Minhlangano Ya Ntirho Ya May

Vhiki Leri Sungulaka Hi May 3

Risimu 7

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Kunguhata Ka Ha Ri Ni Nkarhi!” Nkulumo leyi andlalaka mintirho hinkwayo leyi kunguhatiweke evandlheni ya tin’hweti to hlayanyana leti landzelaka. Khutaza un’wana ni un’wana leswaku a fungha masiku eka khalendara yakwe ni ku ka a nga pfumeleli swilo swin’wana leswaku swi nghenelela.

15 min: I Yini Lexi Hoxeke Hi Vukhongeri Bya Mina? Bulo exikarhi ka malandza mambirhi ya vutirheli. Hi hlangana ni vanhu vo tala lava tsakelaka ntiyiso ni ku xixima Timbhoni ta Yehovha. Hambiswiritano, ku rhandza ka vona kereke ka va kavanyeta. Swa va tikela ku pfumela leswaku hi hina ntsena hi nga ni vukhongeri bya ntiyiso ni leswaku vugandzeri bya vona i bya mavunwa. Leri i rihlampfu lerikulu leri va sivelaka ku endla nhluvuko wa vona wa moya. Vamakwerhu lavambirhi va hlamusela swivangelo swa tsevu leswi nga eka tluka 288-9 ebukwini leyi nge Ku Hlamulana, leswi kombisaka kahle ndlela leyi vukhongeri byin’wana byi nga swi landzeriki ha yona leswi Bibele yi swi dyondzisaka. Khutaza vamakwerhu leswaku va tirhisa tinhla leti hi vutlharhi eku pfuneni ka vanhu va timbilu letinene leswaku va kambisisa vukhongeri bya vona.

Risimu 11 ni xikhongelo xo pfala.

Vhiki Leri Sungulaka Hi May 10

Risimu 15

10 min: Switiviso swa vandlha. Xiviko xa timali.

20 min: Swilaveko swa vandlha.

15 min: Hi Wahi Makungu Ya Wena Ya Tin’hweti Leti Taka? Ndyangu wu burisana hi malunghiselelo ya wona ya ku hlanganyela eka tsima ra nsimu leyi nga aviwangiki, ku ya etinhlengeletanweni leti taka ni le ntsombanweni, ku nghenela vuphayona bya nkarhinyana, ku wisa entirhweni wa ku tihanyisa ni ku hungasa. Wu burisana hi ndlela leyi wu nga kunguhataka ha yona ku nyikela vumbhoni bya xitshuketa, naswona wu kombisa ndlela ya ku sungula bulo. Kandziyisa nkoka wa ku ya emahlweni ni dyondzo ya Bibele ya munhu hi xiyexe kun’we ni ya ndyangu, ku va kona eminhlanganweni ya vandlha ra laha u endzeleke kona ni ku vika ntirho wa nsimu evandlheni ra ka n’wina. Ndyangu wu boxa mintokoto yo tsakisa leyi wu veke na yona eka matsima lama hundzeke ya nsimu leyi nga aviwangiki ni ntsako lowu va veke na wona loko va endzele mavandlha man’wana. Wu burisana hi tindlela leti wu nga kombisaka malwandla ha tona eka vaendzi lava tshukaka va ta evandlheni.

Risimu 19 ni xikhongelo xo pfala.

Vhiki Leri Sungulaka Hi May 17

Risimu 27

10 min: Switiviso swa vandlha. Marungula Ya Swa Mfumo.

20 min: “Dyondzisa Van’wana Leswaku Va Vuyeriwa.” Endla xingheniso lexi nga ehansi ka minete, endzhaku ku fanele ku landzela bulo ra swivutiso ni tinhlamulo. Hi ku tirhisa ndzima 13 ya buku leyi nge Vutivi, kombisa ndlela leyi vanhu va pfuniwaka ha yona hi ku dyondza, ku twisisa ni hi ku tirhisa minsinya ya milawu ya Bibele.

15 min: Bokisi Ra Swivutiso. Nkulumo leyi nga ta nyikeriwa hi nkulu. Yi endle yi fambisana ni swiyimo swa ndhawu ya ka n’wina.

Risimu 29 ni xikhongelo xo pfala.

Vhiki Leri Sungulaka Hi May 24

Risimu 41

5 min: Switiviso swa vandlha.

20 min: “Ndlela Yo Lulamisa Swiphiqo Hi Ku Rhula.” Nkulumo leyi sekeriweke eka Xihondzo Xo Rindza xa November 1, 1998, matluka 4-7. Yi endle yi fambisana ni swiyimo swa ndhawu ya ka n’wina.

20 min: Xana Ha Hlanganyela eNtirhweni Wo Hambanisa? Nkulumo leyi khutazaka leyi nga ta nyikeriwa hi mulanguteri wa ntirho, leyi sekeriweke eka Xihondzo xo Rindza xa July 1, 1997, matluka 30-1.

Risimu 32 ni xikhongelo xo pfala.

Vhiki Leri Sungulaka Hi May 31

Risimu 43

15 min: Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu swa May. Hlamusela tibuku leti nga ta fambisiwa hi June. Loko u fambisa buku leyi nge Vutivi, u nga ha fambisa ni buku yin’wana ya khale leyi nga ni matluka ya 192 leyi nga tala ngopfu exitokweni xa vandlha. Endla nkombiso.

30 min: “Tindlela To Engetela Vutirheli Bya Wena.” Vakulu vambirhi va burisana hi xihloko lexi leswaku va hlamula swivutiso leswi vutisiweke hi vayingiseri. Muntshwa la nga muhuweleri, mpatswa lowu tekaneke ni makwerhu wa xinuna la nga emalembeni yo tshika ntirho wa ku tihanyisa, va vutisa swivutiso malunghana ni tindlela leti va nga engetelaka ha tona vutirheli bya vona. Khutaza lava va nga swi kotaka ku ya tirha laha xilaveko xi nga xikulu kona. (Vona Vutirheli Bya Hina Bya Mfumo bya November 1998, tluka 6.) Swiringanyeto leswinene swi nyikeriwile eka xihloko lexi ni le ka ndzima 9 ya buku leyi nge Vutirheli Bya Hina, yisani nyingiso eka xihloko lexi nge “Hi Tihi Tipakani Ta Wena Ta Moya Ta Nkarhi Lowu Taka?,” eka matluka 116-18. Vahuweleri va phofula ku tlangela ka vona rungula ra nkoka leri Sosayiti yi ri nyikelaka leri kombisaka ndlela leyi hi nga kunguhataka ha yona ku engetela vutirheli enkarhini lowu taka.

Risimu 50 ni xikhongelo xo pfala.