Switiviso

◼ Tibuku leti nga ta fambisiwa hi December: Vutivi Lebyi Yisaka eVuton’wini Lebyi Nga Heriki na Vuhundzuluxeri Bya Misava Leyintshwa Bya Matsalwa Ya Vukreste Ya Xigriki hi munyikelo wa R9,00 loko u fambisa buku leyi nga ni xifunengeto xo tsindziyela kumbe R7,75 loko u fambisa leyi nga ni xifunengeto xo olova. January: Ku Lavisisa Ka Vanhu Xikwembu hi munyikelo wa R7,50. February: Xihundla Xa Ntsako eNdyangwini hi munyikelo wa R5,00 eka buku leyi nga ni xifunengeto xo tsindziyela kumbe R3,75 eka leyi nga ni xifunengeto xo olova kumbe buku yihi na yihi ya khale leyi nga ni matluka ya 192 eka leti mi nga na tona exitokweni hi munyikelo wa R1,00. March: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela kumbe R3,75 eka leyi nga ni xifunengeto xo olova kumbe buku yihi na yihi ya khale leyi nga ni matluka ya 192 eka leti mi nga na tona exitokweni hi munyikelo wa R1,00. Hi fanele hi endla matshalatshala yo hlawuleka leswaku hi sungula tidyondzo ta le kaya ta Bibele hi buku leyi nge Vutivi.

◼ Mulanguteri la ungamelaka kumbe un’wana la hlawuriweke hi yena u fanele a kambisisa swa timali ta vandlha hi December 1 kumbe endzhakunyana hi ku hatlisa hilaha swi nga kotekaka hakona. Tivisa vandlha loko leswi se swi endliwile endzhaku ka loko xiviko xa timali lexi landzelaka xi hlayiwile.

◼ Xitsundzuxo xa lembe ra 2000 xi ta va hi Ravunharhu, April 19 endzhaku ka ku pela ka dyambu. Xitiviso lexi xi endliwa ka ha ri ni nkarhi leswaku vamakwerhu va ta endla malunghiselelo lama lavekaka kumbe va lava tiholo leti nga kumekaka laha ku nga ni mavandlha yo hlaya lama tirhisaka Holo yin’we ya Mfumo naswona loko swi fanerile leswaku ku kumiwa ndhawu yin’wana. Vakulu va fanele va twanana ni vakongomisi va kwalaho, va tiyisekisa leswaku a ku nge vi na nchumu lexi kavanyetaka eka muako wa kona leswaku Xitsundzuxo xi ta fambisiwa hi ku rhula ni ku hleleka. Tanihi leswi xiendlakalo lexi xi nga xa nkoka, loko huvo ya vakulu yi hlawula xivulavuri lexi nga ta nyikela nkulumo ya Xitsundzuxo, yi fanele yi tirhisa makwerhu la fanelekaka swinene ematshan’weni yo cincana lembe ni lembe kumbe ku tirhisa makwerhu un’we ntsena. A swi onhi nchumu loko ku ri ni nkulu la nga ni vuswikoti, la nga mutotiwa loyi a nga nyikelaka nkulumo leyi.

◼ Leswi yi nga ni mahelo-vhiki ya ntlhanu lama heleleke, n’hweti ya January i nkarhi lowunene eka vo tala leswaku va nghenela vuphayona bya nkarhinyana.