Marungula Ya Swa Mfumo

Afrika Dzonga: Ha tsaka ku mi tivisa leswaku ku nyiketeriwe Tiholo tin’wana ta Mfumo ta nhungu hi n’hweti ya November: Jericho (eBrits), Lower Xongora (eUmtata), Mantsebo, Masoeling, Mohole’s Hoek (eLesotho), Newlands (eDurban), Rusthof (eStrand) na Qutubeni. Rusthof i Holo ya Mfumo yo sungula ku akiwa hi endlelo ra xihatla eCape Town, hikwalaho vatirhi va ku tirhandzela vo tlula 100 lava humaka eka Komiti yo Aka ya Xifundzha ya le Witwatersrand va khandziye hi mali ya vona leswaku va ya pfuna vamakwerhu. Moya wa vona wa ku tinyikela wa bumabumeriwa ni ku tlangeriwa swinene.

HI KOMBELA MI XIYA: Ku laveka Tiholo ta Mfumo to tala etindhawini ta le makaya ta laha Afrika Dzonga, kun’we ni le Botswana, Lesotho na Swaziland ni le khale ka Transkei. Hikwalaho, hi kombela vanhu hinkwavo lava nga ni vutshila hi tlhelo ro aka ni lava tsakelaka ku pfuneta leswaku va tihlanganisa na Sosayiti hi ku hatlisa hilaha swi nga kotekaka hakona. Xivangelo hileswaku Sosayiti yi ta va ni nhlangano hi May 1998 ni Tikomiti hinkwato to Aka ta Xifundzha leswaku ku ta buriwa hi maendlelo lamantshwa yo aka lama nga durhiki. Loko u tsakela ku aka laha xilaveko xi nga xikulu kona, na wena u ta rhambiwa eka nhlangano lowu. Pakani ya Sosayiti i ku pfuna vamakwerhu leswaku va hlula xihinga xa ku akiwa ka Tiholo ta Mfumo, hikuva Huvo leyi Fumaka yi lava ku vona vandlha rin’wana ni rin’wana ri ri na Holo ya rona ya Mfumo hi ku hatlisa. Hikwalaho, hi kombela leswaku mi anakanyisisa hi mhaka leyi nga laha henhla hi xikhongelo.