Minhlangano Ya Ntirho Ya May
Vhiki Leri Sungulaka Hi May 5
Risimu 130
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Vika nhlayo ya lava hlanganyeleke entirhweni wa vuphayona bya nkarhinyana hi March na April, kun’we ni vuyelo lebyinene lebyi veke kona. Tivisa vandlha hi nhlayo ya lava tsariseleke vuphayona bya nkarhinyana hi May ivi u khutaza hinkwavo leswaku va va seketela entirhweni wa le nsin’wini.
12 min: “Hambeta U Landzela Yesu.” Swivutiso ni tinhlamulo. Katsa ni mintokoto leyi nga eka Xihondzo xo Rindza xa June 1, 1993, tluka 12.
23 min: “Khathalela Swinene Vanhu Hinkwavo Lava Kombiseke Ku Tsakela.” Bula ni vayingiseri. Kandziyisa xilaveko xa ku landzela ku tsakela hinkwako. Ringanyeta tindlela tin’wana ta vutlhari ta ku kombela adirese ya le kaya ya lava ku hlanganiweke na vona etindhawini ta mani na mani leswaku hi ta ya emahlweni hi nyikela vumbhoni eka vona. Vana ni vahuweleri lava nga ni vuswikoti va endla nkombiso wa swingheniso swimbirhi leswi ringanyetiweke eka tindzimana 6-9. Hlamusela bokisi leri nge, “Ndlela Yo Humelela Eku Endleni Ka Maendzo Yo Vuyela,” eka tluka 3 ra xiengetelo xa Vutirheli Bya Hina Bya Mfumo bya March 1997. Khutaza hinkwavo leswaku va tivekela nkarhi wo endla maendzo yo vuyela vhiki na vhiki.
Risimu 151 ni xikhongelo xo pfala.
Vhiki Leri Sungulaka Hi May 12
Risimu 133
10 min: Switiviso swa vandlha. Xiviko xa timali.
15 min: Bokisi Ra Swivutiso. Nkulumo hi nkulu.
20 min: “Hikwalaho Ka Yini Hi Fanele Ku Hambeta Hi Tlhelela?” Swivutiso ni tinhlamulo. Katsa ni tinhla leti nga ebokisini eka tluka 570 ra buku leyi nge Vahuweleri.
Risimu 162 ni xikhongelo xo pfala.
Vhiki Leri Sungulaka Hi May 19
Risimu 139
7 min: Switiviso swa vandlha.
20 min: “Ku Fambisa Tidyondzo Ta Le Kaya Ta Bibele Leti Endlaka Nhluvuko.” Makwerhu la nga ni vuswikoti u bula hi xihloko lexi ni muhuweleri un’we kumbe vambirhi lava humelelaka eku fambiseni ka tidyondzo. Loko va tirhisa swiphemu swa buku leyi nge Vutivi tanihi swikombiso, va hlamusela madyondzelo lamanene lama va pfunaka ku endla leswaku dyondzo yi ya emahlweni hi ndlela leyinene ni leyi va pfunaka ku vona loko hakunene xichudeni xi swi twisisa leswi xi swi dyondzaka.—Vona xiengetelo xa Vutirheli Bya Hina Bya Mfumo bya June 1996, tindzimana 5, 8, 12 na 21.
18 min: Swilaveko swa vandlha. Nkulumo hi nkulu kumbe ku burisana ka vakulu vambirhi, hi xilaveko xa vandlha xa moya. Bulani hi xihloko lexi nge “Nhlangano Wa Valanguteri Va Muganga,” mi kombisa ndlela leyi swiyenge swinharhu leswi lavaka nyingiso swi nga tirhisiwaka ha yona evandlheni ra n’wina. Nyika xikhutazo xa Matsalwa ni swiringanyeto leswi twisisekaka swa ku antswisa.
Risimu 165 ni xikhongelo xo pfala.
Vhiki Leri Sungulaka Hi May 26
Risimu 148
10 min: Switiviso swa vandlha. Tsundzuxa vahuweleri leswaku va vika ntirho wa vona wa May hi ku hatlisa.
15 min: Hlamusela Tibuku Leti Nga Ta Fambisiwa Hi June. Loko u tirhisa buku leyi nge Vutivi, hlamusela ndlela leyi tinhla leti nga eka tindzimana 17-19 eka matluka 10-11 ti nga tirhisiwaka ha yona leswaku ku lunghiseleriwa xingheniso xo koma. Khutaza hinkwavo leswaku va yisa nyingiso eku sunguleni ka tidyondzo. Kandziyisa xilaveko xo pfuna lava tsakelaka leswaku va endla nhluvuko hi ku hatlisa.—Vona Xihondzo xo Rindza xa January 15, 1996, matluka 13-14.
20 min: Nkulumo hi nkulu, leyi nga ni xihloko lexi nge “Hlayisa Ntshembo Wa Wena Wu Tiyile Ku Ya Fika eMakumu,” lexi humaka eka Xihondzo xo Rindza xa May 1, 1996, matluka 21-4.
Risimu 174 ni xikhongelo xo pfala.