Minhlangano Ya Ntirho Ya September

Vhiki Leri Sungulaka Hi September 6

Risimu 190

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

17 min: “Xana U Tirha U Ri Ni Xikongomelo?” Xingheniso xi nga tluli minete, endzhaku ka xona a ku landzele bulo ra swivutiso ni tinhlamulo. Katsa ni tinhla leti nga ebukwini leyi nge Vutirheli Bya Hina, matluka 88-9. Khutaza hinkwavo leswaku va va kona evutirhelini naswona va byi endla hi ku hetiseka.

18 min: “Vatswari—Vekelani Vana Va N’wina Xikombiso Lexinene.” Nkulu u ta endla xingheniso xo koma, ivi ku landzela bulo exikarhi ka vamakwerhu vambirhi va xinuna lava nga vatswari, va burisana hi xihloko lexi. Va phofula ku karhateka ka vona mayelana ni ku sirhelela vana va vona eka mikhuva yo biha leyi va langutanaka na yona exikolweni, leyi va yi hlalelaka eka thelevhixini kun’we ni mikhuva ya maxaka lama nga riki Timbhoni ku katsa ni ya vanhu van’wana. Vamakwerhu va burisana hi ku pfumala xichavo, mavulavulelo ya misava, ku tilunghisa kun’we ni vuhungasi lebyi thyakeke. Endzhaku ka loko va burisane hi nkoka wa ku veka xikombiso lexinene, va burisana hi tindlela leti ha tona ku nga akiwaka ku hisekela ku va ni dyondzo ya ndyangu, minhlangano ya vandlha ni ntirho wa nsimu.—Vona Xihondzo xo Rindza xa July 1, 1999, matluka 8-22 ni Xalamuka! (ya Xinghezi) ya September 22, 1991, matluka 8-9.

Risimu 101 ni xikhongelo xo pfala.

Vhiki Leri Sungulaka Hi September 13

Risimu 171

10 min: Switiviso swa vandlha. Xiviko xa timali.

15 min: Hi Tirhe Njhani N’wexemu? Nkulumo leyi nga ta nyikeriwa hi mulanguteri wa ntirho. Hlamusela swiyenge leswi tsakisaka swa xiviko xa vandlha swa lembe ra ntirho ra 1999. Bumabumela vamakwerhu hikwalaho ka ntirho lowunene lowu va wu endleke. Kombisa swiyenge leswi swa ha lavaka ku antswisiwa. Yisa nyingiso eka ndlela leyi vandlha ri veke kona ha yona eminhlanganweni ni le ku fambiseni ka tidyondzo ta Bibele. Boxa tipakani letinene ta lembe leri taka. Khutaza hinkwavo leswaku va vika n’hweti yin’wana ni yin’wana ni ku tirhisana ni matsalana ni vafambisi va dyondzo ya buku loko va ri karhi va lwela ku un’wana ni un’wana a vika n’hweti na n’hweti eka lembe leri ra ntirho.

20 min: “U Nga Ku Yini Eka Muhindu?” Swivutiso ni tinhlamulo. Kandziyisa nkoka wa ku burisana ni munhu hi leswi mi pfumelelanaka eka swona naswona kombisa laha mi nga pfumelelanaka kona ni Muhindu. Kombisa ndlela leyi swingheniso leswi ringanyetiweke swi nga tirhisiwaka ha yona leswaku hi chumayela vanhu va vukhongeri byo hambana-hambana. Endla nkombiso wa xingheniso lexi lunghiseleriweke kahle xa ku nyikela vumbhoni eka Muhindu. Leswaku u kuma rungula leri engetelekeke malunghana ni Vuhindu, vona xiengetelo xa Vutirheli Bya Hina Bya Mfumo bya February 1998; buku leyi nge Ku Hlamulana, tluka 21; ni buku leyi nge Ku Lavisisa Ka Vanhu Xikwembu, ndzima 5. Loko ku nga ri na Mahindu ensin’wini ya n’wina, kombisa ndlela yo sungula tidyondzo ta Bibele hi ku tirhisa buku leyi nge Vutivi.

