Mpfuxeto Wa Xikolo Xa Vutirheli Bya Le Tilweni

Handle ko pfula tibuku ku endliwa mpfuxeto wa mhaka leyi hlanganisiweke eswiavelweni swa Xikolo Xa Vutirheli bya le Tilweni swa mavhiki ya September 1 ku ya eka December 22, 1997. Tirhisa phepha rin’wana leswaku u tsala tinhlamulo ta swivutiso swo tala hilaha u nga kotaka hakona hi nkarhi lowu u nyikiweke wona.

[Tsundzuka: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xihi na xihi. Swikombo leswi landzelaka swivutiso i swa ku pfuna wena loko u endla ndzavisiso. Tinomboro ta matluka ni tindzimana swi nga ha endleka swi nga humeleli eka swikombo swin’wana swa Xihondzo xo Rindza.]

Hlamula yin’wana ni yin’wana ya tinhlamuselo leti landzelaka u ku I Ntiyiso kumbe I Mavunwa:

1. Vubihi a byi nga ta va kona loko Xikwembu a xi nga nyikanga swivumbiwa leswi tlhariheke ntshunxeko wa ku tihlawulela. [1, rs-TS tl. 324 ndz. 2]

2. Eka Luka 22:​30, “tinyimba ta Israele leta 12” ti ni nkoka lowu fanaka eka Matewu 19:​28, laha mongo wa kona wu hundza ni le ka vaprista-tsongo va Yesu lava tswariweke hi moya leswaku wu katsa ni vanhu van’wana hinkwavo. [5, Ku hlaya ka Bibele ka vhiki na vhiki; vona w87-TS 3/1 tl. 27 ndz. 10; tl. 28 ndz. 12.]

3. Lexi endleke leswaku vadyondzisiwa va Yesu va hlamala loko a vulavula ni wansati wa Musamariya hileswi a ri ni ndhuma ya ku tikhoma loko biha. (Yohane 4:​27) [8, Ku hlaya ka Bibele ka vhiki na vhiki; vona w95-TS 7/15 tl. 15 tindz. 1-⁠2.]

4. Marito lama nge “ú swi tivile ni le ku sunguleni,” eka Yohane 6:​64 ma kombisa leswaku Yesu u swi tive hi nkarhi wa ku hlawuriwa ka Yudasi tanihi muapostola leswaku u ta N’wi xenga. [9, Ku hlaya ka Bibele ka vhiki na vhiki; vona it-⁠2 tl. 129 tindz. 4-⁠6; rs-TS tl. 77 ndz. 2, 3.]

5. Mpfumelelo wa Sosayiti wa 1884 a wu ri wa leswaku yi va nhlengeletano ya ku kandziyisa ntsena. [17, jv-TS tl. 576 ndz. 1]

6. Eksoda 21:​22, 23 yi hi pfuna ku vona leswaku Xikwembu xi languta n’wana la nga siki velekiwaka tanihi vutomi bya risima. [17, kl-TS tl. 128 ndz. 21]

7. “Nkhuvo wa Vayuda” lowu boxiweke eka Yohane 5:⁠1 i Paseka ya 31 C.E. [7, si-TS tl. 194 ndz. 8]

8. Ku hangalasa rungula ra Mfumo hi ku tirhisa xiya-ni-moya na thelevhixini swi tlula maendlelo wahi na wahi lama hi nga ma tirhisaka. [14, jv-TS tl. 572 ndz. 3]

9. Petro wo Sungula 3:​3, 4 a yi ku siveli ku tirhisiwa ka swin’wetsin’wetsi ni switolwa hi ku ringanisela ku fana ni leswi yi nga siveriki ku ambala swiambalo. [7, rs-TS tl. 317 ndz. 1]

10. Hambiloko valawuri va tiko va langutiwa va lulamile kumbe va nga lulamanga, Vakreste va ntiyiso va fanele va tsarisa vukati bya vona hi mfanelo eka vona. [12, kl-TS tl. 122 ndz. 11]

Hlamula swivutiso leswi landzelaka:

11. Ku pfumelelana ni Vakreste va le Efesa va lembe-xidzana ro sungula, hi rihi goza rin’wana ra nkoka leri faneleke ku tekiwa leswaku ku papalatiwa mimoya leyo biha? (Mintirho 19:​19) [5, kl-TS tl. 114 ndz. 14]

12. Xana tintsumi tin’wana esikwini ra Nowa ti dyohe hi ndlela yihi? [1, kl-TS tl. 109 ndz. 4]

13. Ha yini Yesu a arile ku ahlula mholovo ya ndzhaka? (Luka 12:​13, 14) [1, Ku hlaya ka Bibele ka vhiki na vhiki; vona w97-TS 4/1 tl. 28.]

