Minhlangano Ya Ntirho Ya October
Vhiki Leri Sungulaka Hi October 4
Risimu 147
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Leyi i n’hweti yo hetelela ya tsima ra nsimu leyi nga aviwangiki. Boxa malunghiselelo lama endliweke ni ku khutaza hinkwavo leswaku va hlanganyela hi xitalo.
17 min: “Ti Tirhise Kahle Tibuku Ta Khale.” Swivutiso ni tinhlamulo. Boxa tibuku ta khale leti nga kona exitokweni. Hlamusela tinhla tin’wana leti tsakisaka leti nga eka tibuku leti, hlamusela ndlela leyi ti nga hlamuseriwaka ha yona eka vanhu van’wana. Khutaza hinkwavo leswaku va fambisa tibuku leti ensin’wini leyi nga aviwangiki, evutirhelini bya nsimu ni loko ku nyikeriwa vumbhoni hi xitshuketa hi October. Katsa nkombiso wo koma, wo olova.
18 min: Ti Tive Kahle Timagazini! Hlamusela nhlayo leyi heleleke ya timagazini leti fambisiweke hi vandlha n’hweti leyi nga hundza. Xana yi yelana njhani ni nhlayo ya leti mi ti kumeke eka Sosayiti? Loko ku ri ni ku hambana lokukulu, xana ku fanele ku endliwa yini? Kombela vayingiseri leswaku va hlamusela hi leswi landzelaka: (1) Muhuweleri un’wana ni un’wana u fanele a oda mphakelo lowu ringaneke kambe lowu fanelaka. (2) Mugqivela wun’wana ni wun’wana wu teke tanihi Siku ra Timagazini. (3) Hlela xiyimiso xa wena xa nsimu u katsa ni ntirho wa timagazini n’hweti yin’wana ni yin’wana. (4) Kunguhata ku nyikela ngopfu vumbhoni hi xitshuketa hi ku tirhisa timagazini leswaku u sungula bulo. (5) Famba ni timagazini leti nga ni swihloko swo karhi swo hlawuleka leswi van’wamabindzu ni vanhu lava dyondzekeke swinene va nga ta swi tsakela. (6) Tsala nhlayo ya leti u ti fambiseke, naswona u endla ntila wa timagazini, nkarhi ni nkarhi tlhelela eka vanhu lava u ri ni minkandziyiso ya sweswinyana. (7) Ti tirhise kahle tikopi tihi na tihi ta timagazini ta khale leswaku ti nga ku taleli. Kombisa timagazini ta sweswinyana, ivi u kombisa swihloko leswi nga ha pfuxaka ku tsakela. Kombela munhu lonkulu ni muntshwa, havambirhi va endla nkombiso wo koma wo fambisa timagazini.—Vona xiengetelo xa Vutirheli Bya Hina Bya Mfumo bya September 1995.
Risimu 105 ni xikhongelo xo pfala.
Vhiki Leri Sungulaka Hi October 11
Risimu 194
10 min: Switiviso swa vandlha. Xiviko xa timali.
20 min: “Mintsombano Ya Miganga Ya ‘Rito Ra Xikwembu Ra Vuprofeta.’” (Tindzimana 1-15) Swivutiso ni tinhlamulo. Hlaya ndzimana 6, 8, 11 na 15. Kandziyisa swivangelo swa ku va hi va kona entsombanweni masiku hinkwawo ku katsa ni ku va kona eka minongonoko ya Ravuntlhanu. Kandziyisa nkoka wa ku landzela nkongomiso wa Sosayiti mayelana ni ku ta ni swakudya swa hina entsombanweni siku rin’wana ni rin’wana.
15 min: “Ndlela Yo Kuma Ntsako Lowu Engeteleleke Hi Ku Va Kona eMinhlanganweni.” Swivutiso ni tinhlamulo. Tshaha swikombiso swa xiviri swa ndlela leyi hi nga kombisaka ku anakanyela ni ku khutazana ha yona eminhlanganweni. Kombela vayingiseri leswaku va boxa leswi swi tshameke swi endleka eka vona.
Risimu 152 ni xikhongelo xo pfala.
