Switiviso

◼ Tibuku leti nga ta fambisiwa hi September: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka leta xifunengeto xo tsindziyela ni R3,75 eka leta xifunengeto lexo olova. October: Timagazini ta Xihondzo xo Rindza ni Xalamuka! November: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka leta xifunengeto xo tsindziyela ni R3,75 eka leta xifunengeto lexo olova. December: Vutivi Lebyi Yisaka eVuton’wini Lebyi Nga Heriki kun’we ni Vuhundzuluxeri Bya Misava Leyintshwa hi munyikelo wa R12,50 loko ku fambisiwa buku ya xifunengeto xo tsindziyela ni R11,25 loko ku fambisiwa buku ya xifunengeto lexo olova.

◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi September 1 kumbe endzhaku ka siku rolero hi ku hatlisa hilaha swi nga kotekaka hakona. Tivisa vandlha loko leswi swi endliwile.

◼ Mavandlha ma fanele ma sungula ku oda 1999 Calendar of Jehovah’s Witnesses eka odara ya wona ya tibuku ya September. Tikhalendara ti ta kumeka hi Xibunu, Xifurwa, Xigriki, Xijarimani, Xinghezi, Xintariyana, Xiputukezi, Xisuthu, Xixhosa ni Xizulu. Leswi i swilo leswi odiwaka hi ku ringanisela. Mavandlha lama nga riki na akhawunti ni Sosayiti kumbe lama nga ni xikweleti eka akhawunti ya wona ma fanele ma rhumela oda ya wona ni mali.

◼ Vakulu va tsundzuxiwa leswaku va landzela swiletelo leswi nyikeriweke eka matluka 21-3 ya Xihondzo xo Rindza xa April 15, 1991, malunghana ni vanhu lava susiweke kumbe lava tihambaniseke ni vandlha, lava kumbexana va lavaka ku vuyiseriwa.

◼ HI KOMBELA MI XIYA: Loko mi bela Sosayiti riqingho, hi kombela mi tsundzuka leswi landzelaka: (1) Handle ka loko ku ri ni mhaka ya xihatla, hi kombela mi bela swirho swa ndyangu wa Bethele riqingho loko se swi chayisile entirhweni hikuva tinqingho ta hina ti tirha ngopfu ninhlikanhi. (2) Loko mi ba riqingho hikwalaho ka xiphiqo kumbe xivutiso xo karhi, hi kombela mi hlamusela swi twisiseka leswaku mi ba riqingho mi ri kwihi ni mhaka leyi mi tsakelaka ku vulavula hi yona. A swi pfumeleriwi leswaku vakulu va kombela makwerhu wo karhi hi vito hikuva swi nga ha endleka a averiwe eka ndzawulo yin’wana kumbe a nga kumeki leswaku a mi pfuna. Loyi a amukelaka tinqingho u ta mi yisa eka ndzawulo leyi faneleke. Hi kombela leswaku mi komisa mabulo ya n’wina leswaku hi nga dyi nkarhi wa nkoka. (3) Loko u ri ni xiphiqo xa munhu hi xiyexe lexi u tsakelaka ku vulavula hi xona, hi kombela u vonana ni vakulu u nga si bela Sosayiti riqingho. Hi vona va nga ku pfunaka ku antswa hi swivutiso kumbe swiphiqo swa wena. Handle ka loko ku ri mhaka ya xihatla, hi khutaza HINKWENU, kun’we ni vakulu, leswaku mi tsala papila mi hlamusela xiphiqo xa n’wina. Hina hi ta tsakela ku yingisela mhaka ya kona.—Vona Bokisi ra Swivutiso eka Vutirheli Bya Hina Bya Mfumo bya December 1992, tluka 5.