14. I yini lexi vadyondzisiwa a va nga xi tivi loko va vutise Yesu loko a ta kondletela Mfumo wa Israyele, hilaha swi tsariweke hakona eka Mintirho 1:6? [16, Ku hlaya ka Bibele ka vhiki na vhiki; vona w90-TS 6/1 tl. 11 ndz. 4.]

15. Ha yini Adolf Hitler a tsandzekile ku hetisisa nxungeto wakwe wo herisa vanhu va Yehovha? [10, jv-TS tl. 553 tindz. 2-⁠4]

16. Ha yini wansati wa Mukreste a ambala swo funengela nhloko minkarhi yin’wana? [6, rs-TS tl. 315 ndz. 3]

17. Ha yini New World Translation yi vula leswaku “Rito a xi ri xikwembu” ku nga ri leswaku “rito a ri ri Xikwembu,” hilaha vuhundzuluxeri byin’wana byi vulaka hakona eka Yohane 1:⁠1? [7, Ku hlaya ka Bibele ka vhiki na vhiki; vona rs-TS tl. 431 ndz. 1.]

18. Hi ku ya hi buku ya Nhlavutelo, xana “vangoma” va ta helela kwihi loko va nga hundzuki ni ku cinca tindlela ta vona? [2, kl-TS tl. 111 ndz. 8]

19. Tanihi leswi Yesu a ri munhu la hetisekeke naswona a pfumeleke xikhundla xakwe tanihi Mudyondzisi, ha yini a nga pfumelanga ku vitaniwa “Mudyondzisi lonene”? (Luka 18:​18, 19) [3, Ku hlaya ka Bibele ka vhiki na vhiki; vona w95-TS 3/1 tl. 15 ndz. 7.]

20. I yini lexi a xi ri xintshwa malunghana ni nawu lowu nga eka Yohane 13:​34? [12, Ku hlaya ka Bibele ka vhiki na vhiki; vona w90-TS 2/1 tl. 21 tindz. 5-⁠6.]

Tsala (ma)rito kumbe xiga lexi lavekaka ku hetisisa tinhlamuselo leti landzelaka:

21. Ku siviwa ka Yudasi Iskariyota ku hlawuriwe hi Yehovha endzhaku ka loko vadyondzisiwa va Yesu va endle xikhongelo naswona va hoxe vuhlolotwana eka ․․․․․․․․ na ․․․․․․․․. (Mintirho 1:​24-26) [16, vona w90-TS 6/1 tl. 11 ndz. 6.]

22. ‘Timpondho ta khume’ ti yimela ․․․․․․․․ leswi vadyondzisiwa lava tswariweke hi moya va nga swi tirhisaka ku engetela ․․․․․․․․ va Mfumo wa le tilweni. (Luka 19:​13) [4, Ku hlaya ka Bibele ka vhiki na vhiki; vona w89-TS 10/1 tl. 8.]

23. Swihehlo swinharhu leswi Vayuda va hehleke Yesu eka Pilato ha swona, ku nga mufumi wa Murhoma wa Vayuda, a swi katsa ku pfilunganya ․․․․․․․․, ku sivela ku hakeriwa ka ․․․․․․․․, ni ku vula leswaku Yena a a ri ․․․․․․․․. (Luka 23:⁠2) [6, Ku hlaya ka Bibele ka vhiki na vhiki; vona w90-TS 12/1 tl. 9 ndz. 1.]

