Minhlangano Ya Ntirho Ya September
Vhiki Leri Sungulaka Hi September 7
Risimu 28
10 min:Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
15 min:“Hi Nga Yi Endla Mintirho Leyikulu.” Swivutiso ni tinhlamulo. Khutaza hinkwavo leswaku va veka tipakani letinene ta lembe lerintshwa ra ntirho ni ku tirha hi matimba leswaku va ti fikelela.—Vona buku leyi nge Vutirheli Bya Hina, matluka 116-18.
20 min:“Maphayona Ma Pfuna Van’wana.” Nkulu u hlamusela leswaku ku engetela eka ndzetelo lowu kumiwaka eka Xikolo xa Vutirheli bya le Tilweni, ku endliwe malunghiselelo ya leswaku maphayona ma pfuna van’wana hi xiviri evutirhelini. U vutisa swivutiso leswi nga eka xihloko lexi naswona u kombela tinhlamuselo leti humaka eka vayingiseri, ngopfu-ngopfu eka maphayona ni vahuweleri lava a va katseka eka nongonoko lowu. Vona ndlela leyi u nga kumaka vuyelo lebyinene ha yona eka nongonoko lowu. Maphayona ma nga ha hlamusela ndlela leyi ma tiphineke ni ku vuyeriwa ha yona eku hlanganyeleni eku pfuneni ka van’wana. Vahuweleri lava pfuniweke va nga ha hlamusela ndlela leyi va tlangelaka lunghiselelo leri ra rirhandzu ha yona ni ku boxa tinhla leti va pfuneke va kota ku humelela swinene ni ku kuma ntsako lowukulu evutirhelini.
Risimu 172 ni xikhongelo xo pfala.
Vhiki Leri Sungulaka Hi September 14
Risimu 160
10 min:Switiviso swa vandlha. Xiviko xa timali.
15 min:I Yini Leswi Xikwembu Xi Swi Languteleke Eka Hina? Nkulumo. Hi ta sungula ku dyondza broxara leyi vhiki leri taka edyondzweni ya buku ya vandlha. Khutaza hinkwavo leswaku va lunghiselela ka ha ri ni nkarhi leswaku va hlanganyela eka dyondzo yin’wana ni yin’wana leswaku va ta kota ku tiva broxara leyi ni ku dyondza ndlela yo yi dyondzisa van’wana. Hlaya ndzimana leyi nga ehansi ka xihloko lexi nge “Ndlela Yo Tirhisa Broxara Leyi.” Tirhisa rungula leri nga eka Xihondzo xo Rindza xa January 15, 1997, matluka 16-17, leswaku u kandziyisa nkoka wa ku dyondzisa hi ku tirhisa swivutiso, matsalwa ni swifaniso leswi nga eka broxara leyi. Vafambisi va dyondzo ya buku ya vandlha va fanele va veka xikombiso lexinene eka lava fambisaka tidyondzo ta Bibele ta le kaya, hi ku ka va nga vulavuli ngopfu ni ku nghenisa rungula rin’wana ra le handle.—Vona Vutirheli Bya Hina Bya Mfumo bya June 1996, tluka 3, ndzimana 5.
20 min:Xana Hi Xume Njhani N’wexemu? Matsalana ni mulanguteri wa ntirho va kambisisa xiviko xa vandlha xa ntirho wa nsimu ni nhlayo ya lava veke kona eminhlanganweni n’wexemu. Va kombisa swiyenge leswi khutazaka swa xiviko lexi ni ku kombisa tindhawu leti hi faneleke hi antswisa eka tona. Xana vahuweleri hinkwavo va hlanganyerile entirhweni wa nsimu hi August? Hlamusela tipakani leti vakulu va nga ta ti xiyisisa eka tin’hweti leti taka, ku katsa ni ku pfuna hinkwavo leswaku va va vahuweleri lava vikaka nkarhi na nkarhi. Hlamusela tinhla leti faneleke leti humaka eka xiviko lexi hundzeke xa mulanguteri wa xifundzha.
Risimu 144 ni xikhongelo xo pfala.
Vhiki Leri Sungulaka Hi September 21
Risimu 122
10 min:Switiviso swa vandlha. Marungula Ya Swa Mfumo.
15 min:Swilaveko swa vandlha.
20 min:“Tiyimisele Ku Tiva Vamakwenu.” Swivutiso ni tinhlamulo. Katsa ni tinhlamuselo leti humaka eka Xihondzo xo Rindza xa October 1, 1988, matluka 10-11. Khutaza hinkwavo leswaku va teka goza ro tolovelana ku antswa ni van’wana.
Risimu 34 ni xikhongelo xo pfala.
Vhiki Leri Sungulaka Hi September 28
Risimu 17
12 min:Switiviso swa vandlha. Tsundzuxa vahuweleri leswaku va yisa swiviko swa ntirho wa nsimu swa September. Nyikela xiviko malunghana ni ndlela leyi ntirho wa nsimu leyi nga aviwangiki wu fambaka ha yona. Tivisa vandlha hi ta malunghiselelo ya October. Khutaza hinkwavo leswaku va kunguhata ku endla ntirho lowu engetelekeke wa yindlu na yindlu hi October leswaku va andzisa ku fambisiwa ka timagazini.
20 min:“Valanguteri Lava Rhangelaka—Mulanguteri Wa Ntirho.” Nkulumo hi mulanguteri wa ntirho. Endzhaku ka ku hlamusela mintirho yakwe, u hlamusela tindlela leti vandlha ri nga kombisaka ntirhisano eka tona leswaku ri engetela mpimo ni ku humelela evutirhelini kwala vandlheni.
13 min:I Yini Leswi Lavekaka Leswaku U Va Muhuweleri Wa Vandlha Lonene? Nkulumo ni ku hlanganyelanyana ka vayingiseri. A swi bohi leswaku u va ni vuswikoti lebyi tlakukeke kumbe titalenta; ku ri na sweswo, ku naveriwa ngopfu leswaku hinkwerhu ka hina hi va ni langutelo ra ku swi rhandza leri kombisaka rirhandzu, ku titsongahata, ku hiseka ni ku tlangela. Kombela vayingiseri leswaku va nyikela swivangelo leswi endlaka ku tsakeriwa tinhla leti landzelaka: (1) ku va munhu la tsakeke , (2) ku va kona nkarhi na nkarhi ni ku hlanganyela eminhlanganweni, (3) ku tiyimisela ku amukela ni ku endla swiavelo, (4) ku tirhisana ni vakulu ni malunghiselelo lama endliwaka evandlheni, (5) ku tsakela ku pfuna van’wana loku humaka embilwini, ni (6) ku hlanganyela nkarhi na nkarhi entirhweni wa nsimu ni ku vika hi ku hatlisa eku heleni ka n’hweti yin’wana ni yin’wana.
Risimu 25 ni xikhongelo xo pfala.