malunghiselelo ya ku va pfuna. Leswaku mi kuma swiringanyeto, pfuxetani mapapila ya Sosayiti (S-201) ya October 1, 1993, na October 1, 1992. Nakambe langutani ni tindzimana 12-20 ta xiengetelo xa Vutirheli Bya Hina Bya Mfumo bya August 1986.
◼ Huvo ya vakulu yi fanele yi xalamukela mindzulamiso leyi landzelaka loko vandlha ri va ni tinhlengeletano: Loko ku va ni nongonoko wa nhlengeletano yo hlawuleka ya siku rin’we, vandlha ri fanele ri va ni minhlangano hinkwayo ya ntolovelo exikarhi ka vhiki, handle ka Nhlangano wa le Rivaleni ni Dyondzo ya Xihondzo xo Rindza. Loko ku va ni nhlengeletano ya xifundzha, vandlha a ri nge vi na xona Xikolo xa Vutirheli bya le Tilweni ni Nhlangano wa Ntirho; i Dyondzo ya Buku ya Vandlha ntsena leyi nga ta va kona evhikini rolero.
◼ Nkulumo yo hlawuleka ya le rivaleni ya nguva ya Xitsundzuxo xa nan’waka yi ta nyikeriwa emavandlheni yo tala hi Sonto, April 6. Nhloko-mhaka ya nkulumo yi ri “Tshamani Mi Tengile Mi Nga Ri Na Swilo Leswi Nyamisaka Swa Misava.” Hinkwerhu hi fanele ku va kona, naswona hi fanele hi pfuna vanhu lava tsakelaka lava a va ri kona eXitsundzuxweni leswaku va ta yingisela nkulumo leyi. Leswi hi nga ta swi twa entiyisweni swi ta hi pfuna ku pfuxeta ku tiyimisela ka hina ku tsakisa Xikwembu.
◼ Leswaku vanhu hinkwavo va vuyeriwa hi tidyondzo ta vandlha leti nga ebukwini leyi nge Nghwazi, hi kombela mi kambisisa swiletelo leswinene leswi nga eka tluka 1 ra Vutirheli Bya Hina Bya Mfumo bya September 1992. Xihloko lexi xi hlamusela ndlela yo lunghiselela dyondzo yin’wana ni yin’wana naswona xiyimo xa Dyondzo ya Buku ya Vandlha xi ta landzela. Vafambisi va dyondzo ni hinkwavo lava nga kona va ta vuyeriwa hi ku pfuxeta rungula leri.
◼ Etikweni rin’wana ni rin’wana, eminkarhini yo hambana-hambana elembeni, ku ni tiholideyi ta misava leti vana va wisaka exikolweni ha tona ni leti endlaka leswaku mintirho yi pfala. Leswi swi endla leswaku vandlha ri kuma minkarhi leyinene yo engetela ku hlanganyela ka rona evutirhelini bya nsimu. Vakulu va fanele va languta ka ha ri ni nkarhi leswaku tiholideyi leti ti ta va rini ivi va tsundzuxa vandlha ka ha ri ni nkarhi malunghana ni malunghiselelo lama nga eku endliweni yo pfuna ntlawa leswaku wu nyikela vumbhoni hi nkarhi wa tiholideyi.
◼ Tibuku Letintshwa Leti Kumekaka:
I Yini Leswi Xikwembu Xi Swi Languteleke Eka Hina? (vandlha ni vanhu: R1,20; maphayona: R0,80) —Xibunu, Chichewa, Xichayina, Xicroatia, Xidachi, Xifurwa, Xigriki, Xijarimani, Xinghezi, Xintariyana, Xipolixi, Xipedi, Xiputukezi, Xirhaxiya, Xiserbia, Xishona, Xisuthu, Xitsonga, Xitswana, Xivhenda, Xixhosa, Xizulu
◼ Tikhasete Letintshwa Ta Vhidiyo Leti Kumekaka:
Vutivi Lebyi Yisaka eVuton’wini Lebyi Nga Heriki (Tivholumo 4-6; vandlha ni vanhu: R52,00; maphayona: R45,00) —American Sign Language
◼ Tibuku Letintshwa Ta Braille Leti Kumekaka:
Xihundla Xa Ntsako eNdyangwini (tivholumo timbirhi; vandlha, vanhu ni maphayona: R9,00) —Grade-two English
I Yini Leswi Xikwembu Xi Swi Languteleke Eka Hina? (vholumo yin’we; vandlha, vanhu ni maphayona: R3,00) —Grade-two English