Vhiki Leri Sungulaka Hi October 18
Risimu 196
10 min: Switiviso swa vandlha ni mintokoto leyi kumiweke ensin’wini.
10 min: “Xana Wa Rhurha?” Nkulumo leyi khutazaka leyi nga ta nyikeriwa hi matsalana. Loko vahuweleri va boheka ku rhurhela evandlheni rin’wana, i swa nkoka leswaku va tolovela ndhawu leyi va rhurheleke eka yona leswaku va ta papalata ku tsana emoyeni. Kandziyisa nkoka wa ku tivisa vakulu malunghana ni makungu yo tano ni ku va kombela va ku pfuna leswaku u tihlanganisa ni vandlha lerintshwa.
25 min: “Mintsombano Ya Miganga Ya ‘Rito Ra Xikwembu Ra Vuprofeta.’” (Tindzimana 16-23) Swivutiso ni tinhlamulo. Hlaya tindzimana 17-20. Hi ku tirhisa matsalwa lama tshahiweke ni lama kombisiweke, kandziyisa nkoka wa maambalelo, ku tilunghisa ni ku tikhoma ka hina, ku nga swilo leswi hi faneleke hi anakanyisisa kahle ha swona.
Risimu 142 ni xikhongelo xo pfala.
Vhiki Leri Sungulaka Hi October 25
Risimu 179
15 min: Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu. Pfuna hinkwavo leswaku va lunghekela ku fambisa broxara leyi nge Leswi Xi Swi Languteleke kumbe buku leyi nge Vutivi hi November. Hlamusela ndlela yo lunghiselela xingheniso lexi kandziyisaka xivutiso lexi nge, “Xana Xikwembu xa swi hlamula swikhongelo?” Tirhisa tinhla leti nga eka dyondzo 7 ya broxara kumbe ndzima 16, tindzimana 12-14 ta buku. Kombisa xingheniso xo olova lexi katsaka tsalwa rin’we.
15 min: Ku Kuma Tinhlamulo Ta Swivutiso Leswi Sekeriweke eBibeleni. Muhuweleri la hlanganeke ni munhu la tsakelaka la nga ni xivutiso lexi sekeriweke eBibeleni u byela nandza wa vutirheli hi mhaka leyi. Ematshan’weni ya ku n’wi nyika nhlamulo, nandza wa vutirheli u n’wi hlamusela ndlela leyi a nga kumaka nhlamulo ha yona. Xo sungula, u pfuxeta swiringanyeto leswi kumekaka eka Buku Yo Letela Ya Xikolo, dyondzo 7, tindzimana 8-9. Kutani, havumbirhi bya vona va endla ndzavisiso wa xivutiso lexi talaka ku vutisiwa ensin’wini ya ka vona. Va endla minkambisiso yo karhi leyi vulavulaka hi mhaka yoleyo, ivi va kuma tinhla leti khorwisaka leti endlaka nhlamulo ya Bibele yi twisiseka. Khutaza vayingiseri leswaku va dyondza hi ndlela leyi leswaku va lavisisa tinhlamulo ta swivutiso leswi sekeriweke eBibeleni.
15 min: “U Nga Ku Yini Eka Muyuda?” Swivutiso ni tinhlamulo. Hlamusela ku hambana loku nga kona exikarhi ka Vuyuda bya Orthodox, lebyi Pfuxetiweke ni bya Ndhavuko. (Vona buku leyi nge Ku Lavisisa Ka Vanhu Xikwembu, 226-7.) Kombisa laha swi nga kotekaka leswaku u sungula bulo ni Muyuda. Endla nkombiso lowu lunghiseleriweke kahle. Leswaku u kuma rungula leri engetelekeke malunghana ni Vuyuda, vona xiengetelo xa Vutirheli Bya Hina Bya Mfumo bya February 1998; buku leyi nge Ku Hlamulana matluka 22-3; ni leyi nge Ku Lavisisa Ka Vanhu Xikwembu, ndzima 9. Loko vahuweleri va nga tali ku hlangana ni Muyuda evutirhelini, endla bulo ri pfumelelana ni swiyimo swa ndhawu ya ka n’wina, u ri karhi u hlamusela tibuku leti fambisiwaka n’hweti leyi.
Risimu 151 ni xikhongelo xo pfala.