Minhlangano Ya Ntirho Ya January

Vhiki Leri Sungulaka Hi January 4

Risimu 36

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Loko minkarhi ya minhlangano yi cincile hi January 1, tsundzuxa hinkwavo leswaku va tirhisa swiphephana leswi kombisaka xiyimiso lexintshwa. Kombisa ndlela leyi buku ya n’hweti leyi yi nga ta fambisiwa ha yona, ku katsa ni Vuhundzuluxeri Bya Misava Leyintshwa Bya Matsalwa Ya Vukreste Ya Xigriki loko byi ri kona.

15 min: Swilaveko swa vandlha.

15 min: “Lehisani Mbilu.” Ku burisana ka swirho swa ndyangu. Swi burisana hi tindlela leti swi nga kombisaka ha tona ku lehisa mbilu swinene evutirhelini bya swona. Katsa ni tinhlamuselo leti faneleke ta Xihondzo xo Rindza xa June 15, 1995, tluka 12.

Risimu 61 ni xikhongelo xo pfala.

Vhiki Leri Sungulaka Hi January 11

Risimu 88

10 min: Switiviso swa vandlha. Xiviko xa timali.

15 min: Ku Yingisa Xikwembu eNdyangwini Lowu Avaneke Hi Vukhongeri. Nkulumo leyi sekeriweke eka Xihondzo xo Rindza xa June 1, 1995, matluka 26-9. Hi musa nyikela xikhutazo ni xitsundzuxo lexi nga ta pfuna lava nga ni vanghana va vukati lava nga riki vapfumeri leswaku va va ni langutelo lerinene ni ku hlanganyela ni vandlha hi ku hiseka.

20 min: “Valanguteri Lava Rhangelaka—Vafambisi Va Dyondzo Ya Buku Ya Vandlha.” Nkulumo hi mufambisi wa dyondzo ya buku la nga xikombiso lexinene, a hlamusela mintirho yakwe. U kombisa ndlela leyi mintirho yo tano yi pfunaka ha yona eka nhluvuko ni vuhlayiseki bya moya bya vandlha. Katsa tinhla-nkulu leti humaka ebukwini leyi nge Ku Hleleriwa Ku Hetisisa Vutirheli Bya Hina, matluka 43-5, 74-6.

Risimu 135 ni xikhongelo xo pfala.

Vhiki Leri Sungulaka Hi January 18

Risimu 169

5 min: Switiviso swa vandlha.

15 min: Tilunghiselele Sweswi Ku Namarhela Nawu Wa Xikwembu eHenhleni Ka Ngati. Nkulu la fanelekaka u bula hi nkoka wa ku tata khadi ra Advance Medical Directive/Release. Endzhaku ka nhlangano lowu, Timbhoni leti khuvuriweke ti ta nyikiwa khadi lerintshwa, naswona lava nga ni vana lavatsongo lava nga khuvuriwangiki va ta nyikiwa Identity Card ra n’wana un’wana ni un’wana. Makhadi lawa a ma fanelanga ma tatiwa sweswi. Ma fanele ma tatiwa hi vukheta ekaya kambe MA NGA sayiniwi. Ku sayina ka n’wini wa khadi ni ka timbhoni hambi ku ri ku tsala masiku emakhadini hinkwawo ku ta endliwa eDyondzweni ya Buku ya Vandlha leyi landzelaka, ehansi ka vulanguteri bya mufambisi wa dyondzo ya buku. U nga si sayina, tiyiseka leswaku makhadi ma tatiwe hi ku helela. Lava sayinaka tanihi timbhoni va fanele va vona n’wini wa khadi loko a ri karhi a ri sayina. Hi ku cinca leswi tsariweke ekhadini leri leswaku swi pfumelelana ni swiyimo ni ripfumelo ra vona, vahuweleri lava nga khuvuriwangiki va nga ha titsalela makhadi ya vona kun’we ni ya vana va vona leswaku va tirhisa wona. Vafambisi va dyondzo ya buku va fanele va endla nxaxamelo wo kambela ha wona leswaku va tiyiseka leswaku hinkwavo lava averiweke entlaweni wa vona va wu kuma mpfuno lowu va wu lavaka eku tateni ka khadi ra Advance Medical Directive/Release. Loko u lava ku kuma vuxokoxoko lebyi engetelekeke, vona papila ra October 15, 1992. Loko nkarhi wu ku pfumelela, nyikela tinhlamuselo leti sekeriweke eka Xalamuka! (ya Xinghezi) ya December 8, 1998, matluka 18-21.

25 min: “Ku Sungula Tidyondzo Hi Broxara Leyi Nge Leswi Xi Swi Languteleke.” Nkulumo ya swivutiso ni tinhlamulo. Endla nkombiso hi ndzimana 6. Kombela vayingiseri va hlamusela vuyelo lebyi va byi kumeke hi ku tirhisa broxara leyi nge Leswi Xi Swi Languteleke.

Risimu 197 ni xikhongelo xo pfala.

Vhiki Leri Sungulaka Hi January 25

Risimu 201

10 min: Switiviso swa vandlha. Tsundzuxa vahuweleri hinkwavo leswaku va tisa swiviko swa ntirho wa nsimu swa January.

15 min: “Ku Lulamisiwa Ka Xilaveko Xa Tiawara Ta Maphayona.” Nkulumo hi nkulu. Bumabumela maphayona lama nga kona evandlheni u tlhela u khutaza vahuweleri lava engetelekeke leswaku va nghenela ntirho wa vuphayona bya nkarhinyana ni bya nkarhi hinkwawo, u anakanyela ntirho lowu engetelekeke hi March, April na May. Katsa rungula leri nga eka swiengetelo swa Vutirheli Bya Hina Bya Mfumo bya February 1997 ni bya July 1998.

20 min: Xana U Kambisisa Matsalwa Siku Na Siku? Nkulumo kun’we ni ku burisana ni vayingiseri. Lembe rin’wana ni rin’wana Sosayiti yi humesa xibukwana lexi nge Ku Kambisisa Matsalwa. Xana wena hi wexe kumbe tanihi ndyangu mi tirhisa xibukwana lexi hi ndlela leyinene? Hlamusela swivangelo swa nkoka malunghana ni mfanelo ya ku kambisisa tsalwa ra siku rin’wana ni rin’wana. Nyikela tinhlamuselo leti humaka eka rito ro rhanga eka xibukwana lexi nge Ku Kambisisa Matsalwa Siku Na Siku—1999, matluka 3-4. Kombela vahuweleri leswaku va hlamusela matshalatshala yo hlawuleka lawa va ma endlaka hi munhu hi xiyexe kumbe tanihi ndyangu leswaku va kambisisa ndzimana ya siku ni tinhlamuselo ta yona.

Risimu 225 ni xikhongelo xo pfala.