Switiviso

◼ Tibuku leti nga ta fambisiwa hi January: Nghwazi Leyi Tshameke Yi Hanya hi munyikelo wa R12,00, kumbe Ku Lavisisa Ka Vanhu Xikwembu hi munyikelo wa R6,00. February: Nhlavutelo—Ku Chaputa Ka Yona Loku Hlamarisaka Ku Tshinele! hi munyikelo wa R12,00. March: Vutivi Lebyi Yisaka eVuton’wini Lebyi Nga Heriki hi munyikelo wa R4,00. Tikarhateleni ku sungula tidyondzo ta le kaya ta Bibele. April: Xikhokhelo xa lembe rin’we xa Xihondzo xo Rindza xa poso hi munyikelo wa R48,00 xa minkandziyiso leyi humaka kambirhi hi n’hweti. Xikhokhelo xa lembe rin’we xa minkandziyiso leyi humaka kan’we hi n’hweti kumbe xikhokhelo xa tin’hweti ta tsevu xa minkandziyiso leyi humaka kambirhi hi n’hweti i R24,00. Swikhokhelo swa ntlawa i R24,00 ni R12,00 hi ku hambana ka swona. Tikarhatele ku fambisa tikopi ta timagazini loko xona xi ariwa.

◼ Vahuweleri hinkwavo lava khuvuriweke lava nga kona eka Nhlangano wa Ntirho wa vhiki ra January 19 va ta nyikiwa makhadi ya Advance Medical Directive/Release ni Identity Card ya vana va vona.

◼ Ku sukela hi February, nkulumo leyintshwa ya le rivaleni ya mulanguteri wa xifundzha hi leyi nge “Xana U Languta Vutomi Hi Ndlela Leyi Xikwembu Xi Byi Langutaka Ha Yona?,” ku nga hundzi March 1 yi nga si sungula ku nyikeriwa.

◼ Mavandlha ma fanele ma endla malunghiselelo lama faneleke leswaku ma tlangela Xitsundzuxo xa nan’waka hi Mugqivela, April 11, endzhaku ka ku pela ka dyambu. Hambiloko nkulumo yo sungula ra ha vona, ku fambisiwa ka swifanekiselo swa Xitsundzuxo ku fanele ku sungula endzhaku ka ku pela ka dyambu ntsena. Xiyisisani nkarhi lowu dyambu ri pelaka ha wona endhawini ya ka n’wina. Hambileswi ku tsakeriwaka leswaku vandlha rin’wana ni rin’wana ri va ni nkhuvo wa rona roxe wa Xitsundzuxo, leswi a hi minkarhi hinkwayo swi kotekaka. Laha mavandlha yo tala ma tirhisaka Holo yin’we ya Mfumo, kumbexana vandlha rin’we kumbe yo hlaya ma nga ha tirhisa tindhawu tin’wana madyambu wolawo. Xitsundzuxo a xi fanelanga xi hlwela ku sungula lerova vanhu lava ha ku tsakelaka va kuma swi va nonon’hwela ku va kona. Naswona nkarhi lowu vekiweke a wu fanelanga wu tshinelelana ngopfu lerova ku pfumaleka ni nkarhi wo xeweta vaendzi emahlweni ni le ndzhaku ka nkhuvo, ni nkarhi wo endla malunghiselelo yo hambeta ku pfuniwa lava tsakelaka hi tlhelo ra moya kumbe ku bula hi timhaka leti khutazaka. Endzhaku ka ku xiyisisa timhaka hinkwato hi vukheta, vakulu va fanele va endla xiboho xa leswaku i malunghiselelo wahi lama nga ta pfuna lava nga ta va kona eXitsundzuxweni leswaku va vuyeriwa hi xitalo eka xiendlakalo lexi.

◼ Nkulumo yo hlawuleka ya le rivaleni ya nguva ya Xitsundzuxo xa 1998 yi ta nyikeriwa hi Sonto, March 29. Phepha ra nkulumo ri ta rhumeriwa. Mavandlha lama nga ta va ma endzeriwe hi mulanguteri wa xifundzha, lama nga ta va ni nhlengeletano ya xifundzha kumbe nhlengeletano yo hlawuleka ya siku rin’we hi mahelo-vhiki wolawo ma ta va ni nkulumo yo hlawuleka evhikini leri tlhandlamaka. Ku hava vandlha leri nga ta va ni nkulumo yo hlawuleka emahlweni ka March 29, 1998.

◼ Ku sukela hi vhiki ra May 4, 1998, ku ya fika eka vhiki ra September 14, 1998, buku leyi nge Bibele—I Rito Ra Xikwembu Kumbe I Ra Munhu? yi ta dyondziwa eDyondzweni ya Buku ya Vandlha.

◼ HI KOMBELA MI XIYA: Nxavo wa tsalwa ra lembe ra 1998 wu ta va R16,00 rin’we. Hi kombela mi lulamisa Cost List ya n’wina.

◼ April 4, 1998 ri ta va Siku ra hina ro hlawuleka ra Timagazini. Enkarhini lowu nga hundza vo tala va tiphinile hi ku hlanganyela entirhweni wa Siku ro hlawuleka ra Timagazini. Swi nga va njhani loko wo sungula ku kunguhata sweswi leswaku u ta hlanganyela hi xitalo lembe leri? Mavandlha ma fanele ma endla tiodara to hlawuleka ta timagazini hi ku hatlisa hilaha swi nga kotekaka hakona.