Minhlangano Ya Ntirho Ya December

XIYA: Vutirheli Bya Hina Bya Mfumo byi ta kombisa xiyimiso xa Nhlangano wa Ntirho wa vhiki rin’wana ni rin’wana hi December. Mavandlha ma nga tiendlela mindzulamiso leyi faneleke leswaku ma kota ku ya eNtsombanweni wa “Ku Hanya Hi Ndlela Ya Xikwembu,” kutani ma va ni mpfuxeto wa tinhla-nkulu ta nongonoko ku ringana 30 wa timinete eka Nhlangano wa Ntirho wa vhiki leri landzelaka. Mpfuxeto wa nongonoko wa siku rin’wana ni rin’wana ra ntsombano wu fanele wu averiwa ka ha ri emahlweni eka vamakwerhu va xinuna vanharhu lava fanelekaka, lava nga ta swi kota ku kandziyisa tinhla-nkulu. Mpfuxeto lowu lowu lunghiseleriweke kahle wu ta pfuna vandlha leswaku ri tsundzuka tinhla-nkulu leti nga ta pfuna munhu hi xiyexe ni ku ti tirhisa ensin’wini. Tinhlamuselo hinkwato ta vayingiseri ni mintokoto swi fanele ku va leswi komisiweke ni ku ba nhloko ya mhaka.

Vhiki Leri Sungulaka Hi December 7

Risimu 186

15 min:Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlanganyela evutirhelini bya nsimu eku sunguleni ka yona n’hweti leyi. Lava va nga ta va va nga ri kona kumbe va nga ta va va ri entsombanweni eku heleni ka n’hweti va fanele va yisa swiviko swa vona va nga si famba. Kandziyisa ntikelo wa ku va hinkwavo va yisa xiviko xa vona xa December eka n’hweti yona leyi. Boxa malunghiselelo yo hlawuleka ya ntirho wa nsimu hi December 16. Khutaza hinkwavo lava yaka entsombanweni leswaku va va va tshamile xiyimiso xi nga si sungula hi vuyimbeleri lebyi rhekhodiweke naswona va va va tshamile ku fika emakumu ka nongonoko. Hi ku komisa pfuxeta xiengetelo xa Vutirheli Bya Hina Bya Mfumo bya October 1998, tindzimana 10 na 11.

15 min:“Hi Fanele Hi Vuyela Hi Ku Phindha-phindha.” Swivutiso ni tinhlamulo. Hlamusela Ezekiyele 3:17-19 hi ku komisa, u kandziyisa vutihlamuleri bya hina bya ku hambeta hi twarisa rungula ra xitsundzuxo.

15 min:“Tsima Ro Hlawuleka Ra Vuhundzuluxeri Bya Misava Leyintshwa.” Makwerhu u burisana ni vahuweleri vambirhi kumbe vanharhu lava nga ni vuswikoti, hi xihloko lexi. Katsa ni tinhla ti nga ri tingani leti faneleke leti kumekaka ebukwini leyi nge “Matsalwa Hinkwawo,” matluka 327-31. Kombisa ndlela leyi nyiko ya December yi nga fambisiwaka ha yona.

Risimu 176 ni xikhongelo xo pfala.

Vhiki Leri Sungulaka Hi December 14

Risimu 206

15 min:Switiviso swa vandlha. Xiviko xa timali. Nyikela swiringanyeto swa ndlela yo hlamula hi vutlhari eka maxewetelo ya tiholideyi ta misava. Loko vandlha ri ri ni tikopi ta buku leyi nge Nghwazi Leyi Tshameke Yi Hanya kumbe leyi nge Great Teacher exitokweni, kombisa ndlela leyi yi nga tirhisiwaka ha yona hilaha ku humelelaka evutirhelini hi minkarhi ya tiholideyi ta Khisimusi. Boxa malunghiselelo yo hlawuleka ya ntirho wa nsimu hi December 25 na January 1.

30 min:“Hanyela Ku Endla Ntirho Wa Yehovha.” Swivutiso ni tinhlamulo. Burisana ni munhu la nga nghenelangiki vukati ni nhloko ya ndyangu, lava va swi koteke ku namarhela xiyimiso xa ku va kona evutirhelini bya nsimu vhiki ni vhiki. Va kombele va hlamusela ndlela leyi munhu a faneleke a hleleka ha yona leswaku a ta swi kota ku rhangisa swilaveko swa moya.

Risimu 146 ni xikhongelo xo pfala.

Vhiki Leri Sungulaka Hi December 21

Risimu 163

10 min:Switiviso swa vandlha. Loko vandlha ra n’wina ri ta cinca minkarhi ya minhlangano elembeni lerintshwa, va khutaze hinkwavo leswaku va va kona nkarhi na nkarhi ni vandlha hi minkarhi ya rona leyintshwa. Tsundzuxa vahuweleri leswaku va byela swichudeni swa Bibele ni van’wana lava tsakelaka hi ku cinca hinkwako loku endliweke. Khutaza vahuweleri hinkwavo leswaku va hlayisa tikopi ta vona ta Vutirheli Bya Hina Bya Mfumo, ngopfu-ngopfu swiengetelo. Swi nga ha endleka hi kombetela eka swona enkarhini lowu taka.

15 min:“Valanguteri Lava Rhangelaka—Mufambisi Wa Dyondzo Ya Xihondzo xo Rindza.” Nkulumo hi mufambisi wa Dyondzo ya Xihondzo xo Rindza. U hlamusela vutihlamuleri byakwe ni ndlela leyi hinkwavo lava nga kona va nga pfunaka ha yona ku endla dyondzo yi hanya, yi dyondzisa yi tlhela yi aka hi tlhelo ra moya.—Vona buku leyi nge Vutirheli Bya Hina, tluka 67.

20 min:“Va Swi Lemuka Leswaku A Hi Fani Na Vona.” Swivutiso ni tinhlamulo. Hi ku komisa hlamusela nchumu wun’wana ni wun’wana lowu endlaka leswaku hi nga fani ni van’wana. Hlamusela ndlela leyi rungula leri ri nga tirhisiwaka ha yona eku kongomiseni lava tsakelaka enhlengeletanweni ni ku va kombisa ndlela leyi ha yona ntiyiso wu humesaka timfanelo ta Vukreste eka lava hanyaka ha wona.

Risimu 119 ni xikhongelo xo pfala.

Vhiki Leri Sungulaka Hi December 28

Risimu 178

10 min:Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu wa December. Hlamusela tibuku leti nga ta fambisiwa hi January. Kombisa buku leyi nge Ku Lavisisa Ka Vanhu Xikwembu ivi u boxa tinhla leti tsakisaka leti nga ta pfuna eku lunghiseleleni ka swingheniso. Endla nkombiso wun’we. Khutaza vahuweleri leswaku va kuma tibuku leti va nga ta ti fambisa mahelo-vhiki lawa.

20 min:Swilaveko swa vandlha.

15 min:“Vuyeriwa Eka Xiyimiso Xa Vutirheli Bya Le Tilweni Xa 1999.” Nkulumo hi mulanguteri wa Xikolo Xa Vutirheli Bya Le Tilweni. Kombela vahuweleri van’wana va vula ndlela leyi va vuyeriweke ha yona hi ku fambisana ni “Xiyimiso Xa Ku Hlaya Ka Bibele Loku Engetelekeke” xa vhiki ni vhiki. Khutaza hinkwavo leswaku va hlaya Rito ra Xikwembu siku ni siku.

Risimu 195 ni xikhongelo xo pfala.