Xiyimiso Xa Nhlangano Wa Ntirho
Vhiki Leri Sungulaka Hi June 12
Risimu 136
8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.
15 min: “Ntirho Wa N’wina A Hi Wa Hava.” Endla xingheniso lexi nga hetiki minete kutani ku landzela bulo ra swivutiso ni tinhlamulo. Katsa leswi hlamuseriweke eka ntokoto lowu runguriweke eka Xihondzo xo Rindza xa June 15, 1996, tluka 32.
22 min: Ku sungula Tidyondzo Hi Broxara Leyi Nge Leswi Xi Swi Languteleke. Nkulumo leyi pfuxetaka xihloko xa Vutirheli Bya Hina Bya Mfumo bya January 1999, tluka 4. Endla nkombiso hi xingheniso lexi ringanyetiweke eka ndzimana 6. Kombela muhuweleri un’we kumbe vambirhi leswaku va rungula hi ku komisa leswaku va swi kotise ku yini ku sungula tidyondzo, va vula ndlela leyi va ringanyeteke ku sungula dyondzo ha yona ni leswi va swi endleke leswaku dyondzo yoleyo yi fambisiwa vhiki rin’wana ni rin’wana.
Risimu 209 ni xikhongelo xo pfala.
Vhiki Leri Sungulaka Hi June 19
Risimu 14
12 min: Switiviso swa vandlha. Xiviko xa timali ni xa ku kamberiwa ka tiakhawunti ka tin’hweti tinharhu leti hundzeke. Loko exitokweni xa vandlha ku ri ni tikopi ta buku leyi nge Swivutiso Leswi Vantshwa Va Swi Vutisaka, kombisa ndlela leyi ti nga tirhisiwaka ha yona hi ndlela leyinene evutirhelini loko vana va xikolo va ri eku wiseni, laha hi talaka ku va kuma va ri ekaya.
8 min: Bokisi Ra Swivutiso. Nkulumo hi nkulu.
25 min: “Xana Ndzi Nga Swi Tivisa Ku Yini, Handle Ka Loko Ndzi Kongomisiwa Hi Un’wana?” Bulo ra swivutiso ni tinhlamulo leri nga ta fambisiwa hi mulanguteri wa ntirho. Endla leswaku ndzimana yin’wana ni yin’wana yi hlayiwa swi twala, naswona u hlaya matsalwa lama nga etindzimaneni 3, 4 na 7. Loko u hlanganisa ndzimana 6, hlamusela ntirho wa mulanguteri wa ntirho wa ku vona loko swi fanerile ku va lava khuvuriweke swi fanela leswaku va tlhela va dyondzeriwa Bibele kumbe e-e.—Vona Bokisi Ra Swivutiso eka Vutirheli Bya Hina Bya Mfumo bya November 1998.
Risimu 89 ni xikhongelo xo pfala.
Vhiki Leri Sungulaka Hi June 26
Risimu 39
10 min: Switiviso swa vandlha. Tsundzuxa vahuweleri leswaku va siya swiviko swa ntirho wa vona wa nsimu wa June. Vulavula hi tibuku leti nga ta fambisiwa hi July. Kombisa tibroxara ta khale leti nga kona evandlheni, kutani hi ku komisa u vula nkoka wa yin’wana ni yin’wana ya tona. Vana ni nkombiso lowu lunghiseleriweke kahle, lowu kombisaka ndlela ya ku fambisa yin’wana ya tona ensin’wini.
17 min: ‘Tiyimisele Ku Hanana, Avelana Ni Van’wana.’ Swivutiso ni tinhlamulo. Katsa ni swivangelo swa mune eka xihlokwana lexi nge “Lexi Endlaka Leswaku Hi Hanana,” leswi longoloxiweke eka Xihondzo xo Rindza xa November 1, 1996, matluka 29-30.
18 min: Tiva Ndlela Leyi U Faneleke U Hlamula Ha Yona. (Kol. 4:6) Nkulumo leyi katsaka bulo ni vayingiseri. Xana u endla yini loko u hlangana ni munhu la pfuxaka mhaka leyi nga pfumelelaniki ni Matsalwa? Hakanyingi buku leyi nge Ku Hlamulana ya hi lamulela hi ku hi nyika swiringanyeto leswi tirhaka swa ku hlamula hi ndlela ya vutlhari. Hi xikombiso, hambileswi rifu ri nga nala la nga ta hluriwa hi nkutsulo wa Kreste, van’wana va tibyele leswaku a xi kona lexi nga ta ri herisa, va tlhela va pfumela eka dyondzo ya mavunwa ya ntswariwo-nyingi. Hlamusela tindlela ta ku hlamula ha tona leti kombisiweke ebukwini leyi nge Ku Hlamulana, laha ku tsariweke leswaku “Loko Munhu A Ku—” eka matluka 227-8 na 211. Khutaza hinkwavo leswaku va nga yi siyi buku leyi loko va ya ensin’wini.
Risimu 44 ni xikhongelo xo pfala.
Vhiki Leri Sungulaka Hi July 3
Risimu 213
10 min: Switiviso swa vandlha. Kombela vahuweleri lava sunguleke tidyondzo hi broxara leyi nge Leswi Xi Swi Languteleke leswaku va rungula ndlela leyi va humeleleke ha yona. Bula hi xihloko lexi nge “Ku Tirha Laha Ku Nga Ni Xilaveko Lexikulu.” Khutaza lava swiyimo swi va pfumelelaka leswaku va ku ehleketisisa hi xikhongelo ku rhurhela eka rin’wana ra madoroba lawa.
15 min: Swilaveko swa vandlha.
20 min: Ku Tirhisa Misinya Ya Milawu Ya Bibele Swi Tiyisa Vutomi Bya Ndyangu. Bulo ra vamakwerhu vambirhi, leri sekeriweke eka tinhla ta nhungu leti kumekaka eka buku leyi nge Ku Hlamulana, matluka 342-3. Hlamuselani nkoka wa ku pfuna swichudeni swa Bibele leswaku swi dyondza leswaku xihundla xa ntsako endyangwini xi titshege hi ku twisisa ni ku tirhisa misinya ya milawu leyi kumekaka eRitweni ra Xikwembu. Kombisani leswaku leswi swi nga endliwa njhani, mi tirhisa dyondzo 8 ya broxara leyi nge Leswi Xi Swi Languteleke. Mindyangu leyi tirhisaka ndzayo ya Bibele yi ni vun’we naswona yi kuma ntsako lowukulu hikwalaho ka leswi yi rhandzanaka swinene ni ku va ni vun’we. Rungula ntokoto lowu nga ebukwini leyi nge Ntsako eNdyangwini, ndzima 13, tindzimana 1, 21-2.
Risimu 51 ni xikhongelo xo pfala.