Minhlangano Ya Ntirho Ya January

Vhiki Leri Sungulaka Hi January 5

Risimu 10

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

17 min: “Tiphine Hi Ku Nyikela Vumbhoni Hi Rixaladza.” Burisana ni vayingiseri hi xihloko lexi. Kandziyisa ntikelo wa xingheniso lexi humelelaka: (1) Kombisa xinghana loko u xeweta, (2) hlamusela kumbe u vutisa xivutiso malunghana ni mhaka leyi humeleleke sweswinyana, (3) hlaya Tsalwa leri faneleke, ivi u (4) kombisa munhu buku leyi fambisiwaka. Kombela muhuweleri la nga ni vuswikoti a endla nkombiso wa xingheniso xo sungula lexi ringanyetiweke ni riendzo ra xona ro vuyela.

20 min: Dyondzo Ya Ndyangu Leyi Tisaka Ntsako. Mpatswa lowu tekaneke wu burisana hi swilaveko swa moya swa ndyangu wa wona. Hikwalaho ko karhateka hi minkucetelo ya misava leyi khumbaka vana va vona hi ndlela yo biha, va vona xilaveko xo tiyisa vumoya bya vana va vona naswona va pfumela leswaku dyondzo ya vona ya ndyangu a yi nga khomiwi nkarhi hinkwawo naswona a yi nga ri na mihandzu. Havambirhi, va pfuxeta swibumabumelo swa ndlela yo fambisa dyondzo ya ndyangu leswi nyikeriweke eka Xihondzo xo Rindza xa August 1, 1997, matluka 26-9. Havambirhi va tiyimisele ku landzela ndlela yo sirhelela vumoya bya vana va vona.

Risimu 142 ni xikhongelo xo pfala.

Vhiki Leri Sungulaka Hi January 12

Risimu 125

10 min: Switiviso swa vandlha. Xiviko xa timali.

15 min: “Tirhisa Swiphephana Hi Ndlela Leyinene.” Burisana ni vayingiseri. Katsa ni ntokoto lowu nga eka Xihondzo xo Rindza xa December 1, 1996, tluka 13, ndzimana 15.

20 min: “Yehovha U Nyika Vanhu Matimba Lama Tlulaka Lama Tolovelekeke.” Swivutiso ni tinhlamulo. (Vona w90-TS 7/15 19, tindzimana 15-16.) Hlela leswaku van’wana va hlamusela mintokoto leyi khutazaka leyi kombisaka ndlela leyi Yehovha a va tiyiseke ha yona.

Risimu 81 ni xikhongelo xo pfala.

Vhiki Leri Sungulaka Hi January 19

Risimu 1

10 min: Switiviso swa vandlha. Marungula Ya Swa Mfumo. Kombisa ku tlangela nseketelo wa swa timali.

15 min: Swilaveko swa vandlha.

20 min: Tilunghiselele Sweswi Ku Namarhela Nawu Wa Xikwembu Ehenhleni Ka Ngati. Nkulu la fanelekaka u bula hi nkoka wa ku tata khadi ra Advance Medical Directive/Release. Nkongomiso lowu huhuteriweke lowu nga eka Pisalema 19:7 wu kombisa leswaku Mintirho 15:28, 29 i nhlamuselo ya nawu wa Xikwembu lowu hetisekeke ehenhleni ka ngati. Vagandzeri lavo tshembeka va lwela ku namarhela nawu wolowo. Khadi leri ri tivisa ku tiyimisela ka wena emhakeni leyi ni ku ku vulavulela loko u nga swi koti ku tivulavulela. (Ringanisa Swivuriso 22:3.) Khadi lerintshwa ri hlamusela ku hlambanya ka wena ka sweswinyana ka ku ala ka wena ngati. Endzhaku ka nhlangano lowu, Timbhoni leti khuvuriweke leti navelaka ku va ni khadi lerintshwa ti ta nyikiwa rona, naswona lava nga ni vana lavatsongo lava nga khuvuriwangiki va ta nyikiwa Identity Card ra n’wana un’wana ni un’wana. Makhadi lawa a ma fanelanga ma tatiwa namuntlha. Ma fanele ma tatiwa hi vukheta ekaya kambe MA NGA sayiniwi. Ku sayiniwa ni ku tsariwa ka timbhoni hambi ku ri ku tsala masiku eka makhadi hinkwawo ku ta endliwa eDyondzweni ya Buku ya Vandlha leyi landzelaka, ehansi ka vulanguteri bya mufambisi wa dyondzo ya buku. Hi ndlela leyi ku ta tiyisekisiwa leswaku hinkwavo lava nga entlaweni wakwe va ma kumile makhadi lawa ni mpfuno lowu lavekaka va wu kumile. Lava sayinaka tanihi timbhoni va fanele va vona n’wini wa khadi loko a ri karhi a ri sayina. Mani na mani la nga riki kona enkarhini wolowo loyi a navelaka ku tata ni ku sayina khadi u ta pfuniwa hi vafambisi/vakulu eNhlanganweni wa Ntirho lowu landzelaka kukondza vahuweleri hinkwavo lava khuvuriweke va kuma makhadi ya vona lama tatiweke ni ku sayiniwa kahle. (Pfuxeta papila ra October 15, 1991.) Hi ku hlaya leswi tsariweke ekhadini leri hi ku ya hi swiyimo swa vona, vahuweleri lava nga khuvuriwangiki va nga ha lava ku tata ya vona ni ya vana va vona.

Risimu 146 ni xikhongelo xo pfala.

Vhiki Leri Sungulaka Hi January 26

Risimu 187

12 min: Switiviso swa vandlha. Hlamusela nyiko ya buku ya February. Boxa yinhla yin’we kumbe timbirhi ta buku leyi nge Ku Chaputa Ka Nhlavutelo leti nga ta pfuna eku yi fambiseni.

15 min: “Xixima Ndhawu Leyi Yehovha A Gandzeriwaka Eka Yona.” Swivutiso ni tinhlamulo. Yi fanele yi tameriwa hi nkulu, loyi a faneleke a yi endla yi tirha laha vandlheni hi ndlela ya musa.

18 min: Ku Vika Ku Hlanganyela Ka Hina eNtirhweni Wa Misava Hinkwayo Wa Ku Nyikela Vumbhoni. (Yi sekeriwe ebukwini leyi nge Vutirheli Bya Hina, matluka 100-2, 106-10) Nkulumo ni bulo leri fambisiwaka hi matsalana. Endzhaku ka ku nyikela xikombiso xa Matsalwa xa ku vika ntirho wa hina nkarhi na nkarhi, kombela malandza mambirhi ya vutirheli leswaku ma hlamusela xihlokwana lexi nge “Mhaka Leyi Hi Vikaka Ntirho Wa Hina Wa Nsimu Ha Yona.” Kutani matsalana u kandziyisa nkoka wa ku nghenisa swiviko leswi tsariweke kahle hi ku hatlisa ivi a khutaza hinkwavo leswaku va yisa swiviko swa vona swa ntirho wa nsimu wa January eku heleni ka n’hweti. U kombisa ndlela leyi swivangelo swa ku veka tipakani ta munhu hi xiyexe swi nga swa nkoka ha yona, ivi a gimeta hi marito yo khutaza malunghana ni mikateko leyi tiseriwaka lava hlanganyelaka hi xitalo entirhweni wa ku nyikela vumbhoni.

Risimu 189 ni xikhongelo xo pfala.