Risimu 140 ni xikhongelo xo pfala.

Vhiki Leri Sungulaka Hi September 20

Risimu 193

12 min: Switiviso swa vandlha. Hlamusela malunghiselelo ya vandlha ya ku tirha nsimu leyi nga aviwangiki hi September na October. Hlamusela mintokoto yo tsakisa leyi kumiweke ensin’wini leyi nga aviwangiki. Tivisa malunghiselelo ya ntirho wa nsimu ya September 24.

15 min: Swilaveko swa vandlha.

18 min: Tirhisa Buku Leyi Nge Creator Hi Ndlela Leyinene. Nkulumo ni minkombiso. Vutirheli Bya Hina Bya Mfumo bya April 1999 byi hlamusele leswaku buku leyi nge Creator yi nga ha fambisiwa nkarhi wun’wana ni wun’wana loko hi hlangana ni vanhu (1) lava nga pfumeriki eka Xikwembu kumbe (2) lava pfumelaka eka Xikwembu kambe lava nga xi tiviki kahle kumbe lava nga ti tiviki timfanelo ni swikongomelo swa xona. Swivutiso leswi tlhontlhaka mianakanyo ni tinhlamuselo leti nga eka xifunengeto xa le ndzhaku, swi nga ha tirhisiwa leswaku munhu a tsakela ku hlaya buku leyi. Kumbexana hi nga ha tirhisa tluka 152 hi ndlela leyinene. Muhuweleri a nga ha vutisa: “Xana hi nga xi kuma kwihi xitsundzuxo lexinene xa ndlela leyi hi nga lulamisaka ha yona swiphiqo swa hina leswikulu?” Muhuweleri a nga ha komba munhu loyi ndlela leyi valawuri lava nga ni ndhuma va tlangeleke ha yona Dyondzo ya Yesu ya le Ntshaveni, a kombela munhu loyi leswaku a hlawula yinhla yin’we leyi n’wi tsakisaka eka ta nkombo leti kombisiweke, kutani a n’wi hlayela tindzimana ti nga ri tingani leti kombisiweke. Endla nkombiso wa swiringanyeto swimbirhi leswi nga laha henhla swa ku fambisa buku leyi nge Creator. Khutaza hinkwavo leswaku va famba na yona entirhweni wa nsimu, va fanele va tshama va lunghekele ku yi fambisa laha swi faneleke.

Risimu 175 ni xikhongelo xo pfala.

Vhiki Leri Sungulaka Hi September 27

Risimu 141

15 min: Switiviso swa vandlha. Tsundzuxa vahuweleri hinkwavo ku tisa swiviko swa ntirho wa nsimu swa September. Khutaza hinkwavo leswaku va kunguhata ku hlanganyela hi xitalo hi October eku fambiseni ka timagazini. Pfuxeta swiringanyeto swin’wana leswi nga eka Vutirheli Bya Hina Bya Mfumo bya October 1996, tluka 12, swa ndlela leyi u nga lunghiselelaka ha yona swingheniso. Hi ku tirhisa timagazini ta sweswinyana, boxa tinhla-nkulu leti tsakisaka naswona endla nkombiso wun’we kumbe yimbirhi ya swingheniso swo koma.

15 min: Bokisi Ra Swivutiso. Nkulumo leyi nga ta nyikeriwa hi nkulu.

15 min: “Vugandzeri Bya Ntiyiso Bya Ndlandlamuka eYuropa Vuxa.” Nkulu u fambisa nkulumo hi swivutiso ni tinhlamulo. Tshaha mintokoto kumbe vumbhoni lebyi kombisaka ku andza eka matiko lama kombisiweke eka swiviko swa Ti-Yearbook ta sweswinyana.

Risimu 87 ni xikhongelo xo pfala.