Switsundzuxo Swa Xilalelo

Xitsundzuxo xi ta tlangeriwa hi Sonto, March 23. Vakulu va fanele va yisa nyingiso eka timhaka leti landzelaka:

◼ Loko mi veka nkarhi wa nhlangano, tiyisekani leswaku swifanekiselo a swi fambisiwi dyambu ri nga si pela.

◼ Hinkwavo, ku katsa ni xivulavuri, va fanele va tivisiwa nkarhi lowu kongomeke wa nkulumo ni ndhawu leyi yi nga ta nyikeriwa eka yona.

◼ Xinkwa ni vhinyo leyi faneleke swi fanele swi kumiwa leswaku swi tshama swi lunghile.—Vona Xihondzo xo Rindza xa February 1, 1985, tluka 29.

◼ Swibye, tinghilazi ni tafula leri faneleke ni lapi ra tafula swi fanele swi tisiwa eholweni ivi swi vekiwa endhawini leyi faneleke ka ha ri ni nkarhi.

◼ Holo ya Mfumo kumbe ndhawu yin’wana ya minhlangano yi fanele yi basisiwa swinene ka ha ri emahlweni.

◼ Varindzi ni vafambisi va swifanekiselo va fanele va hlawuriwa ni ku leteriwa ka ha ri nkarhi mayelana ni endlelo leri faneleke ni mintirho ya vona.

◼ Ku fanele ku endliwa malunghiselelo yo phamela mutotiwa wihi na wihi loyi a vabyaka naswona loyi a nga swi kotiki ku ta eholweni.

◼ Loko ku lunghiseleriwe nkhuvo wo tlula wun’we eHolweni yin’we ya Mfumo, ku fanele ku va na ntirhisano lowunene exikarhi ka mavandlha leswaku ku papalatiwa ntlimbano etinyangweni, endleleni yo nghena, endleleni ya mani na mani ni laha ku pakiwaka kona timovha.