24. Vakreste va ntiyiso a va yi tlangeli Khisimusi kumbe holideyi yihi na yihi leyi sekeriweke eka vukhongeri bya mavunwa hikuva va nyika Yehovha ․․․․․․․․; nakambe a va ti tlangeli tiholideyi leti ․․․․․․․․ vanhu lava nga ni vudyoho kumbe matiko. [14, kl-TS tl. 126 ndz. 16]

25. Buku ya Mintirho yi tsale hi ․․․․․․․․ loko a ri ․․․․․․․․. [16, si-TS tl. 199 ndz. 3]

Hlawula nhlamulo leyi nga yona eka yin’wana ni yin’wana ya tinhlamuselo leti landzelaka:

26. Hi 1992, se a ku ri na ku tlula (2,500; 4,500; 6,500) wa swichudeni leswi humaka ematikweni yo ringana (40; 80; 110) leswi leteriweke eGilead naswona endzhaku ka sweswo swi tirhe ematikweni yo tlula (100; 150; 200) ni le swihlaleni. [jv-TS tl. 524 ndz. 1]

27. Hi (1877; 1879; 1881) Charles T. Russell u humese xibukwana lexi nge The Object and Manner of Our Lord’s Return, naswona hi (1877; 1879; 1881), u sungule ku kandziyisa Zion’s Watch Tower and Herald of Christ’s Presence. [jv-TS tl. 557 ndz. 1]

28. Vutomi bya hina bya ku chava Xikwembu byi tiyisekisa leswaku (nkarhi hinkwawo hi ta khomiwa hi ndlela leyinene hi vanhu van’wana; hi ta tiphina hi ndzalo ya swilo leswi vonakaka sweswi; hi ta amukeriwa hi Xikwembu hikwalaho ka leswi hi endlaka leswinene). [kl-TS tl. 118 ndz. 2]

29. Loko Yesu a vutise muapostola Petro a ku, “Xana wa ndzi rhandza ku tlula leswi hinkwaswo ke?,” A a vutisa Petro loko a N’wi rhandza ku tlula (ndlela leyi a rhandzaka vadyondzisiwa lavan’wana ha yona; ndlela leyi vadyondzisiwa lavan’wana a va rhandza Yesu ha yona; ndlela leyi a rhandzaka swilo leswi, swo tanihi tinhlampfi). (Yohane 21:​15) [Ku hlaya ka Bibele ka vhiki na vhiki; vona w88-TS 11/1 tl. 31 ndz. 9.]

30. Hakanyingi, lava rhangeleke eku hangalaseni ka mahungu lamanene a ku ri (vanhu lava fuweke; vanhu lava xiyiwaka hi misava; vanhu lava tolovelekeke). [jv-TS tl. 548 ndz. 3]

Twananisa matsalwa lama landzelaka ni tinhlamuselo leti xaxametiweke laha hansi: Mt. 5:​14-​16; Swiv. 3:​9, 10; Lk. 9:​60, 62; 13:​4, 5; Yuw. 2:​28, 29

31. Yesu u lwisane ni mianakanyo ya dyondzo ya ku kunguhateriwa, loko a vulavula hi khombo leri vayingiseri vakwe a va ri tiva kahle leri entiyisweni a ri vuleke nkarhi lowu nga rindzeriwangiki ni khombo. [Ku hlaya ka Bibele ka vhiki na vhiki; vona w96-TS 9/1 tl. 5 ndz. 5.]

32. Vavasati va nga ha va vachumayeri, vatwarisi, vatirheli va mahungu lamanene ehandle ka minhlangano ya vandlha. [rs-TS tl. 315 ndz. 2]

33. Swi lava ku tinyiketela hi mbilu hinkwayo leswaku hi nghena eMfun’weni. [si-TS tl. 192 ndz. 32]

34. Yehovha u ta hi katekisa loko hi tirhisa nkarhi wa hina, matimba ni swilo swin’wana, ku katsa ni timali ta hina, leswaku hi yisa vugandzeri bya ntiyiso emahlweni. [kl-TS tl. 120 ndz. 8]

35. Lava nga Vakreste va fanele va va timbhoni leti hisekaka emisaveni malunghana ni vito ra Xikwembu ni swikongomelo swa xona. [rs-TS tl. 154 ndz. 5]